ဂါဇာတွင်လောင်စာဆီပြတ်လပ်သွားသဖြင့် အရေးပေါ်ကုသရေးကိစ္စမှတစ်ပါး ဆေးရုံများပိတ်လိုက်ရပြီဟု သိ၇သည်။

ဂါဇာအားအကြီးမားဆုံး အကူအညီပေးနေသည့် ကုလသမဂ္ဂ အေဂျင်စီက ယနေ့ နောက်ထပ်လောင်စာထောက်ပံ့မှုထပ်မံမရလျှင် လုပ်ငန်းများရပ်ဆိုင်းတော့မည်ဟု ဆိုသည်။

အစ္စရေးတို့သည်ဂါဇာသို့ လောင်စာဆီထောက်ပံ့နေမှုများကို ရပ်ဆိုင်းထားခဲ့သည်။အစ္စရေးက ဟားမတ်စ်တို့ လက်ထဲတွင် သိုလှောင်ထားသည့် လောင်စာဆီလီတာအမြောက်အများရှိသည်ဟု ဆိုသည်။

နောက်ထပ်စားနပ်ရိက္ခာ၊ ရေ နှင့် ဆေးဝါးတို့ တင်ဆောင်လာသည့် ကုန်တင်ယာဉ် ရှစ်စီးသည် အီဂျစ်နယ်ခြားကို ဖြတ်ကျော်၍ ဂါဇာနယ်မြေထဲသို့ယမန်နေ့က ရောက်ရှိလာခဲ့သည်။

သို့သော်အဆိုပါအကူအညီပမာဏမှာ သမုဒ္ဒရာပေါ်ကျသော ရေတစ်ပေါက်ပမာသာရှိပြီး နောက်ထပ်ကုန်တင်ကား ၁၀၀ ဝင်ရောက်မှသာ လုံလောက်မှုရှိမည်ဟုကုလသမဂ္ဂက ဆိုသည်။

အစ္စရေးတို့ဆက်လက်ဗုံးကြဲနေသဖြင့် ယမန်နေ့ည သေဆုံးသူ ၈၀ ကျော် ရှိသည်ဟု ဟားမတ်စ်ကျန်းမာရေးဌာနကပြောကြားသည်။

အောက်တိုဘာလ(ရ)ရက်မှ စတင်ကာ ဂါဇာဘက်ခြမ်းတွင် အစ္စရေးတို့၏ ဗုံးကြဲတိုက်ခိုက်မှုကြောင့်လူပေါင်း ၅၀၀၀ နီးပါး သေဆုံးခဲ့၇ပြီဟု ဆိုသည်။

ဂါဇာတွင်ယခုအခါ လူပေါင်း တစ်သန်းကျော် အိုးအိမ်စွန့်ခွါ ထွက်ပြေးနေရသည်ဟု သိ၇သည်။

ဂါဇာတောင်ပိုင်းခန်းယူနစ်ရှိ နက်ဆာ ဆေးရုံတွင် လောင်စာဆီ မရတော့သဖြင့် အသက်ကယ်ခွဲစိတ်ကုသမှုများ ပြုလုပ်နိုင်ခြင်း မရှိတော့သလို သွေး နှင့် အသက်ကယ် ခွဲစိတ်ကိရိယာများ ပြတ်လပ်နေပြီဟု သိ၇သည်။

လူအများအပြားဆေးရုံဝင်းအတွင်း နှင့် လမ်းမများပေါ်တွင် အိပ်စက်နေ၇သည်ဟု ဆိုသည်။

ပါလက်စတိုင်းဒုက္ခသည်များအားအကူညီပေးနေသည့် ကုလသမဂ္ဂအေဂျင်စီ UNRWA ၏ အဆိုအရ ဂါဇာတောင်ပိုင်းရှိ ဒုက္ခသည်စခန်းများတွင်လက်ခံနိုင်သည့် အရေအတွက်ထက် လေးဆကျော် ပိုများနေသည်ဟု သိ၇သည်။ လူပေါင်း ၆၀၀၀၀၀ တို့သည် ကုလအေဂျင်စီက နေရာချပေးထားသောစာသင်ကျောင်း၊ ဆေးရုံ ၁၅၀ ခန့်တွင်စုံပြုံတိုးဝှေ့နေထိုင်နေကြ၇သည်ဟု ဆိုသည်။

 NN-27

ref:BBCWorld