ရခိုင်တွင် ၁ နှစ်အတွင်း ထွက်ရှိခဲ့သည့် စာအုပ် (၂၃)အုပ်

စုဆောင်းတင်ပြသူ- မင်းအဂ္ဂ

နိရဉ္စရာ၊ ဇန်နဝါရီ ၇/ ၂၀၂၂

 ၂၀၂၂ ခုနှစ်အတွင်း ရခိုင်ပြည်နယ်က စာအုပ် (၂၃) အုပ်ထုတ်ဝေခဲ့သည်ကို တွေ့ရှိရသည်။ အဆိုပါ စာအုပ်များအထဲတွင် သုတနှင့် ရသစာပေအမျိုးအစားများဖြစ်ကြပြီး စာရေးသူများ၏ ကိုယ်တိုင်ရေး အတ္ထုပ္ပတ္တိစာအုပ်များ ပါဝင်သလို ဘာသာပြန်၊ အတွေးအမြင်၊ သမိုင်းဆိုင်ရာနှင့် ကဗျာစာအုပ်များလည်း ပါဝင်ပါသည်။  အဆိုပါ စာအုပ်များကို မင်းအဂ္ဂ မှတ်တမ်းတင်စုဆောင်းပြီး တင်ပြထားပါသည်။

ရခိုင်တွင် ၁ နှစ်အတွင်း ထွက်ရှိခဲ့သည့် ကိုယ်တိုင်ရေးစာအုပ် (၂၃)အုပ်

-------------------------------------------------------------------------------

 ရခိုင်တွင်၂ဝ၂၂ခုနှစ်အတွင်းထွက်ရှိခဲ့သည့်ကိုယ်တိုင်ရေးစာအုပ်များကိုလက်လှမ်းမီသလောက်ပြုစုခဲ့ရာစုစုပေါင်း (၂၃)အုပ်ရှိခဲ့ပါသည်။ယင်းစာအုပ်များအကြောင်းအကျဉ်းချုပ်နှင့်ရောင်းစျေးတို့ကိုအောက်တွင်ဖတ်ရှုနိုင်ပါသည်။

ဖြတ်သန်းခဲ့ကြသော၊ ဖြတ်သန်းနေကြဆဲဖြစ်သော တော်လှန်ရေးခေါင်းဆောင်(၇)ဦးဖြစ်သည့် ဦးမောင်စိန်ညွန့်၊ ဦးရွှေသာ၊ ဦးခိုင်စိုးနိုင်အောင်၊ ဒေါက်တာခင်မောင်၊ ဦးကြာဖြူအောင်၊ ဦးဗစိုးအောင်နှင့် ဦးခိုင်မြဝါတို့အကြောင်း၊ ဗိုလ်ချုပ်ခိုင်ရာဇာမိသားစုအကြောင်းနှင့် စာရေးသူ၏ တော်လှန်ရေးလောကအတွေ့အကြုံအချို့ကို ထည့်သွင်းရေးသားထားသည်ကို တွေ့ရသည်။
တစ်အုပ်လျှင် ကျပ် ၄ ထောင်ဖြင့် ရခိုင်ရှိ စာအုပ်ဆိုင်များနှင့် စာပေနှင့်နီးစပ်သူများထံတွင် စုံစမ်းမေးမြန်းဝယ်ယူနိုင်ပြီဖြစ်သည်။
======

