တရုတ်နိုင်ငံ၌ အအေးလှိုင်းဖြတ်သန်းနိုင်သဖြင့် အပြာရောင် သတိပေးချက်ထုတ်ပြန်


နိရဉ္စရာ၊ ဒီဇင်ဘာ ၂၃/၂၀၂၁ (နိုင်ငံတကာ)

တရုတ်နိုင်ငံတွင် အအေးလှိုင်းအတွက် အပြာရောင်သတိပေးချက်ကို သက်တမ်းတိုးခဲ့ပြီး နိုင်ငံ အနှံ့အပြားတွင် အပူချိန်ကျဆင်းကာ အအေးလှိုင်းဖြတ်နိုင်ကြောင်း မိုးလေဝသဌာနက ဇင်ဘာ ၂၃ ရက်တွင် ခန့်မှန်းထားကြောင်း ဆင်ဟွာတွင် သတင်းဖော်ပြသည်။

ဒီဇင်ဘာ ၂၃ ရက်မှ ဒီဇင်ဘာ ၂၆ ရက်အထိ တရုတ်နိုင်ငံအလယ်ပိုင်းနှင့် အရှေ့ပိုင်းတို့တွင် အပူချိန် ၆ ဒီဂရီဆဲလ်စီးယက်စ် မှ ၁၀ ဒီဂရီဆဲလ်စီးယက်စ် အထိ ကျဆင်းနိုင်သည်ဟု အမျိုးသားမိုးလေဝသ စင်တာ မှ သိရသည်။

အချို့နေရာများတွင် အပူချိန် ၁၄ ဒီဂရီ ဒီဂရီဆဲလ်စီးယက်စ်အောက်ထိ ကျဆင်းသွားနိုင်ကြောင်း မိုးလေဝသစင်တာမှ သိရသည်။

ပြည်သူများအနေဖြင့် ချမ်းအေးသော ရာသီဥတုနှင့် လေပြင်းတိုက်ခတ်ခြင်းတို့ကို သတိပြုကြရန် စင်တာက အကြံပြုထားပြီး ရေခဲခြင်းကြောင့် လမ်းပိတ်ဆို့မှုမျာ ဖြစ်နိုင်သည့် အခြေအနေများအတွက် ယာဉ်ထိန်းရဲ နှင့်ရဲတပ်ဖွဲ့ဝင်များအား ကြိုတင်ပြင်ဆင်ထားရန် အကြံပြုထားသည်။

တရုတ်နိုင်ငံတွင် အရောင်လေးဆင့် မိုးလေဝသ သတိပေးစနစ်ရှိပြီး အပြင်းထန်ဆုံး ရာသီဥတုကို ကိုယ်စားပြုသည့် အနီရောင်၏ နောက်တွင်လိမ္မော်ရောင်၊ အဝါရောင်နှင့် အပြာရောင်တို့ အသီးသီး ရှိကြောင်း သိရသည်။

(Xinhua)

Share: