မြန်မာဘက်သို့ ပို့ဆောင်မည့် ရွှေချောင်းများနယ်စပ်တွင်ဖမ်းမိ
.png)
နိရဥ္စရာ၊ ဒီဇင်ဘာ ၁/၂ဝ၂ဝ
မြန်မာဘက်သို့ တင်ပို့မည် ကျပ်ချိန် ၄ဝ၃ ကျပ်ရှိသည့် ရွှေချောင်း ၂၈ ချောင်းကို မြန်မာနယ်စပ်အနီးတွင် ဘင်္ဂလာဒေ့ရှ် နယ်ခြားစောင့်တပ်က ဖမ်းမိခဲ့သည်ဟု ပါပဒါသတင်းတွင် ဖော်ပြသည်။
၎င်းရွှေချောင်းများ၏ တန်ဖိုးမှာ တာကာ ၃ ကုဋေ ၂သိန်း၊ ၂ သောင်း ငါးထောင်ဖိုးရှိသည်ဟု ၎င်းသတင်းတွင် ဖော်ပြသည်။
ယမန်နေ့ ညဉ့်အချိန် မြန်မာနယ်စပ်အနီးရှိ ဘင်္ဂလာဒေ့ရှ်နိုင်ငံ၊ ဘင်ဒရိုဘင်ခရိုင်၊ နတ်ကျောက်သရီမြို့နယ်၊ အာရှတော်လီတွင် ရှိသည့် နေအိမ်တစ်အိမ်ကို ဝင်ရောက်ရှာဖွေရာမှ ဖမ်းမိခြင်း ဖြစ်သည်ဟု ပြောဆိုသည်။
အဆိုပါဒေသသည် မောင်တောမြို့နယ် မြောက်ပိုင်းနှင့် ကပ်ရပ်တည်ရှိသည်။
၎င်းရွှေချောင်းများနှင့်အတူ ယောက်ျားဖြစ်သူ မူဟာမတ်ဖါရုဒ်နှင့် ဇနီးဖြစ်သူ မာရီယာဘေဂွန်တို့ကို ဖမ်းဆီးမိခဲ့သည်ဟု ဆိုသည်။