(၁၁) ဒရိုင်ဘာအဓိက (ဟိဟိဟဟ ဝတ္ထုတိ) သားလှ (ရသေ့တောင်)
“ဒရိုင်ဘာအဓိက (ဟိဟိဟဟ ဝတ္ထုတိ)”စာအုပ်သည် သြဂုတ်လအတွင်း ထွက်ရှိခဲ့ခြင်းဖြစ်သည်။
ဆရာသားလှ (ရသေ့တောင်)၏ အသက် ၅၃ နှစ်ပြည့်အဖြစ်ထုတ်ဝေခြင်းဖြစ်ပြီး ဟာသနှင့် သရော်စာဝတ္ထုတို ၅၃ ပုဒ်ကိုထည့်သွင်းဖော်ပြထားသည်။ယခုစာအုပ်တွင် စာရေးသူ၏ဘဝဖြတ်သန်းခဲ့ရမှုများတွင် တွေ့ကြုံခဲ့ရသည့်အဖြစ်အပျက်များကို ဟာသနှောကာ ဆင်ခြင်ရန်၊ ဆောင်ရန်၊ ရှောင်ရန်၊ ပြုပြင်ရန် အထေ့အငေါ့များနှင့် သရော်ထားသည်ကို ဖတ်ရှုရမည်ဖြစ်သည်။
အထူးသဖြင့် စာရေးသူသည် ပညာရေးဝန်ထမ်းတစ်ဦးဖြစ်သည်နှင့်အညီ ပညာရေးလောကအတွင်း အောက်ခြေတွင်ဖြစ်ပျက်နေသည့် လဘ်စားမှုအချို့ကိုလည်း ပွင့်ပွင့်လင်းလင်းဝေဖန်ရေးသားထားသည်ကို တွေ့ရသည်။
တစ်အုပ်လျှင် ကျပ် ၃၅ဝဝ ဖြင့် ရခိုင်ရှိစာအုပ်ဆိုင်များနှင့် စာပေနှင့် နီးစပ်သူများထံဝယ်ယူရရှိနိုင်ပြီဖြစ်သည်။
=======

