အမေရိကန် စီအိုင်အေလက်ထောက်ညွှန်မှူးနှင့် ထိုင်းဝန်ကြီးချုပ် တံခါးပိတ်တွေ့ဆုံ(မြန်မာနိုင်ငံအတွင်းလုံခြုံရေးနှင့် စာနာမှုဆိုင်ရအကူအညီပေးရေးကိစ္စ ဆွေးနွေးကြောင်းသတင်းထွက်)


နိရဉ္စရာ၊ နိုဝင်ဘာ ၂၁ ( Htay Oung/ နိုင်ငံတကာ

သောကြာနေ့တွင် အမေရိကန် ဗဟိုထောက်လှမ်းရေးအေဂျင်စီ (CIA) လက်ထောက် ညွှန်ကြားရေးမှူး ဒေးဗစ်ကိုဟင်းသည် ထိုင်းဝန်ကြီးချုပ် ပရာယွတ်ချန်အိုချာနှင့် တံခါးပိတ်တွေ့ဆုံခဲ့ပြီး ထိုင်းနှင့် မြန်မာနိုင်ငံအတွင်း လုံခြုံရေးအခြေအနေကိစ္စများ အပါအဝင် လူသားချင်းစာနာမှုဆိုင်ရာ အကူအညီပေးရေးအကြောင်းအရာများစွာတို့ကို ဆွေးနွေးခဲ့ကြောင်း ယုံကြည်ရသည်ဟု Bangkok Post က ယနေ့ ရေးသားသည်။

ကြိုတင် သတင်းထုတ်ပြန်ခြင်း မရှိပဲ အစိုးရအိမ်တော်၌ ယခုကဲ့သို့ တွေ့ဆုံမှုတွင် နံနက် ၉း၃၀ နာရီမှစတင်၍ ဗိုလ်ချုပ်ကြီး ပရာယွတ်သည် ၄၅ မိနစ်ခန့်ကြာသည်အထိပ် မစ္စတာကိုဟင်နှင့်အတူ ရှိနေခဲ့သည်ဟု သတင်းရင်းမြစ်တစ်ခုက ဆိုသည်။ ဆွေးနွေးပွဲသို့ မီဒီယာများ တက်ရောက်ခွင့်ကိုမူ ပိတ်ပင်ထားသည်။

ဒေသတွင်း တည်ငြိမ်ရေး၊ မြန်မာနိုင်ငံအခြေအနေနှင့် အိမ်နီးချင်းနိုင်ငံအတွင်းရှိ ထိရောက်သော ပါတီအဖွဲ့အစည်းများအား အကူအညီပေးအပ်ရေးဆိုင်ရာ ကန့်သတ်များကို အဓိကထားဆွေးနွေး ခဲ့ကြောင်း ထိုင်းအစိုးရ အိမ်တော် သတင်းရင်းမြစ်ထံမှ သိရှိရသည်

၎င်းတို့၏ ဆွေးနွေးမှုများသည် စီးပွားရေးဆိုင်ရာလုံခြုံရေး၊ ထိုင်း-အမေရိကန် ပူးပေါင်းဆောင်ရွက်မှု နယ်ပယ်များနှင့် ထိုင်းနိုင်ငံက ဥက္ကဋ္ဌအဖြစ် တာဝန်ယူ၍ လာမည့်နှစ် အာရှ-ပစိဖိတ် စီးပွားရေး ပူးပေါင်းဆောင်ရွက်မှု ဆိုင်ရာ (APEC) ဖိုရမ်တွင် ထိုင်းနိုင်ငံအား ပံ့ပိုးကူညီမည့် အမေရိကန်၏ ကတိကဝတ်များနှင့်လည်း သက်ဆိုင်ကြောင်း သတင်းရင်းမြစ်က ဆိုသည်။

နိုင်ငံရေး၊ စီးပွားရေးနှင့် (နှစ်နိုင်ငံ) ပူးပေါင်းဆောင်ရွက်ရေးတို့ကို ယေဘုယျသဘော ဆွေးနွေးခြင်း မဟုတ်ဘဲ နိုင်ငံဖြတ်ကျော် ရာဇဝတ်မှုများ သို့မဟုတ် ပစိဖိတ်ကျော် မိတ်ဖက်ဆက်ဆံရေးအတွက် ဘက်စုံတိုးတက်ရေးဆိုင်ရာ သဘောတူညီချက် [CPTPP] ဖြစ်ကြောင်း အခြား သတင်းရင်းမြစ်က ပြောဆိုသည်။

ထိုင်း၏ နိုင်ငံရေးအခြေအနေများကို ဆွေးနွေးသည့်အခါ ထိုင်းအနေဖြင့်လည်း အဆိုပါကိစ္စအပေါ် ၀ါရှင်တန်က ရှု့မြင်သော ကျောထောက် နောက်ခံပြုသည့် ဒေသဆိုင်ရာ အခြေအနေကို ပိုမိုနားလည်သဘောပေါက်ရန် ပါဝင်သည်ဆို၏။

မစ္စတာ ကိုဟင်သည် ထိုင်းနိုင်ငံမှ ထွက်ခွာပြီးနောက် အရှေ့တောင်အာရှနိုင်ငံများအသင်း (အာဆီယံ) အခြားနိုင်ငံနှစ်နိုင်ငံသို့ ဆက်လက်သွားရောက်ရန် စီစဉ်ထားကြောင်းကိုလည်း သိရှိရသည်။

