- Web Master
- ၁၉ ဇွန် ၂၀၂၃
ရုရှားနိုင်ငံခြားရေးဝန်ကြီး ဆာဂျီ လာဗရော့ဗ်က အမေရိကန်လုပ် အက်ဖ်-၁၆ ဂျက်တိုက်လေယာဉ်များသည် နျူးကလီးယားလက်နက်များ သယ်ဆောင် ပစ်ခတ်နိုင်စွမ်းရှိ၍ ယူကရိန်းကို ထိုလေယာဉ်များ ထောက်ပံ့ပေးအပ်မည်ဆိုပါက ပဋိပက္ခကို ပိုမိုကြီးထွားလာစေမည်ဖြစ်ကြောင်း တနင်္လာနေ့က သတိပေးပြောကြားလိုက်သည်။
" ကျွန်တော်တို့ သိထားဖို့လိုတာက အမေရိကန်ရဲ့ အက်ဖ်-၁၆ တိုက်လေယာဉ် အမျိုးအစားတစ်ခုဟာ နျူးကလီးယားလက်နက်တွေ သယ်ဆောင် ပစ်ခတ်နိုင်စွမ်းရှိတယ်ဆိုတာပဲ" ဟု တာဂျီကစ္စတန်နိုင်ငံ၊ ဒူရှန်ဘီရှိ စစ်အခြေစိုက်စခန်းတစ်ခုတွင် လာဗရော့ဗ်က ပြောကြားခဲ့သည်။
ယူကရိန်းသမ္မတ ဗိုလိုဒီမာ ဇီလန်းစကီးသည် အက်ဖ်-၁၆ တိုက်လေယာဉ်များ ရရှိရန် အချိန်အတော်ကြာကတည်းက တောင်းဆိုထားပြီး ယူကရိန်းလေယာဉ်မှူးများနှင့် တိုက်လေယာဉ်များ ထွက်ပေါ်လာခြင်းသည် ရုရှား၏ ကျူးကျော်စစ် အရှုံးနှင့် အဆုံးသတ်မည့် လက္ခဏာဖြစ်သည်ဟု ပြောကြားလိုက်သည်။
အမေရိကန်သမ္မတ ဂျိုးဘိုင်ဒင်သည် ပြီးခဲ့သည့်လ ဂျီ-ဆဲဗင်း ခေါင်းဆောင်များအစည်းအဝေးတွင် အမေရိကန်က ယူကရိန်း တိုက်လေယာဉ်မှူးများအား ပူးတွဲလေ့ကျင့်ပေးမည့်အစီအစဉ်ကို ထောက်ခံကြောင်း ပြောကြားခဲ့သည်။
သို့သော် အမေရိကန်အမျိုးသားလုံခြုံရေးအကြံပေး ဂျိတ် ဆူလီဗန်က အက်ဖ်-၁၆ တိုက်လေယာဉ်များ ယူကရိန်းသို့ ပေးအပ်ရေး နောက်ဆုံးအဆင့် ဆုံးဖြတ်ချက် မချရသေးဟု ဆိုသည်။
NN-27
ref: Reuters/ CAN