(၁၂) နီဝင်ရီတရောက ကောင်ချေ (လင်းနီ နှင့် နီငြိမ်း)
“နီဝင်ရီတရောက ကောင်ချေ”စာအုပ်သည် စက်တင်ဘာလအတွင်း ထွက်ရှိခဲ့ခြင်းဖြစ်သည်။
တရုတ်စာရေးဆရာ Yu Hua ၏ Boy in the Twilight - Hidden Stories of China စာအုပ်ကို ရခိုင်လူငယ်စာရေးဆရာနှစ်ဦးဖြစ်သည့် လင်းနီနှင့် နီငြိမ်းတို့က ရခိုင်ဘာသာဖြင့် ဘာသာပြန်ထုတ်ဝေထားခြင်းဖြစ်သည်။ ဝတ္ထုတို ၁၃ ပုဒ်ကိုဘာသာပြန်ထားခြင်းလည်း ဖြစ်သည်။
တစ်အုပ်လျှင် ကျပ် ၅ ထောင်ဖြင့် ရခိုင်ရှိ စာအုပ်ဆိုင်များနှင့် စာပေနှင့်နီးစပ်သူများထံ မေးမြန်းဝယ်ယူနိုင်ပြီဖြစ်သည်။
========
(၁၃)ကပြား နှောင်ကြိုး (ဘုန်းထက်အာကာ)
“ကပြား နှောင်ကြိုး”စာအုပ်သည် စက်တင်ဘာလအတွင်း ထွက်ရှိခဲ့ခြင်းဖြစ်သည်။
တက်သစ်စ ရခိုင်လူငယ်စာရေးဆရာ ဘုန်းထက်အာကာ၏ ပင်ကိုယ်ရေး ဖြစ်ရပ်မှန်ဝတ္ထုစာအုပ်ဖြစ်သည်။
ရခိုင်ပြည်နယ်၊ မွန်ပြည်နယ်နှင့် ကရင်ပြည်နယ်တို့ကို အဓိက နောက်ခံထားကာ မတူကွဲပြားမှုနှင့် ပြည်တွင်းစစ်ကို အဓိက အခြေခံထားသည့် ရင်နှင့်ဖွယ် ဇာတ်လမ်းတစ်ပုဒ်လည်းဖြစ်သည်။
တစ်အုပ်လျှင် ကျပ် ၄ ထောင်ဖြင့် ရခိုင်ပြည်နယ်နှင့် ရန်ကုန်ရှိ စာအုပ်ဆိုင်များနှင့် ရခိုင်စာပေနှင့်နီးစပ်သူများထံ ဝယ်ယူရရှိနိုင်ပါပြီ။
=======
(၁၄)ဆရာတော်ဦးဥတ္တမ၏ စစ်တွေခရီးစဉ် (အရှင် ဣန္ဒဝံသ(ကိန်းသာ))
“ဆရာတော်ဦးဥတ္တမ၏ စစ်တွေခရီးစဉ်”စာအုပ်သည် စက်တင်ဘာလအစောပိုင်းတွင် ထွက်ရှိခဲ့ခြင်းဖြစ်သည်။
စက်တင်ဘာ ၉ ရက်တွင် ကျရောက်ခဲ့သည့် (၈၃) နှစ်မြောက် ဆရာတော် ဦးဥတ္တမနေ့အထိမ်းအမှတ်အဖြစ် ထုတ်ဝေခဲ့ခြင်းဖြစ်သည်။ မြန်မာ့လွတ်လပ်ရေးမီးရှူးတန်ဆောင် ဆရာတော်ဦးဥတ္တမနှင့် နိုင်ငံရေးအခြေအနေကို အဓိကမီးမောင်းထိုးပြထားသော သမိုင်းမှတ်တမ်းစာအုပ်တစ်အုပ်လည်း ဖြစ်သည်။
ရခိုင်ပြည်အသီးသီးရှိ ရခိုင်လူမျိုးများ၊ အထူးသဖြင့် ရခိုင့်လူငယ် စာဖတ်ပရိသတ်များဖတ်ရှုသင့်သည့် စာအုပ်တစ်အုပ်ဖြစ်ပြီး ရခိုင်လူမျိုးတိုင်း၏ အိမ်တိုင်း အိမ်တိုင်းတွင် ထားရှိသင့်သည့် စာအုပ်တစ်အုပ်လည်း ဖြစ်သည်။
တစ်အုပ်လျှင် ကျပ် ၂ ထောင်ဖြင့် ရခိုင်ပြည်နယ်ရှိ စာအုပ်ဆိုင်များနှင့် စာပေနှင့်နီးစပ်သူများထံတွင် မေးမြန်းဝယ်ယူနိုင်ပြီဖြစ်သည်။
========
(၁၅)အောင်မြင်နေသော ရခိုင်လူငယ်များ (အောင်ကြည်မိုး (သင်းပုန်းတန်း))
“အောင်မြင်နေသော ရခိုင်လူငယ်များ”စာအုပ်သည် စက်တင်ဘာလအတွင်း ထွက်ရှိခဲ့ခြင်းဖြစ်သည်။
ရခိုင်ပြည်ရှိ နယ်ပယ်အသီးသီးတွင် အောင်မြင်နေသော လူများစွာထဲမှ အသက် ၄ဝ အောက် လူငယ် ၁ဝ ဦးအကြောင်းကို ရေးသားထားသည့် စာအုပ်ဖြစ်သည်။နောင်လာနောက်သားလူငယ်များအနေဖြင့် မိမိ၏အိပ်မက်များကို စာအုပ်ထဲမှ လူငယ်များအား အားကျအတုယူပြီး မိမိလိုချင်သည့် အောင်မြင်မှုကိုရရှိစေရန်ရည်ရွယ်၍ ရေးသား ထုတ်ဝေလိုက်ခြင်းဖြစ်သည်ဟု စာရေးသူက ဆိုထားသည်။
တစ်အုပ်လျှင် ကျပ် ၃၅ဝဝ ဖြင့် ရခိုင်ရှိ စာအုပ်ဆိုင်များနှင့် စာပေနှင့်နီးစပ်သူများထံ မေးမြန်းဝယ်ယူရရှိနိုင်ပြီဖြစ်သည်။
========

