“အမေရိကန်လေယာဉ်တင်သင်္ဘောအစ္စရေးအနီးသို့ ဝင်ရောက်လာ”

အစ္စရေးနယ်မြေအတွင်းသို့ဟားမတ်စ်တိုက်ခိုက်ရေးသမားများ စနေနေ့က ထိုးစစ်ဆင် ဝင်ရောက်ခဲ့ပြီးနောက်ပိုင်းအပြန်အလှန်တိုက်ခိုက်မှုကြောင့် အစ္စရေးနှင့် ဂါဇာတွင် သေဆုံးသူ ၁၀၀၀ ကျော်သွားပြီဟု သိရှိ၇သည်။

 

ဒဏ်ရာပြင်းထန်စွာရရှိသူ အမြောက်အများ ရှိသည့်အတွက် သေဆုံးသူအရေအတွက် ပိုမိုတိုးပွါးလာနိုင်သည်ဟုအစ္စရေးတပ်ဖွဲ့က ပြောကြားသည်။

 

ကယ်ဆယ်ရေးအဖွဲ့ဝင်များ၏ပြောကြားချက်အရ ဂီတပွဲတော်ကျင်းပရာ နေရာတွင် သေဆုံးနေသောအလောင်း ၂၆၀ တွေ့ရှိခဲ့၇ပြီး ၄င်းတို့မှာ ဟားမတ်စစ်သွေးကြွများ၏တိုက်ခိုက်မှုခံ၇သူများဖြစ်သည်ဟု ဆိုသည်။

 

ဂါဇာတွင်အစ္စရေး၏ လေကြောင်းမှ ဗုံးကြဲတိုက်ခိုက်မှုကြောင့် ပါလက်စတိုင်း ၁၂၃၀၀၀ နေအိမ်များကို စွန့်ခွါထွက်ပြေးခဲ့ရပြီး ၇၄၀၀၀ မှာ စာသက်ကျောင်းများတွင် ပုန်းအောင်းခိုလှုံနေ၇သည်ဟု ကုလသမဂ္ဂကပြောကြားသည်။

 

ရေနံထုတ်လုပ်ရာအရှေ့အလယ်ပိုင်းဒေသတွင် ရေရှည်စစ်ပွဲတစ်ခု ဖြစ်ပေါ်လာနိုင်သည့်အတွက်တနင်္လာနေ့က ကမ္ဘာ့ဈေးကွက်တွင် ရေနံတစ်စည်လျှင် ၄ ဒဿမ၉၄ဒေါ်လာ ရုတ်တရက် ထိုးတက်သွားခဲ့သည်။

 

အမေရိကန်သမ္မတဂျိုးဘိုင်ဒင်က အစ္စရေးဘက်မှ ကျောက်ဆိုင်ကျောက်သားကဲ့သို့ အခိုင်အမာရပ်တည်ပေးမည်ဟုပြောကြားလိုက်ပြီးနောက် အမေရိကန် လေယာဉ်တင်သင်္ဘော USS Gerald R. Ford သည်အစ္စရေးနိုင်ငံအနီးသို့ ချဉ်းကပ်ရောက်ရှိလာသည်။

 

တနင်္ဂနွေညပိုင်းအထိ ဂါဇာဘက်ခြမ်းမှ အစ္စရေးတောင်ပိုင်းသို့ ဒုံးကျည်ပစ်ခတ်မှုများရှိနေပြီး ဂါဇာကမ်းမြောင်နှင့် ကပ်နေသော အစ္စရေးတောင်ပိုင်းနေရာ ရှစ်ခုတွင် ဟားမတ်စ်သေနတ်သမားများနှင့် အစ္စရေးတပ်များရင်ဆိုင်တိုက်ပွဲ ဆင်နွှဲနေကြဆဲဖြစ်သည်။ အစ္စရေးစစ်တပ်သည်ဂါဇာရှိ ပစ်မှတ် ၁၀၀၀ ကျော်ကို လေကြောင်းမှ ပစ်ခတ်တိုက်ခိုက်ခဲ့သည်ဟုဆိုသည်။

 

ယခုတိုက်ခိုက်မှုများနှင့်ပတ်သက်၍ အမေရိကန်သမ္မတ ဂျိုးဘိုင်ဒင်က အစ္စရေးဘက်မှအခိုင်အမာ ရပ်တည်ပေးမည်ဟု ပြောကြားခဲ့သလို ဗြိတိန်ဝန်ကြီးချုပ်ရီရှီဆူနက်ကလည်း နေတန်ယဟုဘက်က အလုံးစုံထောက်ခံအားပေးနေမည်ဟုပြောကြားခဲ့သည်။

 

ဟားမတ်စ်အဖွဲ့ကိုနောက်ကွယ်မှ ထောက်ခံအားပေးနေသော အီရန်သမ္မတ အီဗရာဟင် ရိုင်စီကပါလက်စတိုင်းတို့၏ မိမိကိုယ်မိမိခုခံကာကွယ်ခွင့်အတွက် ထောက်ခံအားပေးနေမည်ဟုပြောကြားခဲ့သလို ထိုဒေသအတွင်း နှစ်များစွာ ဘေးအန္တရာယ်ဆိုးဖန်တီးထားသည့် အစ္စရေးတို့တွင် တာဝန်ရှိသည်ဟု ပြောကြားခဲ့သည်။

 

တရုတ်နိုင်ငံကနှစ်ဖက်စလုံး နောက်ဆုတ်ကြရန် နှင့် ချက်ချင်း အပစ်အခတ်ရပ်ကြရန်တောင်းဆိုကြောင်း နိုင်ငံပိုင်မီဒီယာတွင် ဖော်ပြခဲ့သည်။

 

NN-27

ref:BBCWorld