မြောက်ကိုးရီးယားခေါင်းဆောင်ကင်မ်ဂျုန်းအွန်သည် ယခုလအတွင်း သမ္မတပူတင်နှင့်တွေ့ဆုံဆွေးနွေးရန်ရုရှားသို့သွားရောက်မည်ဟု သိရှိ၇သည်။

ယူကရိန်းစစ်ပွဲတွင်ရုရှားက လိုအပ်နေသည့် စစ်လက်နက်ပစ္စည်းများ မြောက်ကိုးရီးယားကထောက်ပံ့ပေးရေးကိစ္စ နှစ်နိုင်ငံခေါင်းဆောင်များ ဆွေးနွေးကြဖွယ်ရှိသည်ဟုအမေရိကန်အရာရှိတစ်ဦး၏ ပြောကြားချက်ကို အခြေခံ၍ စီဘီအက်စ်သတင်းဌာနက ကြေညာခဲ့သည်။

ကင်ဂျုန်းအွန်နှင့် ပူတင်တို့ မည်သည့်နေရာတွင် တွေ့ဆုံကြမည်ကို အတိအကျမသိရသေးသော်လည်းနယူးယောက်တိုင်းသတင်းစာ၏ ဖော်ပြချက်အ၇ ဗလာဒီဗော့တော့ ဆိပ်ကမ်းမြို့တွင်တွေ့ဆုံဖွယ်ရှိသည်ဟု သိ၇သည်။

ကင်ဂျုံးအွန်သည်ရုရှားနိုင်ငံသို့ ကျည်ကာရထားဖြင့် သွားရောက်ဖွယ်ရှိသည်ဟု ဆိုသည်။ အမေရိကန်အိမ်ဖြူတော်က ရရှိသော သတင်းများအရ ရုရှား နှင့် မြောက်ကိုးရီးယားတို့အကြား ပူးပေါင်းဆောင်ရွက်မှု အလျင်အမြန်တိုးတက်လာပြီးနောက် ယခုကဲ့သို့ ခေါင်းဆောင်ချင်းတွေ့ဆုံမှု ဖြစ်ပေါ်လာခြင်းဖြစ်သည်ဟုဆိုသည်။

အမေရိကန်အမျိုးသားလုံခြုံရေးကောင်စီ ပြောရေးဆိုခွင့်ရှိသူ ဂျွန်ကာဘီကရုရှားကာကွယ်ရေးဝန်ကြီးဆာဂီ ရှိုအီဂူ ၏ မကြာမီက သွားရောက်ခဲ့သည့် မြောက်ကိုးရီးယားခရီးစဉ်အတွင်း မြောက်ကိုးရီးယားက ရုရှားနိုင်ငံသို့ အမြောက်ကျည်ဆံ နှင့် လက်နက်ခဲယမ်းပစ္စည်းများ ရောင်းချပေးရန် တောင်းဆိုမှုပြုလုပ်ခဲ့သည်ဟုဆိုသည်။

ရုရှားကာကွယ်ရေးဝန်ကြီး၏ခရီးစဉ်အတွင်း မြောက်ကိုးရီးယားသည် ၄င်းတို့ ထုတ်လုပ်ထားသည့်ဟွာဆောင်း တိုက်ချင်းပစ် ဒုံးပျံကို ပထမဦးဆုံးအကြိမ် ထုတ်ဖော်ပြသခဲ့သည်။

ထိုအချိန်မှစ၍ကင်ဂျုန်းအွန် နှင့် ပူတင်တို့အကြား အပြန်အလှန်ဆက်ဆံမှု နှင့်နှစ်နိုင်ငံကြား ပူးပေါင်းဆောင်ရွက်ရေး တိုးတက်လာခဲ့သည်ဟု ဆိုသည်။

NN-27

ref:BBCWorld