(၁၆)အမျိုးကိုထိလျှင် နာတတ်ပါသည် (မင်းပြား မင်းသိန်းဇံ)
“အမျိုးကိုထိလျှင် နာတတ်ပါသည်”စာအုပ်သည် စက်တင်ဘာအတွင်း ထွက်ရှိခဲ့ခြင်းဖြစ်သည်။
စာရေးဆရာ ဦးဆက်ထွန်းလင်းက ရခိုင်ဆိုသည်မှာ သီးခြားနိုင်ငံဟူ၍မရှိ၊ ခေတ်အဆက်ဆက် မြန်မာမင်းများ၏အစောင့်အရှောက်ခံများသာဖြစ်သည်။ အခွန်ဘဏ်ဏ္ဍာနှင့် သမီးကညာများဆက်သခဲ့ရသည်။ ရခိုင်များသည် အချို့ကာလတွင် ဘင်္ဂလားဒေ့ရှ်နိုင်ငံ၏လက်အောက်ခံဟူ၍ သူရဇ္ဇမဂ္ဂဇင်း၌ ရခိုင်လူမျိုးတစ်ခုလုံးကို ရစရာမရှိအောင် စော်ကားပြီး ရခိုင်သမိုင်းကို ထိုးနှက်ရေးသားထားခြင်းကို စာပေအထောက်အထားနှင့် သမိုင်းရုပ်ကြွင်းအကိုးအကားများဖြင့် ပြန်လည်ချေပရေးသားထားသည့် စာအုပ်ကောင်းတစ်အုပ်ဖြစ်သည်။
တစ်အုပ်လျှင် ကျပ် ၃ ထောင်ဖြင့် စစ်တွေရှိစာအုပ်ဆိုင်များနှင့် ရခိုင်စာပေနှင့်နီးစပ်သူများထံ ဝယ်ယူရရှိနိုင်ပြီဖြစ်သည်။
=======
(၁၇) တစ်မျက်နှာနှင့် ငယ်မျက်နှာပေါင်းများစွာ (ဗဂျီးကျော် (စစ်တွေ))
“တစ်မျက်နှာနှင့် ငယ်မျက်နှာပေါင်းများစွာ”စာအုပ်သည် စက်တင်ဘာလအတွင်း ထွက်ရှိခဲ့ခြင်းဖြစ်သည်။
ရခိုင်ဗီဒီယို ဟာသ သရုပ်ဆောင်၊ ဟာသစာရေးဆရာကြီး ဗဂျီးကျော်(စစ်တွေ)၏ စာရေးသက်တမ်း နှစ်(၆ဝ)ပြည့် အထိမ်းအမှတ်အဖြစ်ထုတ်ဝေခဲ့ခြင်းလည်းဖြစ်သည်။
ဟာသဝတ္ထုတို ၁၈ ပုဒ်ကို စုစည်းဖော်ပြထားခြင်းဖြစ်သည်။
တစ်အုပ်လျှင် ကျပ် ၁၅ဝဝ ဖြင့် စစ်တွေရှိ စာအုပ်ဆိုင်များတွင် ဝယ်ယူရရှိနိုင်ပြီဖြစ်သည်။
=====
(၁၈) အာရကန် (ဝေသာ)
“အာရကန်”စာအုပ်သည် စက်တင်ဘာလအတွင်း ထွက်ရှိခဲ့ခြင်းဖြစ်သည်။
ဂျာမန်လူမျိုး ရှေးဟောင်းသုတေသနအရာရှိ အီမန်ညူဝယ် ဖော်ချမ်းမား၏ ၁၈၉၁ ခုနှစ်တွင် တင်သွင်းသည့် ရခိုင်ပြည်အတွက် အေစာဆုံး ရှေးဟောင်းသုတေသန အစီရင်ခံစာကို ရခိုင်ဘာသာပြန်စာရေးဆရာ ဝေသာက ဘာသာပြန်တင်ဆက်ထားခြင်းဖြစ်သည်။
ရခိုင်ပြည်နယ် ကျောက်တော်မြို့ရှိ မဟာမုနိ၊ မြောက်ဦးမြို့ဟောင်း၏အထင်ကရ သာသနိကအဆောက်အဦ(၁၆)ခု၊ မင်းပြားမြို့နယ်၊ ပုဏ္ဏားကျွန်းမြို့နယ်တို့မှ ရှေ့ဟောင်းသုတေသနဆိုင်ရာနေရာများ၊ အဆောက်အဦများ၊ မြို့တော်အသစ်၊ စစ်တွေ၊ သံတွဲမြို့မှ အထင်ကရ စေတီသုံးဆူနှင့် ပေါက်တောမြို့မှ နာမည်ကျော် ဆံတော်ရှင် တန်းခိုးကြီးဘုရား စသည်တို့၏ သမိုင်းနောက်ခံ၊ လက်ရှိအခြေအနေ၊ ဗုဒ္ဓဝင်ဆိုင်ရာဆက်နွယ်မှုများကို အသေးစိတ်သုတေသနပြုလုပ်ထားခြင်းဖြစ်သည်။
လွန်ခဲ့သည့် နှစ်ပေါင်း ၁၃ဝ က အစီအရင်ခံဖော်ပြချက်များကို ရှေးဟောင်းကျမ်းစာ၊ ပေစာ၊ ပရပိုက်စာများဖြင့် ညှိနှိုင်းကိုးကားပြီး ဆရာဝေသာက အပိုအလိုမရှိ သေသပ်တိကျစွာ မြန်မာဘာသာပြန်ဆိုတင်ဆက်ထားသည့် စာအုပ်လည်းဖြစ်သည်။
တစ်အုပ်လျှင် ကျပ် ၁ သောင်းဖြင့် ရခိုင်နှင့် ရန်ကုန်ရှိ စာအုပ်ဆိုင်များတွင် ဝယ်ယူရရှိနိုင်ပြီဖြစ်သည်။
=====

