ရခိုင်ပြည်နယ်၊စစ်တွေမြို့
စက်ရုံစုရပ်ကွက် ဓမ္မာရုံရှေ့တွင် ယနေ့နံနက်ကိုးနာရီခွဲကျော်ခန့်က
သုံးနှစ်အရွယ်ကလေးငယ်တစ်ဦး မတော်တဆ ကားတိုက်ခံရပြီးပွဲချင်းပြီးသေဆုံးသွားကြောင်း
သိရသည်။
ကားတိုက်ခံရပြီးသေဆုံးသွားသည့်ကလေးငယ်မှာ
စက်ရုံစုရပ်ကွက်နေ မောင်ဖြိုးမင်းဝေယံ (၃ နှစ်)ဖြစ်သည်။
၎င်း၏အဘွားဖြစ်သူသည်
အဆိုပါစက်ရုံစုရပ်ကွက်ဓမ္မာရုံအနီးရှိရေကန်တွင် ရေခပ်နေစဉ် ဓမ္မာရုံအနီးတွင်ရပ်ထားသည့်ကားအောက်ထဲတွင်
၎င်းဝင်ရောက်ရှိနေစဉ်
ယင်းကားစက်နိူး၍မောင်းထွက်ရာမှ ကားကြိတ်ကာသေဆုံးသွားခြင်းဖြစ်ကြောင်း
၎င်းကလေးငယ်၏အလောင်းကို သွားရောက်ယူဆောင်ခဲ့သည့် ရွှေရောင်မေတ္တာဖောင်ဒေးရှင်းက
တာဝန်ရှိသူတစ်ဦးမှပြောသည်။
"အဘွားဖြစ်သူရေခပ်နေတဲ့အချိန်
ကလေးက အဲဒီကားအောက်ကို ဝင်အိပ်နေတယ်လို့ပြောပါတယ်။ ကားဆရာက
ကလေးကိုကားအောက်ထဲမှာဝင်အိပ်နေတယ်ဆိုပြီး ကားအောက်ကထုတ်ပြီး
အဘွားဆီကိုတစ်ခေါက်သွားအပ်ခဲ့ပါတယ်တဲ့ ကလေးကိုခေါ်ထားဆိုပြီးတော့။
ပြီးတော့ကားဆရာက ကားပေါ်တက်ပြီးကားထက်မှာ စက်နိုးပြီး
ဆေးလိပ်တွေဘာတွေသောက်ပြီး လုပ်စရာရှိတာ လုပ်နေတယ်တဲ့။ ကလေးကနောက်တစ်ခါကားထဲဝင်လာတာကိုမသိလိုက်ဘူးတဲ့။
ကားထွက်ချိန်မှာမှ ကားတိုက်လိုက်တဲ့အချိန်ခါမှသိတာပါတဲ့။ သူ့အဘွားပြောတာကတော့
သူတို့ရေခပ်ပြီး
လမ်းမှာသွားနေတာကို
ဝင်တိုက်တယ်ဆိုပြီးပြောတယ်။ ဘေးကလူတွေကတော့ ကားသမားပြောသလိုပြောကြတယ်"
ဟုပြောသည်။
လက်ရှိတွင်
အဆိုကလေး၏အလောင်းကို စစ်တွေမြို့ ပြည်သူ့ဆေးရုံကြီးရှိရင်ခွဲရုံတွင်
ထားရှိထားပြီး ကားမောင်းသည့် ကားဒရိုင်ဘာကိုမူ ရဲကခေါ်ယူစစ်ဆေးနေကြောင်း
သိရသည်။
(NN-8)