နိရဉ္စရာ၊ ဒီဇင်ဘာ-၃၀/၂၀၂၂

ပြီးခဲ့တဲ့အပတ်က တရုတ်တိုက်လေယာဉ်တစ်စင်းဟာ တောင်တရုတ်ပင်လယ်ပေါ် ပျံသန်းနေတဲ့ အမေရိကန်စစ်လေယာဉ် တစ်စင်းအနီးကို ၃မီတာ(၉ပေ)ကွာအထိချဉ်းကပ်လာခဲ့တယ်လို့ အမေရိကန်လေတပ်က ထုတ်ဖော်ပြောဆိုလိုက်ပါတယ်။ 

အငြင်းပွားနေဆဲ တောင်တရုတ်ပင်လယ်ပြင်ပေါ်မှာ ဖြစ်ပေါ်ခဲ့တဲ့ အဆိုပါဖြစ်ရပ်မှာ အမေရိကန်စစ်လေယာဉ်ကဝေဟင်ပေါ်မှာ တိုးတိုက်မှု မဖြစ်အောင် ရှောင်ရှားပျံသန်းခဲ့၇တယ်လို့ဆိုတယ်။ 

တောင်တရုတ်ပင်လယ်ပေါ်မှာ တရုတ်လေတပ်ရဲ့ အန္တရာယ်ရှိတဲ့ အပြုအမူတွေ တွေ တိုးပွားလာနေတယ်လို့အမေရိကန်က ပြောဆိုခဲ့ပြီးနောက်မှာ ခုလိုကြုံတွေ့၇တာဖြစ်တယ်။ 

တရုတ်လေတပ်ရဲ့ J-11 တိုက်လေယာဉ်နဲ့ အမေရိကန်လေတပ်ရဲ့ RC-135 လေယာဉ်တို့ ဒီဇင်ဘာ-၂၁ရက်မှာထိပ်တိုက်တွေ့ခဲ့တယ်လို့အမေရိကန်လေတပ်က ကြေညာပါတယ်။ 

အမေရိကန်စစ်တပ် ပြောရေးဆိုခွင့်ပုဂ္ဂိုလ်ရဲ့ ပြောကြားချက်အ၇ တရုတ်တိုက်လေယာဉ်ဟာ အမေရိကန်စစ်လေယာဉ်အနီး ၉ ပေ အကွာထိ ချဉ်းကပ်လာခဲ့လို့မတိုက်မိအောင် ရှောင်တိမ်းခဲ့၇တယ်လို့ဆိုတယ်။ 

ခုကိစ္စနဲ့ပတ်သက်ပြီး ဝါရှင်တန်မှာရှိတဲ့ တရုတ်သံရုံးက တစ်စုံတရာ ထုတ်ဖော်ပြောဆိုခြင်း မရှိပါဘူး။ အရင်ကတည်းက အမေရိကန် စစ်သင်္ဘော နဲ့ စစ်လေယာဉ်တွေ အဆိုပါဒေသမှာ ကင်းလှည့်သွားလာနေတာဟာငြိမ်းချမ်းရေးအတွက် မကောင်းဘူးလို့ ပြောထားတယ်။

ဗီယက်နမ်၊ မလေးရှား၊ ဘရူနိုင်း၊ ဖိလစ်ပိုင်၊ အင်ဒိုနီးရှားနိုင်ငံများနဲ့ ထိစပ်နေတဲ့ တောင်တရုတ်ပင်လယ်ပြင်ကို တရုတ်အစိုး၇က သူတို့ပိုင်နက်အဖြစ်ကြေညာထားတယ်။ 

NN-27

Ref: CNA