၇ခိုင်ပြည်နယ်၊ တောင်ကုတ်မြို့၊အမှတ် ၄ ရက်ကွက်၊ ၇ လမ်းတွင် အမျိုးသားတစ်ဦး သစ်ပင်ပေါ်၌ ကြိုးဆွဲချ၍ သေဆုံးနေသည်ကိုယနေ့ နံနက် ၉နာရီခန့်တွင် တွေ့ရှိခဲ့၇သည်ဟု သတင်းရရှိသည်။

သေဆုံးသူမှာဦးရွှေကျင် နှင့် ဒေါ်မစိန်းတို့၏ သားဖြစ်သူ အသက် (၅၃) နှစ်အရွယ် ဦးမောင်သန့်စိုးဖြစ်ပြီး၊ တန်းလွဲရွာမမြို့တွင်နေထိုင်သည်ဟု သိ၇ပြီး သေဆုံးသွားသည့် နောက်ကွယ်က အကြောင်းအရင်းကို မသိ၇သေးဟုဆိုသည်။

ဒေသခံတစ်ဦးက “သေသွားသူကတော့အရက်သောက်တာများပြီးတော့ အရက်ကြောင် ကြောင်နေတာပါ။ စိတ်ကလည်းသိပ်မမှန်တော့ဘူးလို့သိ၇ပါတယ် ” ဟုပြောသည်။

သူဆုံးသွားသူမှာမိန်းမနှင့် အတူ သားတစ်ဦး နှင့် သမီး ၂ ဦး ကျန်ရှိခဲ့ကြောင်း ၎င်းကပြောသည်။

လက်ရှိ ကြိုးဆွဲချသေဆုံးသူ၏ အလောင်းကို ယနေ့ ၁၀ နာရီခန့်တွင် တောင်ကုတ်မြို့နယ်၊ တန်းလွဲရွာမရဲစခန်းမှ သွားရောက် ယူဆောင်ခဲ့ပြီး တန်းလွဲတိုက်နယ်ဆေးရုံ၏ ရင်ခွဲရုံသို့ပို့ဆောင်ထားခဲ့ကြောင်း သိ၇သည်။

ပြီးခဲ့သည့်မေလ ၂၀ ရက်၊ ညဥ့်အချိန်ကလည်းကျောက်တော်မြို့နယ်၊ ပုံစားကျေးရွာမှ အသက်(၄၀)အရွယ် မုန်တိုင်းဒဏ်သင့်  အမျိုးသမီးတစ်ဦးသည်လည်းသူမ၏ နေအိမ်နောက်ဖေးသစ်ပင်တွင် ကြိုးဆွဲချကာ မိမိကိုယ်ကို မိမိအဆုံးစီရင်သွားခဲ့သည်။

ယခုနှစ်မတ်လ ၁၉ ရက်၊ ညဉ့် ၂ နာရီခန့်ကလည်း စစ်တွေမြို့၊ မင်းဂံရပ်ကွက် အကွက် ၁၃ မှ အသက် ငါးဆယ်အရွယ်လူတစ်ဦး ပြီးခဲ့သည့် ဖေဖော်ဝါရီလ၂၅ ရက်ကလည်း စစ်တွေမြို့နယ်၊ မောင်နီပြင် ကျေးရွာမှ ၉ တန်းကျောင်းသူတစ်ဦးတို့  ကြိုးဆွဲချသေဆုံးသွားခဲ့ကြသည်။

ရခိုင်တွင်မိမိကိုယ်ကိုယ်အဆုံးစီရင်မှုများ တဖြည်းဖြည်းတိုးလာနေပြီး စစ်တွေမြို့နယ်တစ်ခုတည်း အတွင်းတွင် ပြီးခဲ့သည့် ၂၀၂၂ ခုနှစ်၊ မေလမှ အောက်တိုဘာလအတွင်းကြိုးဆွဲချသေဆုံးသူ ၇ ဦးအထိရှိခဲ့ကြောင်းလူမှုကယ်ဆယ်ရေးအသင်းများ၏ စာရင်းမှတ်တမ်းများ အ၇ သိ၇သည်။ (NN-13)