Preview
နိရဥ္စရာ၊ သြဂုတ် ၁၆/ ၂၀၂၂
ရခိုင်ပြည်နယ်၊ စစ်တွေမြို့၊ စက်ရုံစုရပ်ကွက်တွင် အမျိုးသား ၁ ဦးသည် သူ၏ နေအိမ်၌ ကြိုးဆွဲချသေဆုံးသွားသည်ဟု သိ၇သည်။
သေဆုံးသွားသူမှာ အဆိုပါရပ်ကွက်မှ ဦးထွန်းသာစိန် (၅၈ နှစ်)ဖြစ်သည်။
သူသည် ယနေ့ သြဂုတ်လ ၁၆ ရက်၊ နေ့လယ် ၃ နာရီခန့်တွင် နေအိမ်၌မိသားစုများမရှိချိန် အိမ်ပေါ်တွင် ၁ ဦးတည်း ကြိုးဆွဲချသေဆုံးသွားခြင်းဖြစ်သည်ဟု အလောင်းအား သွားရောက်သယ်ဆောင်ခဲ့သည့် ရွှေရောင်မေတ္တာဖောင်ဒေးရှင်းမှ သတင်းနှင့်ပြန်ကြားရေး ကိုသာဂီဖြိုးက ပြောသည်။
"သေသွားတဲ့ ဦးထွန်းသာစိန်ရဲ့ ဇနီးပြောတာကတော့ ရန်ဖြစ်တာလည်းမရှိဘူးတဲ့။ ၈ ပေကျော်အမြင့်ရှိတဲ့ အိမ်ပေါ်ကထုတ်တန်းမှာ ကြိုးဆွဲချသေသွားတာပါ" ဟု ပြောသည်။
သူ၏အလောင်းကို စစ်တွေမြို့ ပြည်သူ့ဆေးရုံရှိ ရင်ခွဲရုံသို့ပို့ဆောင်ခဲ့သည်ဟုလည်း ဆိုသည်။
သေဆုံးသွားသူတွင် ဇနီးဖြစ်သူနှင့်အတူ သားသမီး ၅ ဦးကျန်ရှိခဲ့သည်ဟုလည်း သိ၇သည်။ (NN-12)
လှူရန်ဆက်စပ် အကြောင်းအရာများ
တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်