မြောက်ကိုးရီးယား နံပါတ်(၂) အာဏာအရှိဆုံး စစ်ဘက်အကြီးအကဲကို ကင်ဂျုံအန် ထုတ်ပယ်

နိရဉ္စရာ၊ ဇန်နဝါရီ ၂/၂၀၂၃ (နိုင်ငံတကာ) 

မြောက်ကိုးရီးယားခေါင်းဆောင် ကင်မ်ဂျုံအန် က နိုင်ငံရဲ့ ဒုတိယအာဏာအရှိဆုံး စစ်ဘက်ဆိုင်ရာအကြီးအကဲ 

ပက်ဂျုံချွန် ကို ရာထူးက ထုတ်ပယ်လိုက်ပြီလို့ နိုင်ငံပိုင်သတင်းဌာနက ထုတ်ပြန်ကြေညာပါတယ်။ 

ဗဟိုစစ်ကော်မရှင် ဒု ဥက္ကဌ နဲ့ အာဏာရအလုပ်သမားပါတီ ဒု ဥက္ကဌ၊ ပါတီ ဗဟိုကော်မတီ အတွင်းရေးမှူးပက် နေရာမှာ ရီယောင်ဂျီလ် နဲ့ အစားထိုး လိုက်ကြောင်း မြောက်ကိုးရီးယား KCNA သတင်းအေဂျင်စီကတနင်္ဂနွေနေ့မှာ ထုတ်ပြန်ကြေညာခဲ့ပါတယ်။ 

ဘာ့ကြောင့် ထုတ်ပယ်ပစ်လိုက်တယ်ဆိုတာကိုတော့ တရားဝင်ထုတ်ပြန်ခြင်း မရှိခဲ့ပါဘူး။  နှစ်စဉ် နှစ်ကုန်ပိုင်းမှာ ကျင်းပလေ့ရှိတဲ့ ပါတီအစည်းအဝေးမှာ ခုလို ရာထူးအပြောင်းအလဲ နဲ့ အဓိက မူဝါဒဆိုင်ရာ ဆုံးဖြတ်ချက်တွေကို ချမှတ်လေ့ရှိတယ်။ 
ဒီသတင်းကြေညာစဉ် နိုင်ငံပိုင်ရုပ်သံမှာ ပက် ကို ခေါင်းငုံ့လျှက် ပါတီရဲ့ မြင်တွေ့ရကြရပြီး တခြားပါတီဝင်တွေက လက်ညှိုးထောင်ထောက်ခံနေတာ မြင်တွေ့ကြရတယ်။ နောက်တော့ သူထိုင်တဲ့ နေရာမှာ နေရာလပ်သွားတာ တွေ့မြင်ရတယ်လို့ ရိုက်တာသတင်းမှာ ရေးသားထားတယ်။ 

 နှစ်သစ်ကူးနေ့မှာ ကင်ဂျုံအန် နှစ်စဉ် သွားရောက်လေ့ရှိပြီး သူ့ ဖခင် နဲ့ အဖိုးရဲ့ ရုပ်ကလာပ်ထားရှိရာ နေမင်းနန်းတော် ခရီးစဉ်မှာလည်း ပက်ကို မတွေ့မြင်ရတော့ပါဘူး။ ပြီးခဲ့တဲ့ အောက်တိုဘာလတုန်း ကတော့ ပက်ကို ကင်ဂျုံအန်အနီးမှာ တွေ့မြင်ခဲ့ကြသေးတယ်။ 

 ကင်ဂျုံအန် ဦးဆောင်တဲ့ ပါတီဗဟိုစစ်ကော်မရှင်ဟာ မြောက်ကိုရီးယားမှာ အမြင့်ဆုံးစစ်ဘက်ဆိုင်ရာအာဏာပိုင်အဖွဲ့ ဖြစ်တယ်။ 

 Ref: Reuter 

Photo: Internet