(၁၉) ပလီပလာတိ (ပန်းသီကြိုး (ရသေ့တောင်))
“ပလီပလာတိ”ကဗျာစာအုပ်သည် အောက်တိုဘာလအတွင်း ထွက်ရှိခဲ့ခြင်းဖြစ်သည်။
ရခိုင်စကားဖြင့်ရေးစပ်ထားသည့် ကဗျာ ၂၄ ပုဒ်ပါရှိသည်။
တစ်အုပ်လျှင် ကျပ် ၃ ထောင်ဖြင့် ရခိုင်ပြည်တွင်း ဖြန့်ချိလျက်ရှိသည်။
===========

(၂ဝ) သူငယ်ချင်းရဲ့ သူငယ်ချင်း ကဗျာများ (ဂေါယာမြေစောဝင်း)
“သူငယ်ချင်းရဲ့ သူငယ်ချင်း ကဗျာများ” စာအုပ်သည် နိုဝင်ဘာလအစောပိုင်းက ထွက်ရှိခဲ့ခြင်းဖြစ်သည်။ ကဗျာပေါင်း ၁၁၇ ပုဒ်ကို ဖော်ပြထားသည်။
လောကလူသားအကျိုးကို ဖြောင့်မတ်တည်ကြည်ကောင်းစေချင်သည့်အတွက် မျက်နှာမထောက် ဘာမထောက်ဘဲ ရေးသားထားခြင်းဖြစ်သည်ဟု စာရေးသူက ဆိုထားသည်။
တစ်အုပ်လျှင် ကျပ် ၄ ထောင်ဖြင့် ရခိုင်တွင် ဖြန့်ချိလျက်ရှိသည်။
=========

