ဂါဇာရှိပါလက်စတိုင်းပြည်သူများနှင့်အတူ သွေးစည်းညီညွတ်မှု ရှိကြောင်း ပြသသည့်အနေဖြင့် ပါကစ္စတန်ပြည်သူများ နှစ်သစ်ကူးကြိုဆိုပွဲ အခမ်းအနားများကို ကျင်းပခြင်းမပြုလုပ်ကြရန် ပါကစ္စတန်အစိုး၇က ကြာသပတေးနေ့တွင် ထုတ်ပြန်ကြေညာလိုက်သည်။

ပါကစ္စတန်ဝန်ကြီးချုပ်အန်ဝါအူဟတ် ကာကာ၏ ရုပ်သံမှတစ်ဆင့် ထုတ်လွှင့်သော မိန့်ခွန်းတွင်ဂါဇာတွင် ဖြစ်ပေါ်နေသော အခြေအနေများကြောင့် နှစ်သစ်ကူးပွဲတော်နှင့်သက်ဆိုင်သည့်မည်သည့်အခမ်းအနားကိုမဆို ပိတ်ပင်တားမြစ်လိုက်သည်ဟုဖော်ပြထားသည်။

အောက်တိုဘာလရ ရက် ဟားမတ်စ်တို့၏ တိုက်ခိုက်မှုကို လက်တုန့်ပြန်သည့် ဂါဇာထိုးစစ် စတင်ချိန်မှစ၍အစ္စရေးတို့၏ လေကြောင်း ဗုံးကြဲတိုက်ခိုက်မှု နှင့်မြေပြင်ထိုးစစ်ကြောင့် ပါလက်စတိုင်းပြည်သူ ၂၁၃၂၀ သေဆုံးခဲ့ရပြီး အများစုမှာ ကလေးသူငယ်နှင့် အမျိုးသမီးများဖြစ်သည်ဟု သိ၇သည်။

“ ဂါဇာ နဲ့အနောက်ဘက်ကမ်းက ဖိနှိပ်ခံ ပါလက်စတိုင်းပြည်သူတွေ အထူးသဖြင့် အမျိုးသမီးနဲ့ကလေးသူငယ်တွေအပေါ် လူမျိုးတုန်း သတ်ဖြတ်မှုတွေကြောင့် ပါကစ္စတန်တစ်နိုင်ငံလုံးနဲ့ဘာသာရေးခေါင်းဆောင်များက အင်မတန် စိတ်ထိခိုက်နေကြပါတယ်”ဟုဝန်ကြီးချုပ် အန်ဝါ အူဟတ် ကာကာ ကပြောကြားခဲ့သည်။

ပါကစ္စတန်နိုင်ငံသည်နှစ်စဉ် နှစ်သစ်ကူးကြိုဆိုပွဲအခမ်းအနားများကို ကြီးကျယ်ခမ်းနားစွာကျင်းပလေ့ရှိပြီး မီးရှူးမီးပန်းများ ပစ်ဖောက်ခြင်း၊ သေနတ်များမိုးပေါ်ထောင်ပစ်ခြင်း၊ ဇန်နဝါရီလ ၁ ရက်နေ့ကို ရုံးပိတ်ရက်အဖြစ် သတ်မှတ်ပေးခြင်းများ ပြုလုပ်လေ့ရှိသည်။

NN-27

ref: Bangkok Post