ဇွဲဓန(ကိန်းသာမြေ)

နိ၇ဉ္စရာ၊ ဧပြီလ ၆ / ၂၀၂၁

ဘင်္ဂလာဒေ့ရှ်နှင့် လုပ်ကိုင်နေသည့် နယ်စပ်ကုန်သွယ်ရေးကိုပိတ်ထား၇သဖြင့် ဘူးသီးတောင်မြို့နယ်တွင် ဓနိ၊ ဝါးဈေးနှုန်းများထိုးကျနေပြီး ပွဲရုံပိုင်ရှင်များအရှုံးနှင့် ရင်ဆိုင်ရကြောင်းသတင်းရရှိသည်။

ဘူးသီးတောင်မြို့ဓနိဝါးလုပ်ငန်းရှင်များအသင်း ဥက္ကဋ္ဌ ဦးဇော်နိုင်ဦးက “အခုလက်ရှိက မောင်တောမြို့နယ် တစ်ခုတည်းကိုသာ တင်ပို့ရောင်းချလို့ရတယ်။မောင်တောနယ်စပ်ကုန်သွယ်ရေးကိုလည်း ကိုဗစ်ကာဖြစ်ကတည်းက ပိတ်ထားတာပါ။ ပိတ်ထားတာလည်း၁၀ လကျော် သွားပြီ။ အခုအချိန်ထိ မဖွင့်ပေးသေးပါ။ ဘင်္ဂလားဒေ့ရှ်ကိုလည်း တင်ပို့လို့မ၇ဘူး။ ပီးရင် ဓနိ၊ ဝါး သုံးစွဲသူကလည်း နည်းလာတော့ ရောင်းအားလည်း ကျဆင်းသွားတာပေါ့။  အခု ဓနိနဲ့ ဝါး သုံးစွဲတဲ့ ၁၀၀ ရာခိုင်နှုန်းမှာ၂၅ ရာခိုင်နှုန်း လောက်ပဲရှိတော့တယ်။ဝယ်လိုအား မရှိတော့ ဈေးနှုန်းကိုလည်းလျော့ပြီး ရောင်းရတယ်။ ကျနော်တို့က အရှုံးနဲ့ ရင်ဆိုင်နေ၇တယ်”ဟု ပြောသည်။

ရခိုင်ဘက်က ဘင်္ဂလာဒေ့ရှ်သို့ တင်ပို့သော ဝါးနှစ်မျိုးရှိပြီး စိုင်းတင်ဝါးနှင့်မြောက်ဦးကလာသည့်လေးမြို့ချောင်းဝါးဖြစ်ကြောင်း၊ ဝါးရောင်း၇မှုမှာ များစွာကျဆင်းသွားပြီး ဓနိနှင့် သစ်လုံးငယ်များကိုသာ  အနည်းငယ် ရောင်းချ၇ကြောင်း၊ဝယ်ယူသုံးစွဲသူများမှာတစ်နှစ်ထက် တစ်နှစ်  နည်းပါးလာကြောင်း၊ အကြောင်းအရင်းမှာ လက်ရှိ အိမ်များကို အုတ်၊ဘိလပ်မြေ၊ သွပ်ပြားချပ်များနှင့်ဆောက်လုပ်လာကြ၍ဖြစ်ကြောင်း ၎င်းက ပြောသည်။

ဘူးသီးတောင်မြို့ဓနိ၊ ဝါး ပွဲရုံပိုင်ရှင် ဦးသန်းသန်းမောင်က  “အခု ဒီမှာတော့ ဓနိ ဝါး ရောင်းတဲ့ ပွဲရုံက ၁၅ ရုံရှိတယ်။လာဝယ်တဲ့ လူတွေက အရမ်းကို နည်းသွားတယ်။ ကျနော်တို့က အရှုံးပေါ်တာ များတယ်။ ရောင်းလိုအားကျဆင်းသွားတာကသုံးနှစ်လောက်ရှိသွားပြီ” ဟု ဆိုသည်။

