- Web Master
- ၁၇ သြဂုတ် ၂၀၂၂
နိရဉ္စရာ၊ ဇူလိုင် ၂၈/၂၀၂၁ဘင်္ဂလားဒေ့ရှ်နိုင်ငံ၊ ကော့စ်ဘဇား(ဖလောင်းချိတ်) ခရိုင်၊ အိုကီယားမြို့နယ်ရှိ မြန်မာနိုင်ငံမှ လာရောက်ခိုလှုံနေကြသည့် မူဆလင်ဒုက္ခသည်စခန်းတစ်ခုတွင် ယမန်နေ့ နေ့လယ်က မြေပြို၍ လူ ၆ ဦးသေဆုံးသွားကြောင်း အိုကီယားနယူးစ်တွင် သတင်းဖော်ပြသည်။၎င်းဖြစ်ရပ်အပေါ် အရေးပေါ်ကူညီရေးနှင့် ပြန်လည်နေရာချထားရေး ကော်မရှင်နာ Mohammad Samsuddauja Nayon က အတည်ပြုကြောင်း သတင်းတွင် ဖော်ပြသည်။သေဆုံးသူများအထဲတွင် ကလေးငယ်တစ်ဦးပါဝင်သည်ဟု ဆိုသည်။အဆိုပါဒေသတွင် မိုးရာသီရောက်တိုင်း နှစ်စဉ် မကြာခဏ မြေပြို၍သေဆုံးမှုများရှိသော်လည်း ၎င်းကို ကာကွယ်တားဆီးရန် ရေရှည်ချမှတ်ထားသော အစီအစဉ်များ မရှိကြောင်း သတင်းက ဆက်လက်ရေးသားထားသည်။