(ဂါဇာကို ထိုးစစ်ဆင်ရန် ပြင်ဆင်နေသော အစ္စရေးအား အီရန်က လက်ဦးမှုယူ တိုက်ခိုက်မည်ဟုသတိပေး)

အမေရိကန်သမ္မတဂျိုးဘိုင်ဒင်သည် ဂါဇာအား ထိုးစစ်ဆင်ရန် ပြင်ဆင်နေသည့် အစ္စရေးသို့သွားရောက်ပြီး အစ္စရေးခေါင်းဆောင်များနှင့် တွေ့ဆုံမည်ဟု သိ၇သည်။

သမ္မတဂျိုးဘိုင်ဒင်သည် ဗုဒ္ဓဟူးနေ့တွင် အစ္စရေးသို့ ရောက်ရှိမည်ဖြစ်ပြီး ဂါဇာစစ်ပွဲ ပိုမိုကျယ်ပြန့် မသွားရန်ဆွေးနွေးညှိနှိုင်းကြဖွယ်ရှိသည်ဟု ဆိုသည်။

ဘိုင်ဒင်သည်ဂျော်ဒန်နိုင်ငံသို့ သွားရောက်ပြီး ဂျော်ဒန်ဘုရင် အဗ္ဗဒူလာ(၂) နှင့်လည်း တွေ့ဆုံမည်ဖြစ်ကာ ပါလက်စတိုင်းသမ္မတ မာမွတ် အက်ဘတ်စ်နှင့်လည်း တွေ့ဆုံမည်ဟု သိ၇သည်။

ထိုအတောအတွင်းဟားမတ်စ်တို့အား အဓိကအားပေးထောက်ခံနေသော အီရန်နိုင်ငံက အစ္စရေးတို့အားကြိုတင်လက်ဦးမှုယူ တိုက်ခိုက်သွားမည်ဟု သတိပေးလိုက်သည်။

အစ္စရေးတို့အနေဖြင့် ဂါဇာကို လွယ်လွယ်နှင့်ရလိမ့်မည်မဟုတ်ဘဲ အီရန်၏ လက်တုန့်ပြန်မှုနှင့်ရင်ဆိုင်၇မည်ဟု ဆိုသည်။

ယမန်နေ့ညကအစ္စရေးတို့၏ ဗုံးကြဲတိုက်ခိုက်မှုကြောင့် ဂါဇာတောင်ပိုင်း ရာဖာ နှင့် ခန် ယူနစ်တွင် လူပေါင်း ၁၀၀ကျော် သေဆုံးသွားသည်ဟုဒေသတာဝန်ရှိသူများက ဆိုသည်။

အဆိုပါဒေသမှာဂါဇာမြောက်ပိုင်းမှ လူအမြောက်အများ လာရောက်ခိုလှုံနေသောနေရာဖြစ်သည်။

အစ္စရေးစစ်တပ်မှပြောရေးဆိုခွင့်ရှိသူ ဂျိုနသန် ကွန်ရီကပ်စ်၏အဆိုအ၇ ဂါဇာမြောက်ပိုင်းမှလူပေါင်း ၆၀၀၀၀၀ ကျော်တို့သည် မိမိတို့နေရပ်မှ ထွက်ခွါသွားကြပြီဟုသိ၇ပြီး ဂါဇာမြောက်ဘက်တွင် လူအချို့သာ ထွက်မပြေးဘဲ ကျန်နေသည်ဟုဆိုသည်။

ဂါဇာဒေသအားအစ္စရေးတို့ ဝိုင်းပတ်ပိတ်ဆို့ထားစဉ် ဒေသတစ်ခုလုံး၏အခြေအနေမှာ ဘေးဒုက္ခဆိုးကြီးကျရောက်လု အနေအထားရောက်နေပြီဟု ဆိုသည်။ ဂါဇာမြောက်ပိုင်းမှ ပါလက်စတိုင်းများကို တောင်ပိုင်းသို့ရွှေ့ပြောင်းရန် အမိန့်ပေးထားသည့်အတွက်တောင်ပိုင်းဒေသ ခန် ယူနစ်မြို့သို့ ပါလက်စတိုင်း ဒုက္ခသည်ထောင်ပေါင်းများစွာရောက်ရှိလာခဲ့သည်။

လူအချို့မှာလမ်းမများပေါ် အိပ်စက်နေရသလို သောက်သုံးရေလည်း ပြတ်လုနီးဖြစ်ကာ ပေါင်မုန့်တန်းစီနေသူအများအပြားကို မြင်တွေ့၇သည်။

 

NN-27

ref:BBCWorld