ရုရှားက ဖမ်းဆီးထားသည့် ယူကရိန်း အကျဉ်းသားများအရေးကမ္ဘာက သိအောင် မိသားစုဝင်များက ဥရောပကိုဖြတ်ကာ ဆွစ်ဇာလန် ထိသွားရောက်တောင်းဆို
ဂျွန်နသန်၊ နိရဉ္စရာ၊ ဇွန် ၁၇/၂၀၂၄ (ဘာသာပြန်ဆောင်းပါး)
“ကျွန်မခင်ပွန်းကိုပြန်ရရှိဖို့အတွက် အစွမ်းရှိသမျှ အကုန်လုပ်မယ်” ဟု ပြောဆို လာသူက အသက် ၃၄နှစ်အရွယ်ရှိ Svitlana Bilous ဖြစ်သည်။
၄င်းသည် တက်ကြွ လှုပ်ရှားသူတစ်ဦးဖြစ်ပြီး ပျောက်ဆုံးနေ သည့် ယူကရိန်းစစ်သားတစ်ဦး၏ဇနီးသည် တစ်ဦးလည်းဖြစ်သည်။
သူမသည်ယူကရိန်းအရှေ့ပိုင်း ခါခရစ်မြို့မှ ဥရောပကိုဖြတ်ကာ ယူကရိန်းစစ်သုံ့ပန်းဟောင်း Ilia Iliashenko နှင့်အတူ ဆွစ်ဇာလန်နိုင်ငံသို့ရောက်ရှိလာသူဖြစ်သည်။
Iliashenko သည် ၂၀၂၂ ခုနှစ်က Mariupol တွင်ရုရှားတပ်ဖွဲ့များ၏ဖမ်းဆီးခြင်းကိုခံခဲ့၇သူဖြစ်သည်။
Bilous နှင့် Iliashenko တို့သည် ရုရှားကဖမ်းဆီးထားသည့်ယူကရိန်းအကျဉ်းသားများ အရေးအတွက် ထုတ်ဖော်ပြောဆိုရန် နှင့် အကူအညီတောင်းခံရန် ဥရောပကို ဖြတ်ကျော်ကာဆွစ်ဇာလန် ရှိ ထိပ်သီးအစည်းအဝေးတစ်ခုဆီ ရောက်ရှိနေခြင်းဖြစ်သည်။
Bilous သည် ရုရှားနှင့်ယူကရိန်းစစ်ပွဲကိုအဆုံးသတ်ရန်နှင့် ရုရှားကဖမ်းဆီးထားသည့် သူမ၏ ခင်ပွန်းဖြစ်သူယူကရိန်းစစ်သား အကြောင်းကမ္ဘာကိုပြောပြရန်နိုင်ငံတကာထိပ်သီးအစည်းအဝေး၏ ဘေးနားတွင်ရပ်နေခဲ့သည်။
“ကျွန်မခင်ပွန်းကိုပြန်ရဖို့အတွက် အစွမ်းရှိသမျှကျွန်မ အကုန်လုပ်ပေးရပါမယ်” ဟု ထိပ်သီးအစည်းအဝေးသို့ တာဝန်ရှိသူများ ရောက်ရှိလာစဉ်အတွင်း Bilous ကရိုက်တာသတင်းဌာသို့ သို့အထက်ပါအတိုင်းထုတ်ဖော်ပြောကြားလိုက်သည်။
Bilous၏ခင်ပွန်းဖြစ်သူယူကရိန်းစစ်သား Anatoliy သည်ယမန်နှစ် ဧပြီလကတည်းကပျောက်ဆုံးသွားခဲ့သည်။ ယင်းနောက် သူမ၏ခင်ပွန်း သည်အသက်ရှင်နေသေးကြောင်းကြားသိရသော်လည်းသူနှင့် တိုက်ရိုက်အဆက်အသွယ်မရှိခဲ့ဟု သိ၇သည်။
အဆိုပါထိပ်သီးဆွေးနွေးပွဲနှင့်ဆက်စပ်အခမ်းအနားများတွင် သူမသည်ဆိုင်းဘုတ်များဝှေ့ယမ်းကာ ကြွေးကြော်သံများအော်ဟစ်ပြီး စစ်မြေပြင်တွင် ပျောက်ဆုံးသွားသော(ယူကရိန်း)တပ်ဖွဲ့ဝင်များအကြောင်း ကမ္ဘာက သတိပြုမိစေရန် ကြိုးပမ်းဆောင်ရွက်သွားမည်ဖြစ်သည်။
