သဥ္ဇာနွယ်/ နိရဥ္စရာ၊မေ ၂ / ၂၀၂၄

၇ခိုင်ပြည်၊ မောင်တောမြို့နယ်တွင် ပျောက်ဆုံးနေသည့် မြိုလူငယ်တစ်ဦးအလောင်းကို ၂ရက်အကြာတွင်  ရှာဖွေတွေ့ရှိခဲ့သည်ဟု သတင်းရရှိသည်။

 သေဆုံးသွားသူမှာ မောင်တောမြို့နယ် တရိန်း ( မြို)ရွာမှ အဖ ဦးမေဆန်း၏သား မောင်ပေါ်ဝေ အသက်( ၁၃ )နှစ် ဖြစ်သည်။

မောင်ပေါ်ဝေသည်ပြီးခဲ့သည့် ဧပြီလ ၂၅ ရက်နေ့က နွားကျောင်းသွားစဥ် ပျောက်ဆုံးသွားခဲ့ပြီးရွာသားများက လိုက်လံရှာဖွေရာ  ဧပြီ ၂၇ ရက်နေ့  မွန်းလွဲ ၁၂နာရီကျော်ခန့်က တူလာကီမွတ်ဆလင်(ရွာဟောင်း)တွင် အလောင်းကိုတွေ့ရှိခဲ့သည်ဟု ၎င်းကျေးရွာသား တစ်ဦးက နိ၇ဉ္စရာ သတင်းဌာနကို ပြောသည်။

“ ရွာကနေ သူနဲ့သူ့ သူငယ်ချင်း ၃ ယောက်နွားကျောင်းသွားကြတယ်။ အဲ့ဒီ မှာမောင်ပေါ်ဝေက သူကျောင်းနေတဲ့နွား ၂ ကောင်က မင်းကြီးရွာဟောင်းဘုန်းကြီးကျောင်းနားကတောထဲကိုဝင်သွားလို့ လိုက်ရှာရင်းနဲ့ ပျောက်သွားတာ။ သူ့သူငယ်ချင်းတွေက အိမ်ကိုညနေ၄ နာရီလောက်ပြန်ရောက်ပြီး သူကပြန်မရောက်တော့ မိဘတွေက စိတ်ပူလို့ ရွာသားတွေကိုအကူအညီတောင်းပြီး လိုက်ရှာတာ ၂၇ ရက်နေ့ မှာပဲ သေဆုံးနေတဲ့ရုပ်အလောင်းကိုတွေ့တယ်” ဟုပြောသည်။

မောင်ပေါ်ဝေကို သတ်ဖြတ်သူမှာ မည်သူမည်ဝါမသိရသေးသော်လည်းနွားမှောင်ခိုလုပ်နေသည့် လူအုပ်စုက သတ်ဖြတ်ခြင်းဖြစ်နိုင်သည်ဟု တရိန်းရွာသားများကယူဆကြောင်းသိ၇သည်။

“ ဘယ်သူဘယ်ဝါဘယ်အဖွဲ့က သတ်တယ်လို့မသိရသေးပေမယ့်ရွာသားတွေထင်တာက  အဲ့ဒီဖက်မှာနွားမှောင်ခိုလုပ်တဲ့သူရှိနေတယ်။ အနည်းဆုံး ရ ယောက် အုပ်စုလိုက်စီရှိကြတယ်။၂၆ ရက်နေ့ကရှာတုန်းက တောထဲမှာ မြင်းခြံဖိနပ်တစ်ဖက်ကိုတွေ့ခဲ့တယ်။ အဲ့ဒါကလူသတ်သမားဖိနပ်လို့ ယူဆကြတယ်” ဟုပြောသည်။

မောင်ပေါ်ဝေတွင် ဘယ်ဖက်မှေးရိုးကျိုးပြီး၊ဘယ်ဖက်မျက်လုံးတစ်ဖက်ထွက်ကျနေကာ၊ လည်ပင်းတွင် ပြတ်ရှ ဒဏ်ရာများဖြင့် သေဆုံးနေသည်ကိုတွေ့ခဲ့ရကြောင်း ရွာသားများကပြောသည်။

ယခုကဲ့သို့ လူငယ်တစ်ဦးသတ်ဖြတ်ခံရသဖြင့် ကျေးရွာသားများအကြားစိုးရိမ်မှုများ မြင့်တက်နေကြောင်း သိ၇သည်။