ကြာသပတေး၊ ဇူလိုင်လ ၁၈ရက်၊ ၂၀၂၄

အစ္စရေးတို့​၏ ဒုံးကျည်လက်ချက်ဖြင့် အီရန် ထိပ်တန်း စစ်ဗိုလ်ချုပ်တစ်ဦးကျဆုံး


  • ရေးသူ: Web Master (NN 27)
  • | ရက်စွဲ: ၂၆ ဒီဇင်ဘာ ၂၀၂၃
  • | ကြည့်ရှုသူ: 1k

ဆီးရီးယားနိုင်ငံတွင် အစ္စရေးတို့​၏ ဒုံးကျည်ဖြင့်ပစ်ခတ်ိုက်ခိုက်မှုကြောင့် အီရန်ထိပ်တန်း စစ်ဗိုလ်ချုပ်တစ်ဦး တနင်္လာနေ့က ကျဆုံးသွားကြောင်း အီရန်တော်လှန်ရေးအစောင့်တပ်က ပြောကြားလိုက်သည်။

၎င်းတိုက်ခိုက်မှုအတွက် အစ္စရေးတို့ တန်ဖိုးကြီးကြီးပြန်လည်ပေးဆပ်ရလိမ့်မည်ဟု ပြောဆိုလိုက်သည်။

အီရန် နိုငံပိုင်သတင်းဌာနကလည်း ထိပ်တန်းစစ်ဗိုလ်ချုပ် ရာဇီ မော့ဆာဗီ သေဆုံးကြောင်း ထုတ်ပြန်ကြေညာခဲ့ပြီး သူသည် အီရန် ကွဒ်တပ်ဖွဲ့တွင် ဝါရင့်စစ်အကြံပေးတစ်ဦးဖြစ်သည်ဟု ကြေညာခဲ့သည်။

အီရန် ကွဒ်တပ်ဖွဲ့( Quds Force)သည် အစ္စလာမ်တော်လှန်ရေးအစောင့်တပ်ဖွဲ့​၏ ပြည်ပအင်အားစုဖြစ်သည်။

ယခုကိစ္စနှင့်ပတ်သက်၍ အစ္စရေးတို့ဘက်မှ တစ်စုံတစ်ရာ တုန့်ပြန်ပြောဆိုခြင်းမရှိသော်လည်း အဓိကရန်သူ အီရန်အား ဆီးရီးယားတွင် အင်အားချဲ့ထွင်ခြင်း မပြုရန် ယခင်က အကြိမ်ကြိမ်သတိပေးထားခဲ့ပြီးဖြစ်သည်ဟု သိရှိရသည်။

အီရန်သမ္မတ အီဗရာဟင် ရိုင်စီက ဗိုလ်ချုပ်မော့ဆာဗီ သေဆုံးခြင်းအတွင်း ဝမ်းနည်းကြောင်း ထုတ်ဖော် ပြောကြားခဲ့ပြီး အစ္စရေးကို အကောင်းဆုံးလက်တုန့်ပြန်သွားမည်ဟု ပြောဆိုခဲ့သည်။

ဇီယွန်စစ်အုပ်စု​၏တိုက်ခိုက်မှုကြောင့် ဗိုလ်ချုပ် မော့ဆာဗီသည် ဒမတ်စကတ်အနီးရှိ ဇိုင်နာဘီယာ့ ခရိုင်တွင် သေဆုံးခဲ့ရကြောင်း၊ သူသည် ဆီးရီးယားတော်လှန်ရေးတပ်ဖွဲ့များအတွက် ထောက်ပို့ကူညီမှုများကို တက်ကြွစွာ လုပ်ဆောင်နေသူတစ်ဦးဖြစ်ကြောင်း အီရန်နိုင်ငံပိုင် IRNA သတင်းဌာန​၏ ကြေညာချက်တွင် ဖော်ပြထားသည်။

အီရန်တော်လှန်ရေးအစောင့်တပ်​၏ ထုတ်ပြန်ချက်တွင် ဗိုလ်ချုပ် မော်ဆာဗီသည် အစ္စရေးတို့​၏ ဒုံးပျံပစ်ခတ် တိုက်ခိုက်မှုအတွင်း ကျဆုံးခဲ့ရသည်ဟု ဖော်ပြထားသည်။

ဗိုလ်ချုပ် မော်ဆာဗီသည် ၂၀၂၀ ပြည့်နှစ်က အီရတ်နိုင်ငံတွင် အမေရိကန်တို့​၏ ဒရုန်းလက်ချက်ဖြင့် သေဆုံးခဲ့ရသော အီရန် ကွဒ် စစ်ဦးစီးချုပ် ဗိုလ်ချုပ် ကက်ဆန် ဆိုလေမန်နီ ​၏ အနီးကပ် ဗိုလ်ချုပ်တစ်ဦး ဖြစ်သည်ဟုလည်း ကြေညာချက်တွင် ဖော်ပြထားသည်။

ဗိုလ်ချုပ် မော်ဆာဗီအား ပစ်မှတ်ထားပြီး အစ္စရေးက ဒုံးကျည်သုံးစင်းဖြင့် ပစ်ခတ်ခဲ့ကြောင်း နှင့် ပစ်ခတ်ခဲ့သည့် နေရာမှ ထွက်ပေါ်လာသည့် မီးခိုးလုံးများကို အီရန်ရုပ်သံက ဖော်ပြခဲ့သည်။

ဆီးရီးယားနိုင်ငံတွင် ပြည်တွင်းစစ် စတင်ဖြစ်ပွားခဲ့သည့် ၂၀၁၁ခုနှစ်မှ စ၍ နိုင်ငံမြောက်ပိုင်းနှင့် နယ်မြေချင်း ထိစပ်နေသည့် ဆီးရီယားရှိ အီရန်ထောက်ခံအားပေးနေသော တပ်ဖွဲ့များနှင့် ဟစ်ဇ်ဘိုလာ တပ်များကို အစ္စရေးက လေကြောင်းမှ အကြိမ်ရေ ရာချီ၍ ပစ်ခတ်တိုက်ခိုက်နေခဲ့သည်။

 NN-27

Ref: the daily star.

ဆက်စပ် သတင်းများ