စစ်တွေမြို့လယ်ခေါင်တွင် ပီနံအိတ်ဖြင့်ထုပ်ထားသည့် လူငယ်အမျိုးသားအလောင်း ၁ လောင်းတွေ့ရှိ

Preview

စစ်တွေမြို့လယ်ခေါင်တွင် ပီနံအိတ်ဖြင့်ထုပ်ထားသည့် လူငယ်အမျိုးသားအလောင်း ၁ လောင်းတွေ့ရှိ

သြဂုတ် ၀၉/ ၂၀၂၃ | ကြည့်ရှုသူ :946

ရခိုင်ပြည်နယ်၊ စစ်တွေမြို့ရှိ မြို့လယ်ခေါင်တစ်နေရာတွင်ပီနံအိတ်ဖြင့်ထုပ်ပိုးကာ စွန့်ပစ်ထားသည့် အသက် ၂၀ ဝန်းကျင်ခန့်ရှိမည့် လူငယ်အမျိုးသားအလောင်း၁ လောင်းတွေ့ရှိခဲ့သည်ဟု သိရသည်။

၎င်းအလောင်းကို စစ်တွေမြို့၊ ရူပမြောက် ရပ်ကွက်ရှိ ချောင်းအတွင်း ယနေ့သြဂုတ်လ ၈ ရက်၊ ညနေ ၄ နာရီခွဲခန့်တွင် ဒေသခံများက တွေ့ရှိခဲ့ခြင်းဖြစ်သည်ဟုအလောင်းအား သွားရောက် သယ်ဆောင်ခဲ့သည့် မေတ္တာရောင်ခြည် ဖောင်ဒေးရှင်းမှတာဝန်ရှိသူတစ်ဦးက နိရဥ္စရာကိုပြောသည်။

“လူသတ်တဲ့သံသယတော့ ရှိပါတယ်။ ပီနံအိတ်နဲ့ထုပ်ပြီးလွှင့်ပစ်ထားတယ်ဆိုရင်တော့ လူသတ်ထားတာပေါ့လေ”ဟု ပြောသည်။

အဆိုပါအလောင်းအား စစ်တွေပြည်သူ့ဆေးရုံကြီးရှိရင်ခွဲရုံတွင်စစ်ဆေးချက်အရ အလောင်း၏ မျက်နှာတစ်ခုလုံး ပုပ်ပွ ပျက်စီးကာမည်သူမည်ဝါဆိုသည်ကို မှတ်မရသည့်အနေအထားဖြစ်နေပြီး နောက်ထပ်ပြင်ပဒဏ်ရာတစ်စုံတရာမတွေ့၇ဟု ဆိုသည်။

"ပြင်ပဒဏ်ရာတွေတော့ မတွေ့ရဘူး။ အတွင်းဒဏ်ရာတွေရှိ/မရှိတော့မှုခင်းဆရာဝန်တွေပဲ ပြောနိုင်မှာပါ"ဟု ပြောသည်။

အဆိုပါအလောင်းသည် သေဆုံးနေသည်မှာ ၂ ရက်ခန့်ရှိပြီဟုခန့်မှန်း၇သည်ဟုလည်း ပြောသည်။

ပြီးခဲ့သည့် ဇူလိုင်လ ၁၁ ရက်၊ မွန်းတည့် ၁၂ နာရီကျော်ကလည်းစစ်တွေမြို့လယ်ခေါင်ဖြစ်သည့် ဘောလုံးကွင်းရပ်ကွက်ရှိ ဓည၀တီအားကစားကွင်းနောက်ဘက်ချောင်းထဲတွင် အသက် ၄၀ အရွယ် အမျိုးသားအလောင်း ၁ လောင်းတွေ့ရှိခဲ့သည်ဟု အလောင်းအားသွားရောက်သယ်ဆောင်ခဲ့သည့်ရွှေရောင်မေတ္တာဖောင်ဒေးရှင်းမှ သိရသည်။

စစ်တွေတွင် ယခုကဲ့သို့ အသတ်ခံထားရသည့် အမည်မသိအလောင်းများကိုမကြာခဏတွေ့ရှိလာနေရသည့်အတွက် မြို့ခံများအကြား စိုးရိမ်မှုရှိနေကြသည်ဟု သိ၇သည်။ (NN-16)

ဓာတ်ပုံ - မေတ္တာရောင်ခြည်ဖောင်ဒေးရှင်း

#မှုခင်း

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

စစ်တွေမြို့လယ်ခေါင်တွင် ပီနံအိတ်ဖြင့်ထုပ်ထားသည့် လူငယ်အမျိုးသားအလောင်း ၁ လောင်းတွေ့ရှိ

ဆက်စပ် အကြောင်းအရာများ

နောက်ဆုံးရသတင်းများ