Preview

ကော့စ်ဘဇားရှိ ဒုက္ခသည်စခန်းတွင် ပြိုင်ဘက်အုပ်စုများအကြား တိုက်ခိုက်မှုဖြစ်မည်ကို ဒုက္ခသည်များစိုးရိမ်

ဇွန် ၁၈/ ၂၀၂၂ | ကြည့်ရှုသူ :8821
နိုင်ငံတကာ သတင်း

 

Narinjara News, ဇွန် ၁၈/၂၀၂၂

ကော့ဘဇားရှိမြန်မာနိုင်ငံမှ မူဆလင်ဒုက္ခသည်စခန်းများတွင် နာမည်ဆိုးဖြင့်ကျော်ကြားသော နိုဘီဟစိန် (ခေါ်) မူနားဂိုဏ်းနှင့် Arakan Rohingya Salvation Army (ARSA) တို့အကြားအကြီးအကျယ် တိုက်ပွဲများ ဖြစ်ပွားမည်ကို ဒုက္ခသည်များ စိုးရိမ်နေကြသည်ဟု Ukhiya News တွင် ဇွန် ၁၇ ရက်နေ့က သတင်းဖော်ပြသည်။

စခန်းအတွင်းလွှမ်းမိုးချုပ်ကိုင်မှုချဲ့ထွင်ခြင်းနှင့် ပတ်သက်၍ အုပ်စုနှစ်စုကြားအငြင်းပွားမှု တိုက်ခိုက်မှုများပြင်းထန်လာသည်။

တိုက်ခိုက်မှုကိုလက်စားချေရန် နိုဘီဟူစိန်အဖွဲ့မှအဖွဲ့ဝင်များသည် အာဆာလိုလားသောစခန်းစောင့်များကိုပစ်မှတ်ထားပြီး တိုက်ခိုက် သတ်ဖြတ်ခဲ့သည်။

ဗုဒ္ဓဟူးနေ့ညကအာဆာကို ထောက်ခံသူ မူဟာမတ်ဆလိမ်း (၃၀) နှစ် အမည်ရှိ စခန်းစောင့်တစ်ဦးကို နိုဘီအုပ်စုက သတ်ဖြတ်ခဲ့သည်။  တစ်ပတ်အတွင်းစခန်းအစောင့်သုံးဦး သေဆုံးခဲ့ပြီဟု အမှတ် (၁၄) ရဲတပ်ရင်းအကြီးအကဲနာယာမူဟောက်ကိုကိုးကာပြီး သတင်းတွင် ဖော်ပြသည်။

လွန်ခဲ့သော နှစ်ပတ်ခန့်ကလည်း နိုဘီဟူစိန်အဖွဲ့ကို အာဆာအဖွဲ့က တိုက်ခိုက်၍ နိုဘီဟူစိန်၏ ညီဖြစ်သူ အပါအဝင် ခြောက်ဦးသေဆုံးသွားခဲ့သည်ဟုဆိုသည်။

၎င်းပြဿနာဖြစ်ပွားပြီးနောက် လက်စားချေသည့်အနေဖြင့် နိုဘီဟူစိန်အဖွဲ့က အာဆာအဖွဲ့နှင့် ထောက်ခံသူများကို တိုက်ခိုက်နေခြင်းဖြစ်ကြောင်းသတင်းတွင် ဖော်ပြထားသည်။

၀၂၁ ခုနှစ် စက်တင်ဘာ ၂၉ ရက်နေ့က ဘင်္ဂလားဒေ့ရှ်နိုင်ငံအိုကီးယား မှုဆင်လင် ဒုက္ခသည်စခန်းမှ နာမည်ကြီး ဒုက္ခသည် ခေါင်းဆောင်တစ်ဦးဖြစ်သူ Mohibullah အသတ်ခံ၇ပြီးနောက် အာဆာအဖွဲ့အတွင်းနှစ်ခြမ်းကွဲသွားခဲ့ပြီး ထောက်ခံမှုများလျော့ကျသွားခဲ့သည်ဟု သတင်းတွင် ဖော်ပြသည်။

#ဒုက္ခသည်ရေးရာ
မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။
နိရဉ္ဇရာလှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

နောက်ဆုံးရသတင်းများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်
© 2024 Narinjara News. All rights reserved.