လူမျိုးတုန်းသတ်ဖြတ်မှုဖြင့်တောင်အာဖရိကနိုင်ငံက နိုင်ငံတကာတရားရုံး( ICJ) တွင်အစ္စရေးနိုင်ငံအား တရားစွဲဆိုထားရာ အစ္စရေးသည် လာမည့်ဇန်နဝါရီ ၁၁ ရက် (ကြာသပတေးနေ့)တွင် နယ်သာလန်နိုင် သည်ဟေ့ဂ်မြို့တရားရုံးတွင် အမှုရင်ဆိုင်ရမည်ဟု သိရှိ၇သည်။

တောင်အာဖရိကနိုင်ငံကတရားလိုပြုလုပ်၍ ဂါဇာဒေသတွင် ပါလက်စတိုင်းပြည်သူများအားလူမျိုးတုန်းသတ်ဖြတ်ခဲ့သည် အစ္စရေးနိုင်ငံအား နိုင်ငံတကာတရားရုံး ( International Courtif Justice) သို့တိုင်ကြားခဲ့ရာ အိုင်စီဂျေက အမှုကို လက်ခံပြီး စတင်ကြားနာခြင်းဖြစ်သည်။

တောင်အာဖရိက၏စွပ်စွဲချက်နှင့်ပတ်သက်ပြီး အစ္စရေးက ဒေါသတကြီးငြင်းဆိုထားပြီးအစ္စရေးနိုင်ငံကို တမင်သက်သက် အသရေဖျက်ခြင်းသာ ဖြစ်သည်ဟုပြောဆိုသည်။

စာမျက်နှာ၈၄ မျက်နှာပါဝင်သော အိုင်စီဂျေသို့ တင်သွင်းသည့် တောင်အာဖရိက၏ စွဲဆိုချက်တွင် အစ္စရေး၏ ဂါဇာစစ်ဆင်ရေးအား ချက်ချင်းရပ်ဆိုင်းပေးရန် တိုက်တွန်းထားသည်။

တောင်အာဖရိက၏စွဲဆိုချက်တွင် “ အစ္စရေးသည် ဂါဇာရှိ ပါလက်စတိုင်း ပြည်သူများအား လူမျိုးတုန်းသတ်ဖြတ်မှု ကျူးလွန်ခဲ့၊ ကျူးလွန်ဆဲနှင့် ဆက်လက်ကျူးလွန်ရန်အန္တရာယ်ရှိနေသည်”ဟုဖော်ပြထားသည်။

တောင်အာဖရိက၏စွဲချက်ကို အစ္စရေးက ဒေါသတကြီးတုန့်ပြန်ခဲ့ပြီး အစ္စရေးအစိုးရ ပြောရေး ဆိုခွင့်ရှိသူအိုင်လွန် လီဗိုင်းက သွေးဖြင့် အသရေဖျက်မှုသာဖြစ်ပြီးအမှုကို ပြတ်ပြတ်သားသား ခုခံရင်ဆိုင်သွားမည်ဟု ဆိုသည်။

အစ္စရေးနှင့် တောင်အာဖရိကနိုင်ငံမှ ထိပ်တန်းတာဝန်ရှိသူများသည် နယ်သာလန်နိုင်ငံသည်ဟေ့ဂ်မြို့၊ ငြိမ်းချမ်းရေးနန်းတော် အဆောက်အဦး အတွင်းရှိ နိုင်ငံတကာရာဇဝတ်တရားရုံး(အိုင်စီဂျေ) တွင် အမှုကို ရင်ဆိုင်ကြ၇မည်ဖြစ်သည်။

နိုင်ငံတကာတရားရုံး ( International Court of Justice) သည် နိုင်ငံအချင်းချင်းဖြစ်ပွါးသော အငြင်းပွါးမှုများကိုလက်ခံဖြေရှင်းပေးပြီး ဥပဒေအရ စည်းနှောင်မှုရှိသော်လည်း အာဏာသက်ရောက်မှု သိပ်မရှိပေ။

ယခုအမှုတွင်သီအိုရီအရ တောင်အာဖရိက က အနိုင်ရပြီး အစ္စရေး ကျူးကျော်မှု ချက်ချင်းရပ်ရန်ဆုံးဖြတ်ချက်ချ အမိန့်ပေးနိုင်သော်လည်း လက်တွေ့တွင် ဖြစ်လာနိုင်ဖွယ်မရှိပေ။

၂၀၂၂ခုနှစ် မတ်လက အိုင်စီဂျေသည် ရုရှားအား ယူကရိန်းကျူးကျော်မှု ချက်ချင်းရပ်ဆိုင်းရန်အမိန့်ထုတ်ပြန်ခဲ့သော်လည်း ရုရှားက ဂရုမစိုက်ဘဲ နေခဲ့သည်။

NN-27

ref:CNA