စစ်တွေကမ်းခြေ ဟိုတယ်ဆင်းလမ်းတံတားအနီးတွင် စုံတွဲတစ်တွဲ ဝက်အူလှည့်ဖြင့် အထိုးခံရ

Preview

စစ်တွေကမ်းခြေ ဟိုတယ်ဆင်းလမ်းတံတားအနီးတွင် စုံတွဲတစ်တွဲ ဝက်အူလှည့်ဖြင့် အထိုးခံရ

နိုဝင်ဘာ ၁၃/ ၂၀၂၃ | ကြည့်ရှုသူ :5492

ရခိုင်ပြည်နယ်၊ စစ်တွေမြို့ ပင်လယ်ကမ်းခြေ၊ စစ်တွေဟိုတယ်ဆင်းလမ်းရှိ တံတားအနီး ကမ်းခြေတွင် ယနေ့ည ၈ နာရီခွဲကျော်ခန့်ကချိန်းတွေ့နေသည့် သမီးရည်းစားစုံတွဲတစ်တွဲ လုယက်ခံရပြီး ဝက်အူလှည့်ဖြင့်အထိုးခံခဲ့၇သည်။

ဝက်အူလှည့်ဖြင့်အထိုးခံရသည့်စုံတွဲတွင် အမျိုးသားဖြစ်သူသည်လည်မျို၊ ရင်ဘတ်နှင့် နောက်ကျောတို့တွင် ဒဏ်ရာရရှိသွားပြီးအမျိုးသမီးဖြစ်သူတွင် နောက်ကျော၌ ဒဏ်ရာရရှိသွားကြောင်း သိ၇သည်။

အဆိုပါစုံတွဲချိန်းတွေ့နေသည့်နေရာသည်မီးအလင်းရောင်မရှိသည့်နေရာဖြစ်ကာ ၎င်းတို့အား လာရောက်ကျူးလွန်ခဲ့သည့်တရားခံမှာ မည်သူမည်ဝါဖြစ်ကြောင်းကို မသိရှိလိုက်ကြောင်း ကာယကံရှင်နှင့်မှုခင်းကိုလာရောက်ကြည့်ရှုသည့် ဒေသခံများကပြောသည်။

ထို့အပြင်ယင်းကျူးလွန်သူထွက်ပြေးသွားသည့်နောက်အား အနီးအနားရှိဒေသခံများကလိုက်လံရှာဖွေခဲ့သော်လည်းရှာမတွေ့ဘဲလွတ်မြောက်သွားခဲ့သည်။

လက်ရှိတွင်အဆိုပါစုံတွဲအား ရွှေရောင်မေတ္တာဖောင်ဒေးရှင်းမှ အရေးပေါ်ယာဉ်ဖြင့် စစ်တွေပြည်သူ့ ဆေးရုံကြီးသို့ခေါ်ဆောင်သွားသည်။

အဆိုပါဖြစ်စဉ်နှင့်ပတ်သက်၍အသေးစိတ်အကြောင်းအရာကို ဆက်လက်စုံစမ်းနေဆဲဖြစ်သည်။

ယင်းမှုခင်းဖြစ်ပွားခဲ့သည့်နေရာသည်လူသူပြတ်လပ်သည့်နေရာဖြစ်ပြီး မကြာခဏလုယက်မှုများ ဖြစ်ပွားသည့် နေရာတစ်ခုဖြစ်သည်ဟု အနီးအနားရှိဒေသခံများကပြောသည်။ NN-8

ဓာတ်ပုံ-နိရဉ္စရာ

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

စစ်တွေကမ်းခြေ ဟိုတယ်ဆင်းလမ်းတံတားအနီးတွင် စုံတွဲတစ်တွဲ ဝက်အူလှည့်ဖြင့် အထိုးခံရ

ဆက်စပ် အကြောင်းအရာများ

နောက်ဆုံးရသတင်းများ