"သူတို့ ချစ်ရတဲ့သူတွေအသတ်ခံလိုက်ရသလား၊ ရုရှားက စစ်သုံ့ပန်းအဖြစ် ဖမ်းဆီး ခေါ်ဆောင်သွားသလားဆိုတာကို လူအတော်တော်များများက မသိရှိကြပါဘူး"ဟု Bilous ကပြောဆိုသည်။
ဆွစ်ဇာလန်နိုင်ငံ၊Lucerne အနီးရှိBuergenstock ထိပ်သီးဆွေးနွေးပွဲ သိုတက်ရောက်ရန် ရုရှားကိုဖိတ်ကြားခြင်းမပြုခဲ့ပေ။၂၀၂၂ခုနှစ် ဖေဖော်ဝါရီလက မော်စကိုမှ စတင်ခဲ့သော ကျူးကျော်စစ်ပွဲကို အဆုံးသတ်ရန် ယူကရိန်းက၎င်း၏ အစီအစဉ်ကို ထိုအစည်းအဝေးပွဲတွင် တင်ပြမည်ဖြစ်သည်။
မော်စကိုအနေဖြင့်စစ်သုံ့ပန်းများ၏အခြေအနေများကိုသတင်းပေးပို့ရန်၊ ၄င်းတို့အားဖြစ်နိုင်သမျှ အမြန်ဆုံး နေအိမ်သို့ပြန်ပို့ရန် အတွက် ယာကရိန်းမိသားစုဝင်များသည်အခြားသော ကမ္ဘာ့အင်အားကြီးနိုင်ငံများက မော်စကိုအား ဖိအားပေးရန်တောင်းဆိုနေကြသည်။
ရုရှားသည်စစ်သုံ့ပန်းများဆိုင်ရာ ဂျီနီဗာ သဘောတူညီချက်များကို လေးစား လိုက်နာဖို့လိုကြောင်းသူမက ရိုက်တာသို့ထပ် လောင်း ပြောကြားသည်။
“စစ်သုံ့ပန်းများပြန်ပို့ခြင်း၊ အပြည်ပြည်ဆိုင်ရာ ကြက်ခြေနီကော်မတီကို ထိန်းသိမ်းရေးစခန်း အားလုံးထံသို့ ဝင်ခွင့်ရောက်ခွင့်ပေးခြင်းစတဲ့ တိကျတဲ့ လုပ်ဆောင်မှုတွေ ဆောင်ရွက်ဖို့ ကျွန်မတို့ တောင်းဆိုပါတယ် ” ဟု သူမက ပြောကြားသည်။
ယူကရိန်းအရပ်သားများနှင့်စစ်သား ၈၀၀၀ ခန့်သည် ရုရှားလက်ထဲတွင် ရှိနေသည်ဟု ယူကရိန်း အရာရှိများကဖေဖော်ဝါရီလအတွင်းကပြောကြားခဲ့သည်။
မိသားစုများနှင့်အဆက်အသွယ်ပြတ်သွားသည့်လူပေါင်း၂၈,၀၀၀ (နှစ်ဖက်စလုံးမှ စစ်သားများနှင့်အရပ်သားများ) ၏ အခြေအနေကိုအပြည်ပြည်ဆိုင်ရာကြက်ခြေနီကော်မတီ( ICRC )ကရရှိရန် ကြိုးပမ်းနေသည်ဟုဆိုသည်။
“ ညှဉ်းပန်းနှိပ်စက်ခြင်းနှင့်သတ်ဖြတ်ခြင်းများကိုရုရှားကရပ်တန့်ပါ” ၊ “ရုရှားသည်ယူကရိန်းစစ်သုန့်ပန်းများကို ဖုံးကွယ်ထားသည်”ဟုBilous နှင့် သူငယ်ချင်းများက ဆန္ဒပြရာ၌ကိုင်ဆောင်ထားသောဆိုင်းဘုတ်များတွင်အထက်ပါအတိုင်းရေးသားထားသည်။