ထိုင်းနိုင်ငံ အမျိုးသားလုံခြုံရေးကောင်စီ၏ အထွေထွေအတွင်းရေးမှူး ဗိုလ်ချုပ်ကြီး ဆူပွန်မလာနီရွန် ကမူ အစိုးရအိမ်တော်တွင် မစ္စတာကိုဟင်နှင့် ဗိုလ်ချုပ်ကြီး ပရာယွတ်တို့ တွေ့ဆုံခဲ့ကြောင်း အတည်ပြုခဲ့သော်လည်း ဆွေးနွေးမှု၏ အဓိကအချက်မှာ ထိုင်းနှင့် အခြားအာဆီယံ အဖွဲ့ဝင် နိုင်ငံများကြား လုံခြုံရေးဆိုင်ရာ ဆက်ဆံရေးကို ခိုင်မာအားကောင်းစေရန်ဖြစ်ကြောင်း၊

အမေရိကန် ထောက်လှမ်းရေးအေဂျင်စီနှင့် ထိုင်းအစိုးရအကြား သတင်းအချက်အလက် မျှဝေခြင်းနှင့် ပူးပေါင်းဆောင်ရွက်မှုမြှင့်တင်ရေးအတွက် စီအိုင်အေ အမှုဆောင် တစ်ဦး၏ ထိုင်းနိုင်ငံသို့ တစ်နှစ်လျှင်တစ်ကြိမ် လာရောက်ခြင်းမှာ ပုံမှန်ဖြစ်ကြောင်း ရှင်းပြသည်။

နောက်ပိုင်းတွင် မစ္စတာ ကိုဟင်သည် ဒုတိယဝန်ကြီးချုပ် ပရာဝစ်ဝေါင်ဆူဝန်၊ ထိုင်းအစိုးရ၏ လုံခြုံရေးဆိုင်ရာ တာဝန်ခံ ဗိုလ်ချုပ်ကြီး ဆူပွန်တို့နှင့်လည်း သီးခြားစီ တွေ့ဆုံခဲ့ခြင်းဖြစ်သည်။

ဗိုလ်ချုပ်ကြီး ပရာဝစ်က ၎င်းတွေ့ဆုံမှုသည် ယခင်အကြိမ်ကြိမ် တွေ့ဆုံခဲ့ဖူးသည့် မစ္စတာ ကိုဟင်တို့အကြား ပုဂ္ဂိုလ်ရေး ပြန်လည်ဆုံဆည်းမှုအဖြစ် ဖော်ပြသည်။ ဒေသဆိုင်ရာ လုံခြုံရေး ကိစ္စများကိုမူ ဝန်ကြီးချုပ်ထံ တင်ပြထားပြီးဖြစ်သောကြောင့် ထုတ်ဖော်ပြောဆိုရန် ငြင်းဆိုသည်။

ပြီးခဲ့သည့် တနင်္ဂနွေနေ့တွင် မြန်မာနိုင်ငံသို့ သွားရောက်လည်ပတ်စဉ်အတွင်း စစ်အစိုးရခေါင်းဆောင် ဗိုလ်ချုပ်မှူးကြီး_မင်းအောင်လှိုင်နှင့် တွေ့ဆုံခဲ့ကြောင်း နိုင်ငံခြားရေးဝန်ကြီး ဒွန်ပရာမုဒ်ဝီနိုင်းက ကြာသပတေးနေ့၌ ထုတ်ဖော် ပြောဆိုသော်လည်း အသေးစိတ်အကြောင်းအရာများကိုမူ ချန်လှပ်ထားသည်။

ကာဇက်စတန်နှင့် မိုဇမ်ဘစ်နိုင်ငံဆိုင်ရာ ထိုင်းသံအမတ်ကြီးဟောင်း ရပ်စ်ဂျာလီချန်ဒရာနှင့်အတူ နိုင်ငံခြားရေးဝန်ကြီး၏ မြန်မာနိုင်ငံသို့ သံတမန်ရေးရာ ခရီးစဉ်အသေးစိတ်များနှင့်ပတ်သက်၍ ထိုင်းအစိုးရအနေဖြင့် ပိုမိုပွင့်လင်းမြင်သာမှုရှိရန် ပြည်ပမီဒီယာများက ဖော်ပြပြီးနောက် ပြည်သူအများ၏အာရုံစိုက်ခြင်းကို ခံခဲ့ရသည်။

ထိုင်းနိုင်ငံက Covid-19 ရောဂါကာကွယ်ဆေးများကို မြန်မာစစ်အစိုးရထံ လှူဒါန်းခဲ့ကြောင်း သတင်းထွက်ပေါ်ခြင်းနှင့် ပတ်သက်၍ ရှင်းလင်းရန် မစ္စတာ_ရပ်စ်က ဝန်ကြီးဌာနအား တိုက်တွန်းခဲ့သော်လည်း နိုင်ငံခြားရေးဝန်ကြီးက အဆိုပါ သတင်းအတွက် ကိုင်တွယ်ဖြေရှင်းခြင်း မရှိခဲ့ချေ။

 (Bangkok Post., 20 November 2021,” Prayut meets CIA's Cohen. Security in Myanmar reportedly on agenda” WRITER: Wassana Nanuam and Mongkol Bangprapa ကို #HtayOung, #OungMarine ဆီလျော်အောင် ကောက်နှုတ်ဘာသာပြန်ဆိုသည်။)

Share: