လာမည့် ဇန်နဝါရီ ရ ရက်နေ့တွင် ဘင်္ဂလားဒေ့ရှ်နိုင်ငံ အထွေထွေရွေးကောက်ပွဲကိုကျင်းပမည်ဖြစ်ရာ ယင်းမတိုင်မီ အတိုက်အခံ ဘင်္ဂလားဒေ့ရှ် အမျိုးသားပါတီ BNP ( Bangladesh Nationalist Party) မှ ပါတီဝင်၂၁၈၃၅ ဦး ဖမ်းဆီးထိန်းသိမ်းခံထားရကြောင်း  ၎င်းပါတီကိုလိုလားသည့် ရှေ့နေအဖွဲ့ (BJAF) က ပြောဆိုလိုက်သည်။

အောက်တိုဘာလ၂၈ ရက်နေ့မှစပြီး ၎င်းသူများမှာဖမ်းဆီးခံထားရခြင်းဖြစ်ပြီး ဒီမိုကရေစီ မြင့်တင်ရန်နှင့် ပြည်သူများ၏မဲပေးပိုင်ခွင့်ကို ပျက်ပြားရန်ရည်ရွယ်၍လက်ရှိ အဝါမီလိဂ်ပါတီ အစိုး၇က ဖမ်းဆီးထိန်းသိမ်းခြင်းဟု စွပ်စွဲပြောဆိုသည်။

ပြီးခဲ့သော၁၄ ပတ်အတွင်းBNP ခေါင်းဆောင်များနှင့်တက်ကြွလှုပ်ရှားသူ စုစုပေါင်း ၁၂၄၉  ဦးအား အမှုပေါင်း ၇၉ မှုဖြင့် ထောင်ဒဏ်များ အသီးသီး ချမှတ်ခြင်းထားကြောင်း BJAF အတွင်းရေးမှူးချုပ်Kayser Kamal က သတင်းစာရှင်းလင်းပွဲတွင် ပြောကြားသည်

၎င်းသတင်းစာရှင်းလင်းပွဲသည် လက်ရှိ အဝါမီလိဂ်ပါတီ ခေါင်းဆောင်နှင့် စိုက်ပျိုးရေးဝန်ကြီး AbdurRazzaque ပြောကြားချက်အပေါ် ဆန့်ကျင်ကန့်ကွက်သည့်အနေဖြင့် ကျင်းပခဲ့ခြင်းဖြစ်သည်။

ပုဂ္ဂလိကရုပ်သံလိုင်းတစ်ခုနှင့် အင်တာဗျူးတွင် စိုက်ပျိုးရေးဝန်ကြီး Razzaqueကဇန်နဝါရီ ရ ရက် အမျိုးသား ရွေးကောက်ပွဲတွင် ပါဝင်ခဲ့မည်ဆိုပါက ထောင်ကျနေသော BNPခေါင်းဆောင်များကိုလွှတ်ပေးရန် ကမ်းလှမ်းထားကြောင်း ပြောကြားခဲ့သည်။

သို့သော်လည်းBNP ကအဆိုပြုချက်ကို လက်မခံကြောင်း အတိုက်အခံBNP ပါတီကိုလိုလားသည့်  ရှေ့နေအဖွဲ့   အတွင်းရေးမှူးချုပ် KayserKamal ကဆက်လက်ပြောဆိုသည်။

ဘင်္ဂလားဒေ့နိုင်ငံ၏ အထွေထွေရွေးကောက်လာမည့်နှစ် ဇန်နဝါရီရ ရက်နေ့တွင် ကျင်းပသွားမည်ဖြစ်ပြီး ခါလစ်ဒါဇီယာ ဦးဆောင်သည့် အတိုက်အခံ BNP ပါတီက လာမည့်ရွေးကောက်ပွဲကိုလက်ရှိ ရှိတ်ဟာဆီးနာ ဦးဆောင်သည့် အဝါမီလိဂ် အစိုးရအောက်တွင် မကျင်းပဘဲ ကြားဖြတ်အစိုးရအောက်တွင်ပြုလုပ်ရန်တောင်းဆိုနေရာမှ အငြင်းပွားမှု ပေါ်ပေါက်နေပြီး နိုင်ငံအနှံ့ သပိတ်မှောက်မှုများနှင့်အဓိဂရုဏ်များ ဖြစ်ပေါ်နေကြောင်း သိရှိ၇သည်။

NN-30

Ref: The Daily Star