(၂၁)ရခိုင်စါလုံးပေါင်း ခေတ်မီသတ်ပုံ (သထော်ဥ)
“ရခိုင်စါလုံးပေါင်း ခေတ်မီသတ်ပုံ” စာအုပ်သည် နိုဝင်ဘာလအတွင်း ထွက်ရှိခဲ့ခြင်းဖြစ်သည်။
တည်ငြိမ်မှုမရှိဖြစ်နေသည့် ရခိုင်စာလုံးပေါင်းသတ်ပုံများနှင့်ပတ်သက်ပြီး လူငယ်စာရေးဆရာတစ်ဦးက ကြိုးစား စုစည်းထုတ်ဝေလိုက်သော စာအုပ်ဖြစ်သည်။
တစ်အုပ်လျှင် ကျပ် ၁ သောင်း ၂ ထောင်ဖြင့် ရခိုင်ပြည်အတွင်း ဖြန့်ချိလျက်ရှိသည်။
=========

(၂၂) စိတ်ခံစားမှု စာစုများ (ယူတီ (ပညာရေး))
“စိတ်ခံစားမှု စာစုများ”စာအုပ်သည် ဒီဇင်ဘာလအတွင်း ထွက်ရှိခဲ့ခြင်းဖြစ်သည်။
ဆောင်းပါး ၂၉ ပုဒ်ကို စုစည်းဖော်ပြထားသည်။
တစ်အုပ်လျှင် ကျပ် ၄ ထောင်ဖြင့် ရခိုင်တစ်ပြည်လုံးဖြန့်ချိလျက်ရှိသည်။
========

(၂၃)Zero To Rakhine Billionaires - အခက်အခဲလား... လာထား (ခိုင်မင်းခန့်)
“Zero To Rakhine Billionaires - အခက်အခဲလား... လာထား” စာအုပ်သည် ဒီဇင်ဘာလ လကုန်ပိုင်းတွင် ထွက်ရှိခဲ့ခြင်းဖြစ်သည်။
အဆိုပါစာအုပ်သည် ရခိုင်မှ လူသိများထင်ရှားသည့် စီးပွားရေးလုပ်ငန်းရှင် ဦးကျောက်တောင်၊ ကားစပယ်ယာဘဝမှ အောင်မြင်သည့် စီးပွားရေးလုပ်ငန်းရှင် ဖြစ်လာသူ ဦးတင်ဇံကျော်၊ လယ်လုပ်သားဘဝမှ ဘဏ္ဍာရေးဆိုင်ရာအကြံပေးပညာရှင်ဖြစ်လာသည့် ဦးသန်းအောင်နှင့် စွန့်ဦးတီထွင်စီးပွားရေးပညာရှင်ဦးကျော်လှိုင်တို့အပါအဝင် ရခိုင့်ထိပ်တန်းစီးပွားရေးလုပ်ငန်းရှင် ၁၂ ဦး၏အကြောင်းတို့၏အကြောင်းကို ရေးသားထားခြင်းဖြစ်သည်။
ယင်းစာအုပ်ကို ဘဝ၏အခက်အခဲပြဿနာများကို ဖြေရှင်းနိုင်စေရေး၊ စီးပွားရေးကို စိတ်ဝင်စားသူတိုင်းအတွက် နည်းလမ်းကောင်းများရရှိရေး၊ အောင်မြင်သော စီးပွားရေးလုပ်ငန်းရှင်များ ပေါ်ထွန်းလာရေး၊ စွန့်ဦးတီထွင်လုပ်ငန်းရှင်များဖြစ်ပေါ်လာစေရေးနှင့် ပြည်တွင်း စီးပွားရေး လုပ်ငန်းများဖွံ့ဖြိုးတိုးတက်လာစေရေးစသည့် ရည်ရွယ်ချက် (၅)ချက်ဖြင့် ရေးသားထုတ်ဝေရခြင်းဖြစ်သည်ဟုလည်း စာရေးသူက ဆိုထားသည်။
တစ်အုပ်လျှင် ကျပ် ၆ ထောင်နှုန်းဖြင့် ရခိုင်ပြည်နှင့် ရန်ကုန်မြို့များရှိ စာအုပ်ဆိုင်များ၌ စတင်ရောင်းချနေပြီဖြစ်သည်။