- Web Master
- ၁၀ ဧပြီ ၂၀၂၃
နိရဥ္စရာ၊ ဇွန် ၁၈/ ၂ဝ၁၉
ရခိုင်ပြည်နယ် စစ်တွေမြို့နယ် ဘုမေရွာတွင် သမီးရည်းစားချင်း စကားများရာမှ သံဆူးချွန်ဖြင့် ထိုးသဖြင့် အမျိုးသမီးဖြစ်သူမှာ သေဆုံးသွားကြောင်း ရဲဇာနည်ဖေစ့်ဘုတ်တွင် သတင်း ဖော်ပြသည်။
၎င်းဖြစ်စဉ်မှာ ၂ဝ၁၉ ခုနှစ်၊ ဇွန်လ၁၅ရက်နေ့ ည ၁ဝ နာရီ ၃ဝ မိနစ်အချိန်ကစစ်တွေမြို့နယ် ဘုမေ ကျေးရွာနေ မရုန်းနာရာဘေဂေါင်(၂၂)နှစ်သည် တစ်ရွာတည်းနေရည်းစားဖြစ်သူ ဇော်မီဟူးဆောင်း (၂၁)နှစ်နှင့် နေအိမ်ခြံဝင်းအတွင်း၌စကားများရန်ဖြစ်စဉ် ဇော်မီဟူးဆောင်းကအရှည် ၁၂ လက်မခန့်ရှိ သံဆူးချွန်ဖြင့် ထိုးခဲ့သည်ဟု ဆိုသည်။
မရုန်းနာရာဘေဂေါင်တွင် ဒဏ်ရာများ ရရှိခဲ့ပြီး အခင်းဖြစ်နေရာ၌ သေဆုံးသွားခဲ့သည်။
ဇော်မီဟူးဆောင်းအား စစ်တွေမြို့ မရဲစခန်း (ပ)၁၁၁၅/၂ဝ၁၉၊ ရာဇသတ်ကြီးပုဒ်မ ၃ဝ၂ဖြင့် အမှုဖွင့် အရေးယူထားကြောင်းသတင်းရရှိသည်။