တိုက်ပွဲနှင့် ကိုဗစ်ကြောင့် ရောင်းအားကျသွားပုံ၇ကြောင်း၎င်းက ပြောဆိုသည်။

“ ဒီနှစ်ကပိုဆိုးပါတယ်။ တိုက်ပွဲတွေဖြစ်တုန်းကလည်း ရောင်းအား ကျဆင်းတယ်။ ကိုဗစ်ကာလ မှာတော့ ရောင်းအားကပိုဆိုးသွားတယ်။ ရောင်းအားက ၆၅ ရာခိုင်နှုန်းလောက် ကျဆင်းသွာတယ်။ ကျနော်တို့မြို့မှာကဓနိ ဝါး သုံးစွဲသူ အရင်ဆို ၈၀ ရာခိုင်နှုန်းလောက် သုံးစွဲတယ်။ အခုက ၂၅ ရာခိုင်နှုန်းလောက်ပဲသုံးတယ်။ဒီနှစ်က ဘင်္ဂလားဒေ့ရှ်နိုင်ငံကိုလည်း လုံး၀ တင်ပို့လို့မ၇ဘူး။ ကိုဗစ်ကြောင့် ပိတ်ထားတာဖြစ်တယ်။ဓနိ၊ ဝါး စီးပွားရေးက ပျက်လုမတတ်ဖြစ်နေပြီ”  ဟုပြောသည်။

ဘူးသီးတောင်တွင် မြောက်ဦးက လာသော လေးမြို့ချောင်းဝါးရောင်းဈေးမှာဝယ်ဈေး အလုံး ၁၀၀ကို ၂၆၀၀၀ကျပ်၊ ရောင်းဈေး ၂၈၀၀၀ ကျပ်ရှိကြောင်း၊ စိုင်းတင်ဝါးမှာအလုံး၁၀၀ကို ဝယ်ဈေး ၂၀၀၀၀ ကျပ်၊ ရောင်းဈေး ၂၂၀၀၀ ကျပ်၊ ဓနိမှာ အချပ် ၁၀၀ကို ဝယ်ဈေး၃၃၀၀ ကျပ်နှင့် ရောင်းဈေး ၃၈၀၀ ကျပ်ရှိကြောင်း သိ၇သည်။

ဘင်္ဂလားဒေ့ရှ်နိုင်ငံနှင့်ကုန်စည်ကူးသန်းနေသည့် မောင်တောနယ်စပ်ကညင်ချောင်းစီးပွားရေးဇုန်ကို ပြီးခဲ့သည့် ၂၀၂၀ ပြည်နှစ်၊ ဇွန်လမှစတင်ကာ ကိုဗစ်ကပ်ရောဂါကြောင့်ပိတ်ထားခဲ့၇သည်မှာ ယခုအချိန်ထိဖြစ်သည်။

 (၁၀)လကြာပိတ်ထားရသည့် မောင်တောနယ်စပ်ကညင်ချောင်း စီးပွားရေးဇုန်းကို အမြန်ဆုံး ပြန်လည်ဖွင့်လှစ်နိုင်ရေး ရခိုင်ပြည်နယ်စီမံအုပ်ချုပ်ရေးကောင်စီ(ပစက)ကကြိုးစားနေသည်ဟု သတင်းထုတ်ပြန်ရေးတာဝန်ခံ ပြည်နယ်ဥပဒေချုပ် ဦးလှသိန်းက ပြီးခဲ့သည့်ဧပြီလ ၁ ရက်နေ့ နေ့လယ် ၂ နာရီတွင် စစ်တွေမြို့ရှိ ပြည်နယ်ဥပဒေချုပ်ရုံး အစည်းအဝေးခန်းမတွင်သတင်းထောက် အချို့နှင့်တွေ့ဆုံစဉ် ပြောကြားခဲ့ကြောင်း သိ၇သည်။