(မောင်တောကုန်သွယ်ရေးစခန်းမှ ခွင့်မပြုတော့ဟုဆို)

မြန်မာ-ဘင်္ဂလားဒေ့ရှ်နှစ်နိုင်ငံ ကုန်သွယ်မှုအတွက် အဓိကအားထားရာ ရခိုင်မှ နယ်စပ်ကုန်သွယ်ရေး စခန်း၂ ခုအနက် ပို့ကုန်အမယ် ၅ မျိုးကို စစ်တွေကုန်သွယ်ရေး စခန်းမှသာ ခွင့်ပြုတော့မည်ဟုကုန်သွယ်ရေးဦးစီးဌာနက အသိပေးထုတ်ပြန်သည်။

တင်ပို့ခွင့်၇သည့်  ပို့ကုန်အမယ်များအထဲတွင် လယ်ယာ/စိုက်ပျိုးထွက်ကုန်များဖြစ်ကြသည့်  ဆန်/ဆန်ကွဲ၊ ပဲမျိုးစုံ၊ နှမ်း/မြေပဲ/မြေပဲဆံနှင့် ကြက်သွန်နီတို့ပါဝင်သည်။

ရေထွက်ကုန်အမျိုးအစားအနေဖြင့်ရေချို၊ ရေငံ ငါးမျိုးစုံတို့ပါဝင်သည်။

အဆိုပါပို့ကုန်အမယ်များကိုစစ်တွေနယ်စပ်ကုန်သွယ်ရေးစခန်း (ရွှေမင်းဂံ) ဆိပ်ကမ်း တစ်ခုတည်းကသာဘင်္ဂလားဒေ့ရှ်နိုင်ငံထံ တင်ပို့ခွင့်ပြုသွားမည်ဟုကုန်သွယ်ရေးဦးစီးဌာနကထုတ်ပြန်လာသဖြင့် မောင်တော ကညင်ချောင်းစီးပွားရေးဇုန်ကတဆင့် တင်ပို့ခွင့်ရရှိတော့မည်မဟုတ်ဟု သိ၇သည်။

ကုန်သွယ်မှုလုပ်ငန်းများကို စနစ်တကျဆောင်ရွက်နိုင်စေရန် တစ်ဖက်နိုင်ငံနှင့် ကုန်သွယ်မှု ဖွံ့ဖြိုးတိုးတက်စေရန် ရည်ရွယ်လုပ်ဆောင်ခြင်း ဖြစ်ပြီးစက်တင်ဘာလ ၄ ရက်နေ့ကတည်းက  စတင်ခဲ့သည်ဟု သိရှိ၇သည်။

မောင်တောနယ်စပ်ကုန်သွယ်ရေးစခန်းကိုစစ်တွေ-အငူမော်-မောင်တောလမ်းကြောင်းကနေ ကုန်ပစ္စည်းများအဓိက ပို့ဆောင်ပြီး ကညင်ချောင်းစီးပွားရေးဇုန်ကတဆင့်တစ်ဖက် ဘင်္ဂလားဒေ့ရှ်နိုင်ငံကို တင်ပို့နေခဲ့ခြင်းဖြစ်သည်။

ယခုဘဏ္ဍာနှစ်ဇူလိုင်အထိ ၄ လအတွင်း နှစ်နိုင်ငံကုန်သွယ်မှု အမေရိကန်ဒေါ်လာ ၃ ဒဿမ ၅၇ သန်းပမာဏရှိခဲ့ပြီး မြန်မာဘက်ကနေ ဘင်္ဂလားဒေ့ရှ်နိုင်ငံသို့ ကန်ဒေါ်လာ ၃ ဒဿမ ၃၅ သန်းတန်ဖိုးရှိပို့ကုန်များကို တင်ပို့ထားကြောင်း သိရှိ၇သည်။

NN-30

Ref: BETV Business news