မြန်မာနယ်စပ်အနီးတွင် တနင်္ဂနွေနေ့နံနက်ပိုင်းက မူးယစ်ဆေးဝါးမှောင်ခိုသူများနှင့် ထိုင်းစစ်သားများ အပြန်အလှန်ထိတွေ့ ပစ်ခတ်မှုဖြစ်ပွားပြီးနောက်မက်သမ်ဖက်တမင်း မူးယစ်ဆေးပြား ၂ ဒသမ၅သန်းကို ထိုင်းစစ်သားများက ဖမ်းဆီး၇မိခဲ့ကြောင်းဘန်ကောက်ပို့စ်သတင်းစာက ဖော်ပြသည်။

ထိုင်းတပ်ဖွဲ့မှဒုတိယတပ်မှူး ဗိုလ်မှူးကြီး ကစ်ဒါကွန် ချန်ထရာက တစ်အိတ်လျှင်မူးယစ်ဆေးပြား ၁၀၀၀၀၀ ပါသည့် ကျောပိုးအိတ် ၂၅ လုံးကို ဖမ်းဆီး၇မိခဲ့ကြောင်း၊ တနင်္ဂနွေနေ့မနက်ပိုင်းက ထိုင်းစစ်သားများနှင့် အပြန်အလှန်ပစ်ခတ်မှုဖြစ်ပွားပြီးနောက်အဆိုပါ မက်သမ်ဖက်တမင်း ဆေးပြားအိတ်များကိုမူးယစ်ဆေးမှောင်ခိုသူများက ထားပြီးထွက်ပြေးသွားကြောင်းပြောကြားခဲ့သည်။

မနက်ငါးနာရီခွဲအချိန်ခန့်တွင် မူးယစ်ဆေးသယ်ဆောင်လာသူများက ပန်တုန် နယ်စပ်ကို ဖြတ်ကျော်ပြီး ထိုင်းနယ်မြေအတွင်း ဝင်ရောက်လာကြောင်း၊  အမှတ် ၄ မြင်းတပ်ကအကြောင်းကြားသဖြင့် သွားရောက်တားဆီးစဉ် နှစ်ဖက်ပစ်ခတ်မှု ၁၀မိနစ်ကြာဖြစ်ပွားခဲ့ပြီးနောက်မူးယစ်မှောင်ခိုသူများ ထွက်ပြေးသွားစဉ် အဆိုပါမူးယစ်ဆေးပြားအိတ်များကျန်နေသည်ကို တွေ့ရှိခဲ့၇ခြင်းဖြစ်သည်ဟု ဆိုသည်။ NN-27/ref:BK post