ရုရှားသည် ယူကရိန်းစစ်သုံ့ပန်းများကို ညှဉ်းပန်းနှိပ်စက်ခြင်းအပါအဝင် ယူကရိန်းတွင်စစ်ရာဇဝတ်မှုကျူးလွန်ခဲ့ခြင်းမရှိ ကြောင်း အကြိမ်ကြိမ်ငြင်းဆိုလျက်ရှိသည်။
Buergenstock မှပြန်လည် ရောက်ရှိလာသူယူကရိန်းစစ်သုံ့ပန်းဟောင်း Illiaသည်လည်း ယူကရိန်းလူ့အဖွဲ့အစည်းမှစီစဉ်ကျင်းပသောဆက်စပ်အစည်းအဝေးတစ်ခုတွင် မိန့်ခွန်းပြောကြားခဲ့သည်။
ယူကရိန်းနယ်ခြားစောင့်တပ်မှတပ်ကြပ်ကြီး Illia သည်၎င်း၏ဇာတိမြို့ Mariupol တွင်တိုက်ပွဲများအတွင်း ဖမ်းဆီးခံခဲ့ရပြီး စခန်းသုံးခုတွင် ထိန်းသိမ်းခံခဲ့၇သူဖြစ်သည်။ ထိန်းသိမ်းခံပြီး၁၀လ အကြာတွင် ၄င်းသည်အကျဉ်းသားလဲလှယ်မှုအစီအစဥ်ဖြင့်ပြန်လည်လွတ်မြောက်လာသူဖြစ်သည်။
"ရုရှားမှာအကျဥ်းကျခံရစဥ်အတွင်းမှရုပ်ပိုင်းဆိုင်ရာနဲ့ စိတ်ပိုင်းဆိုင်ရာ ဖိအားတွေ၊ အဆက်မပြတ်ခံစားခဲ့ရပါ တယ်” ဟုဖမ်းဆီးခံထားရစဉ်ရိုက်နှက်ခံရပြီး၊မီးရှို့လည်း ခံခဲ့၇သည်ဟု Illiaက ပြောဆိုသည်။
ယခု ထိပ်သီးစည်းဝေးပွဲသည်၄င်း၏ ရဲဘော်၊ရဲဖက်(ဖမ်းဆီးခံယူကရိန်းစစ်သားများ)များ၏ အခြေအနေ အရပ်ရပ်ကိုတိုးတက်လာလိမ့်မည်ဟု မျှော်လင့်ကြောင်း ၊မကြာမီ၎င်း၏ရဲဘော်များနှင့် ထပ်မံတွေ့ဆုံနိုင်ရန်မျှော်လင့်ထားကြောင်း Illia က ပြောဆိုခဲ့သည်။
ထိပ်သီးညီလာခံအပြီးတွင်ယူကရိန်း မိသားစုဝင် များသည် ICRCမှ တာဝန်ရှိသူများနှင့်တွေ့ဆုံရန် ဂျီနီဗာသို့ ဆက်လက်သွားရောက်မည်ဖြစ်သည်။
“ကျွန်မခင်ပွန်းခုချိန်ထိ အသက်ရှင်နေသေးတယ် ဆိုတဲ့ အယူအဆကို ကျွန်မ စွဲစွဲမြဲမြဲဆုပ်ကိုင်ထားတယ်.အဲဒါကို ဆက်ပြီးဆုပ်ကိုင်ထားဦးမှာ ဖြစ်ပါတယ်။အကယ်လို့ ကျမက သူ့ဆီကိုမက်ဆေ့ချ်တစ်ခုပို့နိုင်ရင်ကျွန်မသူ့ကို သူ့ကိုချစ် တယ်ဆိုတာ ရိုးရိုးရှင်းရှင်းလေးပါဘဲ ”ဟု Bilousကပြောဆိုခဲ့သည်။
(ဇွန်၁၆ရက်နေ့တွင် TheFinancial Express က ဖော်ပြထားသည့် Ukrainianfamilies cross Europe to plead for prisoners held by Russia သတင်းဆောင်းပါး ကို ဆီလျော်အောင် ဘာသာပြန်ဆိုထားပါသည်)
လှူရန်