(လက်ရှိကုန်သွယ်ရေးတန်ဖိုး ကန်(၁)ဘီလျံမှ(၂)ဘီလျံသို့ ရောက်လာနိုင်ဟုဆို)

နိရဉ္စရာ၊ မတ်၁၄/၂၀၂၃ (နိုင်ငံတကာ)

ဘင်္ဂလားဒေ့ရှ်နိုင်ငံကမြန်မာ-အိန္ဒိယ-ထိုင်း ဆက်သွယ်မှုကုန်သွယ်ရေးလမ်းကြောင်းစီမံကိန်းတွင် ပူးပေါင်းပါဝင်ရန်စိတ်ဝင်စားလျှက်ရှိကြောင်း နိုင်ငံခြားရေးဝန်ကြီး မာမွတ်ဘင်မိုမင် က တတိယအကြိမ်ထိုင်းနှင့် ဘင်္ဂလားဒေ့ရှ် နှစ်နိုင်ငံ ညှိနှိုင်းအစည်းအဝေးအပြီးအင်္ဂါနေ့က ပြောကြားလိုက်သည်။

 " ဘင်္ဂလားဒေ့ရှ်အနေနဲ့မြန်မာ-အိန္ဒိယ-ထိုင်း ဆက်သွယ်မှု စီမံကိန်းမှာ ပူးပေါင်းပါဝင်ဖို့ဆန္ဒ ရှိနေပါတယ်။ အိန္ဒိယတို့ ထိုင်းတို့နဲ့ ကျွန်တော်တို့ စကားပြောပြီးပါပြီ။ သူတို့ဘက်က ဘာပြဿနာမှမရှိပါဘူး။"

" ဒီဆက်သွယ်မှုဟာဘင်္ဂလားပင်လယ်အော်နိုင်ငံများ နည်းပညာနှင့် စီးပွားရေး ကဏ္ဍပေါင်စုံပူးပေါင်းဆောင်ရွက်ရေး BIMSTECအောက်ကဖြစ်နိုင်ပါတယ်။ ကုန်းလမ်းဆက်သွယ်မှုသာမကလေကြောင်း နဲ့ ရေကြောင်းဆက်သွယ်မှုကို ကျွန်တော်တို့လိုလားပါတယ်" ဟု မာဆွတ်ဘင် မိုမင်က ပြောသည်။

ဆက်လက်၍" ကျွန်တော်တို့ရဲ့စီးပွားရေးမျှော်လင့်ချက်ပန်းတိုင်အတိုင်းသာ ဖြစ်လာရင်လက်ရှိ ကုန်သွယ်ရေးတန်ဖိုး ဒေါ်လာ (၁)ဘီလျံကနေ သိပ်မကြာင်ခင်မှာ (၂)ဘီလျံအထိတိုးပွားလာမယ်လို့ ယုံကြည်တယ်။"

 " နှစ်ဘက် နားလည်မှုစာချုပ်တွေ( MOU) အများကြီး ချုပ်ဆိုဖို့ ဆွေးနွေးမှုတွေ ရှိနေပြီး အမြန်ဆုံးအပြီးသတ် ချင်နေပါပြီ။"

 " ထိုင်းနိုင်ငံကလက်ရှိ BIMSTEC ဥက္ကဋ္ဌပါ။ မကြာခင်မှာ သူတို့ ထိပ်သီးအစည်းအဝေးအိမ်ရှင်အဖြစ် လက်ခံကျင်းပဖို့ရှိပါတယ် " ဟု ဘင်္ဂလားဒေ့ရှ်နိုင်ငံခြားရေးဝန်ကြီးက ပြောကြားခဲ့သည်။

ထိုင်းနိုင်ငံခြားရေးဝန်ကြီးဆာရန် ချာရွမ်ဆွမ်က ဘင်္ဂလားဒေ့ရှ်နိုင်ငံသည်အလျှင်အမြန်တိုးတက်နေပြီးသူတို့ ဘင်္ဂလားဒေ့ရှ်သည်မကြာမီ ဖွံ့ဖြိုးမှု အနိမ့်ဆုံး နိုင်ငံ( leaseddeveloped countries) များစာရင်းမှ လွတ်မြောက်လာတောမည်ဖြစ်ကြောင်း၊ ဘင်္ဂလားရှေတွင် ကုန်သွယ်ရေးနှင့် ရင်းနှီးမြှုပ်နှံမှု ပြုလုပ်ရန်မိမိနှင့်အတူ စီးပွားရေးကိုယ်စားလှယ်အဖွဲ့တစ်ဖွဲ့ပါလိုက်ပါလာကြောင်း ပြောကြားခဲ့သည်။

NN-27

ref:Dhaka Tribune