နိရဉ္စရာ၊ ဇွန် ၂./၂၀၂၁

ဘင်္ဂလာဒေ့ရှ်နိုင်ငံ၊ ကော့စ်ဘဇားခရိုင်၊ အိုကီးယားမြို့နယ်ရှိ မြန်မာနိုင်ငံမှ ထွက်ပြေးလာကြသည့် မူဆလင်ဒုက္ခသည်များနေထိုင်ရာ ဘာလုခါလီစခန်း ဒုက္ခသည်တစ်ဦးထံမှ စိတ်ကြွယာဘားဆေးပြား ၅၄၆၆၈၀ ဖမ်းဆီးရမိကြောင်း Ukhiya Today News တွင် ဓာတ်ပုံများနှင့် တကွဖော်ပြသည်။

 ဖမ်းဆီးခံရသူမှာ ဘာလုခါလီဒုက္ခသည်စခန်း အမှတ်(၉)၊ အကွက် (ဂျီ)မှ ဂူရာမျာ (ဘ) မီဇာနူရ်ရဟာမန် ဖြစ်ကြောင်း၊ ၎င်းမှာ လှေပဲ့နင်းတစ်ဦးဖြစ်ကြောင်း သတင်းတွင် ဖော်ပြသည်။

လွန်ခဲ့သည့် မေ ၃၁ ရက် တနင်္လာနေ့ ညအချိန်တွင် ဘင်္ဂလားဒေ့ရှ် မှုခင်းနှိမ်နှင်းရေးတပ်ဖွဲ့ (Rapid Action Battalion) က ၎င်း၏ နေအိမ်ကို ဝင်ရောက်စီးနင်းရှာဖွေရာမှ ဖမ်းဆီးမိခြင်းဖြစ်ကြောင်း ၎င်းရဲတပ်ဖွဲ့ အကြီးအကဲ အဒူလာမူဟာမတ်ချိတ်ရှာဒီက ပြောကြောင်း သတင်းတွင် ရေးသားထားသည်။