ဩစတြေးလျနိုင်ငံမြောက်ပိုင်းတွင်တနင်္ဂနွေနေ့က စစ်၇ဟတ်ယာဉ်တစ်စီး ပျက်ကျခဲ့ရာ အမေရိကန် မရိန်းတပ်သားသုံးဦး သေဆုံးပြီး ၂၀ဦး ဒဏ်ရာရသွားကြောင်း သိရှိ၇သည်။

MV-22B Osprey အမျိုးအစား စစ်၇ဟတ်ယာဉ်သည်ဒါဝင်မြို့မြောက်ဘက် တီဝီကျွန်းသို့ အပြန်ခရီးတွင်ပျက်ကျသွားခြင်းဖြစ်ပြီး ငါးဦးမှာ ဒဏ်ရာပြင်းထန်သည်ဟု ဆိုသည်။

အမေရိကန်၊ ဩစတြေးလျ၊ ဖိလစ်ပိုင်၊အရှေ့တီမော နှင့် အင်ဒိုနီးရှားနိုင်ငံများမှ စစ်သည်စုစုပေါင်း၂၅၀၀ တို့ပါဝင်သည့် Predator Run စစ်ရေးလေ့ကျင့်မှုကာလအတွင်းယခုလိုပျက်ကျခဲ့ခြင်းဖြစ်သည်။

ရဟတ်ယာဉ်ပေါ်တွင်လိုက်ပါလာသူများအားလုံးဟာ အမေရိကန်တပ်ဖွဲ့ဝင်များဖြစ်ပြီး ဒါဝင်မြို့မြောက်ဘက်မယ်လ်ဗီးလ်ကျွန်းတွင် ပျက်ကျခဲ့ခြင်းဖြစ်သည်။

“ ငါးဦးကို ဆေးကုသဖို့ ဒါဝင်ကို ပြန်သယ်လာပြီး ဒဏ်ရာ၇သူတွေကို အခင်းဖြစ်နေရာမှာပြန်သယ်လာဖို့ ရွေးထုတ်နေတယ်”လို့ ဒေသခံရဲအရာရှိ မိုက်ကယ် မာဖီကပြောသည်။

ယခု၇ဟတ်ယာဉ်ပျက်ကျမှုမှာ တစ်လမကြာသည့်အချိန်အတွင်း ဩစတြေးလျမြောက်ပိုင်း၌ ပူးတွဲစစ်ရေးလေ့ကျင့်မှုပြုလုပ်စဉ်ဒုတိယမြောက် ၇ဟတ်ယာဉ်ပျက်ကျမှုဖြစ်သည်။

ပြီးခဲ့သည့် ဇူလိုင်လ ၂၉ ရက်နေ့ကလည်းအမေရိကန် နှင့် ဩစတြေးလျတို့ ပူးတွဲစစ်ရေးလေ့ကျင့်မှုပြုလုပ်စဉ်ကွင်းစလန်းပြည်နယ် ကမ်းလွန်ပြင်တွင် ဩစတြေးလျစစ်သည်များ လိုက်ပါလာသည့် 45MHR-90 Taipan အမျိုးအစား ရဟတ်ယာဉ်ပျက်ကျသဖြင့်၇ဟတ်ယာဉ်ပေါ်လိုက်ပါလာသူအားလုံး သေဆုံးသွားခဲ့သည်ဟု သိ၇သည်။

ref:BBCWorld