“ရေတပ်သင်္ဘောကျင်း မီးလောင်ပြီး ရုရှားတပ်သား ၂၄ ဦး ဒဏ်ရာ၇”

ရုရှားတို့၏ပင်လယ်နက် ရေတပ်အုပ်စု တည်ရှိရာ ခရိုင်းမီးယားဒေသ၊ ဆီဗက်စ်တိုပို ဆိပ်ကမ်းမြို့အားယူကရိန်းက ဒုံးကျည်များဖြင့် ယမန်နေ့ညက ပစ်ခတ်တိုက်ခိုက်ရာ ရေတပ်သင်္ဘောကျင်းမီးလောင်သွားပြီး ရုရှားတပ်သား ၂၄ ဦး ဒဏ်ရာရရှိခဲ့သည်ဟု သိ၇သည်။

ရုရှားတို့ ခန့်ထားသည့် ဆီဗက်စ်တိုပိုမြို့တော်ဝန် မီခေးလ်ရာဇ်ဗော့ဇာယက်ဗ် က ရုရှား ပင်လယ်နက်ရေတပ်အုပ်စု စခန်းချရာ ဆိပ်ကမ်းအား ယူကရိန်းက ပစ်ခတ်လိုက်သောဒုံးကျည်ထိမှန်ပြီးနောက် မီးလောင်မှုဖြစ်ကာ ရုရှားတပ်သား ၂၄ ဦး ဒဏ်ရာရရှိခဲ့သည်ဟုပြောကြားခဲ့သည်။

တစ်ပြိုင်နက်တည်းမှာပင် ရုရှားတို့၏ ဒရုန်းများက ဒန်းညုမြစ်ပေါ်ရှိ ယူကရိန်းတို့၏ကောက်ပဲသီးနှံတင်ပို့ရာ အစ်ဇ်မေးလ်ဆိပ်ကမ်းကို တိုက်ခိုက်ခဲ့သည်ဟုရာဇ်ဗော့ဇာယက်ဗ်က ပြောကြားသည်။

အိုဒီဆားဒေသအုပ်ချုပ်ရေးမှူး အိုလက်ကီပါက ရုရှားတို့၏ ဒရုန်းတိုက်ခိုက်မှုကြောင့်လူ ၆ ဦးဒဏ်ရာရရှိပြီး ဆိပ်ကမ်းအဆောက်အဦးများ ထိမှန်ပျက်စီးခဲ့သည်ဟု ဆိုသည်။

ရုရှားတို့၏ ဆီဗက်စတိုပိုလ်ဆိပ်ကမ်း မြို့တော်ဝန် ရာဇ်ဗော့ဇာရက်ဗ်က ယူကရိန်းဒုံးကျည်ပစ်ခတ်ခံရပြီးနောက် မီးလောင်နေသောနေရာသို့ အရေးပေါ်ကယ်ဆယ်ရေးအဖွဲ့များရောက်ရှိနေကြောင်းနှင့် အရပ်ဘက်အဆောက်အအုံများ ထိခိုက်မှု မရှိကြောင်းပြောကြားခဲ့သည်။

ပင်လယ်နက် ရေတပ်သင်္ဘောကျင်း မီးလောင်နေပြီး မီးလောင်ခံထားရသော သင်္ဘောတစ်စီးမှမီးခိုးလုံးများ ထွက်ပေါ်လာနေသည့် ဓါတ်ပုံကို မြို့တော်ဝန် ရာဇ်ဗော့ဇာရက်ဗ်က သူ၏တယ်လီဂရမ်ချန်နယ်တွင် ဖော်ပြခဲ့သည်။

NN- 27

ref:bbcworld