ဂျပန် နှစ်သစ်ကူးငလျင်ကြောင့် သေဆုံး၇သူပေါင်း ၁၀၀ ကျော်သွားပြီဖြစ်ကာ လူပေါင်း ၂၁၁ဦး ပျောက်ဆုံးနေ
ပြင်းအား၇ ဒသမ ၆မဂ္ဂနီကျုရှိ ငလျင်သည် ဂျပန်ပင်လယ်ကမ်းခြေ အီရှီကာဝါမြို့ကိုဗဟိုပြု လှုပ်ခတ်ခဲ့ပြီးအခြေခံအဆောက်အဦးများ ပြိုကျပျက်စီးကာ မီးလောင်မှုများဖြစ်ပေါ်ခဲ့သည်။
အပျက်အစီးများကြောင့်လမ်းများပြတ်တောက်နေသည့်အတွက် ကယ်ဆယ်ရေးလုပ်ငန်းများက ထိထိရောက်ရောက်မလုပ်ကိုင်နိုင်သလို အပျက်အစီးပမာဏ မည်မျှရှိမည်ကို မခန့်မှန်းနိုင်သေးဟုဆိုသည်။
ငလျင်ဒဏ်ကိုအပြင်းထန်ဆုံး ခံစားခဲ့ရသည့် ဝါဂျီးမားမြို့တွင် အဆောက်အဦး အပျက်အစီးများအောက်ပိတ်မိနေပြီး ကယ်ဆယ်ရေး စောင့်ဆိုင်းနေရသည့် နေရာပေါင်း ၁၀၀ကျော်ရှိသည်ဟု တာဝန်ရှိသူများက ဆိုသည်။
စနေနေ့မနက်ခင်းအထိ လူပေါင်း ၂၁၁ ဦးပျောက်ဆုံးနေဆဲဖြစ်ပြီး ကယ်ဆယ်ရေးအဖွဲ့များကဆီးနှင်းများကျပြီး မိုးရွာသွန်းနေသည့်ကြားက အသက်ရှင်ကျန်နေသူများကယ်ထုတ်နိုင်ရေး ကြိုးပမ်းနေကြသည်။
အီရှီကာဝါတွင်ဒုက္ခသည်စခန်း ၃၅၇ ခု၌ ခိုလှုံနေကြသည့် ငလျင်ဘေးဒုက္ခသည် ၃၁၀၀၀အတွက် ကယ်ဆယ်ရေး အထောက်အကူပစ္စည်းများ ပေးပို့ရန်ကြိုးပမ်းမှုမှာလည်း လမ်းများပျက်စီးနေသဖြင့် အခက်အခဲကြုံနေ၇သည်ဟု ဆိုသည်။
ဒုက္ခသည်စခန်းအချို့တွင်သောက်သုံးရေမလုံလောက်သဖြင့် သန့်စင်ခန်းအိမ်သာများ ညစ်ညမ်းနေသည့် အတွက်ကျန်းမာရေးထိခိုက်နိုင်သည်ဟု ဆိုသည်။ နိုတိုကျွန်းဆွယ်တွင်ပြင်းအား ၅ ဒသမ ၃မဂ္ဂနီကျု ရှိ နောက်ဆက်တွဲ ငလျင်တစ်ခု စနေနေ့မနက်ကဆက်လက်လှုပ်ခတ်ခဲ့သည်ဟု သိ၇သည်။ ref:Bangkok Post /CAN
လှူရန်