တာကာငွေ (၂၅) ကုဋေ တန်ဖိုးရှိ စိတ်ကြွဆေးပြားနှင့်အိုင်းစ်များ နတ်မြစ်အတွင်း ဘင်္ဂလာနယ်ခြားစောင့်တပ်ကဖမ်းမိ
နိရဉ္စရာ၊ ဩဂုတ် ၁/၂၀၂၂
မြန်မာနိုင်ငံကတင်သွင်းလာသည့် စိတ်ကြွဆေးပြား ၁၅၀၀၀၀၊ အိုင်းစ် (Ice)၄ ကီလို ၂၇၈ ဂရမ်နှင့် အနုမြူငါးဖမ်းပိုက်များကို ဇူလိုင် ၃၁ ရက် နံနက်က ဘင်္ဂလာဒေ့ရှ်နယ်ခြားစောင့်တပ်က နတ်မြစ် အတွင်း ဖမ်းဆီးမိခဲ့သည်ဟု ဘင်္ဂလာသတင်းဌာနများက သတင်းဖော်ပြသည်။
ဘင်္ဂလားဒေ့ရှ် နယ်ခြားစောင့်တပ်ဖွဲ (BGB)သည် မူးယစ်ဆေးဝါးမှောင်ခိုအဖွဲ့တစ်ခုက ဘင်္ဂလားဒေ့ရှ်န ိုင်ငံထဲသို့ မူးယစ်ဆေးဝါးများ သယ်ဆောင်လာသည်ဟုသတင်းရရှိသဖြင့် ဇူလိုင် ၃၁ ရက် နံနက် အစောကြီး ညဉ့်အချိန်၌ နတ်မြစ်အတွင်း စောင့်နေစဉ်ဖမ်းဆီး၇မိသည်ဟု ဆိုသည်။
၎င်းဆေးဝါးများကို မြန်မာနိုင်ငံဘက် ဘင်္ဂလာဘက်သို့သစ်သားလှေတစ်စီးဖြင့်သယ်ယူလာခြင်း ဖြစ်ပြီး စစ်ဆေးရန်ခေါ်ယူစဉ် လှေပေါ်ပါလာသည့် မှောင်ခိုသမားများသည်လှေပေါ်မှရေထဲခုန်ချပြီး မြန်မာဘက်ကို ကူးပြေးသွားသည်ဟု သတင်းတွင်ဖော်ပြထားသည်။
လှေပေါ်တွင် ပါလာသည့် ပလစတစ် အိတ်နှစ်လုံးကို ဖွင့်ဖောက်စစ်ဆေးရာ မူးယစ်ဆေးဝါးအိုင်းစ် ၄ ကီလိုနှင့် ၂၇၈ ဂ၇မ်၊စိတ်ကြွဆေးပြားတစ်သိန်းခွဲနှင့်အနုမြူ ပိုက် (၂၅) ကေစီတို့ကို ဖမ်းဆီး၇မိပြီး ၎င်းမူးယစ်ဆေးဝါးများ၏ တန်ဖိုးမှာ ဘင်္ဂလားဒေ့ရှ်တာကာငွေ (၂၅) ကုဋေဖိုးရှိသည်ဟု ဆိုသည်။
တက်ကနက်မြို့ အခြေစိုက် အမှတ် (၂) နယ်ခြားစောင့်တပ်ရင်းတပ်ရင်းမှူး ဗိုလ်မှူကြီး SheikhKhalid Mohammad Iftekhar က ၎င်းမူးယစ်ဆေးဝါးများကို တက်ကနက်မြို့နယ်အပိုင် နတ်မြစ်အတွင်းရှိ Jalyar ကျွန်းအနီးတွင်ဖမ်းမိသည်ဟု သတင်းဌာနများသို အတည်ပြုပြောဆိုသည်။
အလားတူလွန်ခဲ့ ဇွန်လကလည်းစိတ်ကြွဆေးပြား ၄၄၇၀၀၀ နှင့် အတူ အိုင်းစ် ၁၁ ကီလိုကျော်ကိုလည်း တက်ကနက်အခြေစိုက် အမှတ် (၂) ဘင်္ဂလာနယ်ခြား စောင့်တပ်မှ ဖမ်းဆိး၇မိကြောင်းလည်း အဆိုပါသတင်းတွင်ဖော်ပြသည်။
လှူရန်