နီပေါနိုင်ငံအနောက်ပိုင်း ဝေးလံခေါင်ဖျားသောအရပ်တွင် သောကြာနေ့ ဒေသစံတော်ချိန်၁၁နာရီက အင်အား ၅.၆ မဂ္ဂနီကျုရှိသည့် ငလျင်လှုပ်ခတ်ခဲ့ရာ လူပေါင်း ၁၀၀ကျော် သေဆုံးခဲ့သည်ဟုသိ၇သည်။

နီပေါနိုင်ငံမြို့တော်ခတ္တမန္ဒူ မှ အနောက်ဘက် မိုင်ပေါင်း ၃၀၀ ကျော်ဝေးကွာသည့်ဂျာဂျားကော့နှင့် ရာခွန်းခရိုင်တွင် ငလျင်လှုပ်ခဲ့ပြီးနောက်လုံခြုံရေးအဖွဲ့များနှင့် ကယ်ဆယ်ရေးအဖွဲ့များ ရောက်ရှိကာကယ်ဆယ်ရေးလုပ်ငန်းများ ဆောင်ရွက်လျှက်ရှိကြသည်။

ငလျင်လှုပ်ခတ်မှုကိုမြို့တော် ခတ္တမန္ဒူ နှင့် အိမ်နီးချင်းနိုင်ငံ နယူးဒေလီမြို့အထိခံစားသိရှိ၇သည်ဟု ဆိုသည်။

နီပေါစစ်တပ်ပြောရေးဆိုခွင့်ရှိသူ၏ပြောကြားချက်အ၇ လူပေါင်း ၁၀၀ ကျော်သေဆုံးသည်ဟုသိရှိရပြီး ဂျာဂျားကော့ဆေးရုံတွင် ဒဏ်ရာ၇လူနာများဖြင့် ပြည့်နေသည်ဟုဆိုသည်။

တစ်နာရီအတွင်းနောက်ဆက်တွဲ ငလျင် သုံးကြိမ်လှုပ်ခဲ့ပြီးနောက် ထိုဒေသရှိလူများနောက်ထပ်ငလျင်လှုပ်လာမည်ကို စိုးရိမ်ထိတ်လန့်ပြီး တစ်ညလုံး အမိုးအကာမဲ့ဟင်းလင်းပြင်တွင် နေခဲ့၇သည်ဟု ဆိုသည်။

ဒေသခံသတင်းမီဒီယာများ၏ဗီဒီယိုများတွင် ပြိုကျနေသောအဆောက်အဦးအများအပြားနှင့်တကွလူအချို့ အဆောက်အဦးပျက်များအကြား အသက်ရှင်ကျန်နေသူများရှာဖွေနေကြပုံကို မြင်တွေ့ကြ၇သည်။

နီပေါဝန်ကြီးချုပ်ပွတ်ရှ်ပ ကမဲလ်ဒါဟဲ က သေဆုံးသူများအတွက် အလွန်ဝမ်းနည်းကြောင်းပြောဆိုခဲ့ပြီး အရေးပေါ်ကယ်ဆယ်ရေးအလျင်အမြန်လုပ်ဆောင်ရန်လုံခြုံရေးအဖွဲ့များအား ညွှန်ကြားခဲ့သည်။

သို့သော်ရှာဖွေရေး နှင့် ကယ်ဆယ်ရေးလုပ်ငန်းများ မြေပြိုမှုကြောင့် လမ်းများပိတ်နေသဖြင့်ထိထိရောက်ရောက် မလုပ်ဆောင်နိုင်သေးဟု ဆိုသည်။ ဂျာဂျားကော့ခရိုင်ရဲမှူးကြီး ဆူရက်ရှ် ဆူနာက ငလျင်လှုပ်ပြီးနောက် အခြေအနေအရပ်ရပ်ကိုချက်ချင်း မသိရှိနိုင်သေးဟု အေအက်ဖ်ပီသတင်းဌာနသို့ ပြောကြားခဲ့သည်။

ငလျင်သည်သောကြာနေ့ ဒေသစံတော်ချိန် ၁၁ နာရီက လှုပ်ခဲ့ခြင်းဖြစ်ပြီး အမေရိကန်ဘူမိဗေဒလေ့လာရေးဌာန၏ ထုတ်ပြန်ချက်အ၇ အင်အား ၅.၆ မဂ္ဂနီကျုရှိသည်ဟု သိ၇သည်။

NN-27

 ref:BBCWorld