အင်ဒိုနီးရှားနိုင်ငံဆူလာဝေဆီကျွန်း ကမ်းလွန်တွင် တနင်္ဂနွေနေ့ သန်းခေါင်ကျော်( တနင်္လာနေ့ မနက်စောစောပိုင်း) က ခရီးသည် ၄၀ ဦးလိုက်ပါလာသည့်ကူးတို့သင်္ဘောတစ်စီး နစ်မြုပ်ခဲ့ရာ လူ ၁၅ ဦး သေဆုံးပြီး ၁၉ဦး ပျောက်ဆုံးလျှက်ရှိသည်ဟု သိ၇သည်။

ဒေသခံကယ်ဆယ်ရေး နှင့် ရှာဖွေရေးအဖွဲ့မှ တာဝန်ရှိသူတစ်ဦး၏ ပြောကြားချက်အရ ခရီးသည်တင်ကူးတို့သင်္ဘောသည် သန်းခေါင်ယံကျော်ခါစ အချိန်တွင် နစ်မြုပ်ခဲ့ပြီး ၁၅ ဦးသေဆုံးကာ ၁၉ ဦးပျောက်ဆုံးနေပြီး ၆ ဦးကို ကယ်တင်ရရှိခဲ့သည်ဟုသိ၇သည်

သင်္ဘောနစ်မြုပ်ရသည့်အကြောင်းကိုမူ မသိရှိ၇သေးပေ။

ဆူလာဝေဆီအရှေ့တောင်ပိုင်း ကင်ဒါရီမြို့ ကယ်ဆယ်ရေး နှင့် ရှာဖွေရေးအဖွဲ့ ခေါင်းဆောင် မိုဟာမက် အာရာဖာက ပျောက်ဆုံးနေသည့် လူ ၁၉ ဦးကို ရှာဖွေကယ်တင်ရန် အဓိကကြိုးစားနေကြောင်း၊ အဖွဲ့ နှစ်ဖွဲ့ခွဲ၍ ရှာဖွေနေရာ တစ်ဖွဲ့က နစ်မြုပ်သည့်နေရာတွင် ရှာဖွေပြီး တစ်ဖွဲ့က ရာဘာလှေများ အသုံးပြုပြီးအနီးတစ်ဝိုက် ရှာဖွေနေသည်ဟု ဆိုသည်။

အင်ဒိုနီးရှားနိုင်ငံကူးတို့သင်္ဘောများတွင် အမှန်တကယ်တင်ဆောင်သည့် ခရီးသည်အရေအတွက်နှင့်စာရင်းတွင်ဖော်ပြသည့် အရေအတွက် အမြဲတမ်း ကွဲလွဲနေတတ်သည်။

ကျွန်းပေါင်း၁၇၀၀၀ ခန့်ရှိသော အင်ဒိုနီးရှားနိုင်ငံရှိ ပြည်သူအချို့မှာ ဘေးအန္တရာယ်စိတ်မချရသောကူးတို့သင်္ဘောများကို အသုံးပြုကာ တစ်နေရာမှ တစ်နေရာသို့သွားလာရာနေကြရပြီး မကြာခဏ ဆိုသလိုရေယာဉ်မတော်တဆနစ်မြုပ်မှုများ ဖြစ်ပေါ်တတ်သည်။

ပြီးခဲ့သည့်နှစ်မေလက ခရီးသည် ၈၀၀ကျော်တင်ဆောင်လာသည့် ကူးတို့သင်္ဘောတစ်စီး အရှေ့နူဆာ တန်ဂါရာပြည်နယ် ကမ်းခြေအနီးတွင် နှစ်ရက်ကြာ သောင်တင်ခဲ့သည်ဟု သိ၇သည်။

NN-27

ref:dhakatribune