နေနွယ်၊ မတ်၂၃/၂၀၂၄ (နိုင်ငံတကာ)

ဆိုမာလီပင်လယ်ဓါးပြများ၏ပြန်ပေးဆွဲခံထားရသော ဘင်္ဂလားဒေ့ရှ် ကုန်တင်သင်္ဘောMV Abdullah အနီးသို့ ဥရောပသမဂ္ဂရေတပ်၏ ပြန်ပေးဆွဲမှုတိုက်ဖျက်ရေးမစ်ရှင်အရစစ်သင်္ဘောတစ်စီးကို စေလွှတ်ပြီး စောင့်ကြည့်လျှက်ရှိသည်ဟုသိ၇သည်။

ဥရောပသမဂ္ဂရေတပ်ဖွဲ့၏ဆိုရှယ်မီဒီယာ X တွင် ဖော်ပြထားချက်များအ၇ ၂၀၂၃ခုနှစ် နိုဝင်ဘာလမှစ၍ ကုန်သင်္ဘောပြန်ပေးဆွဲမှုများ မကြာခဏဖြစ်ပေါ်ခဲ့သည်ဟု သိရှိရပြီးကုန်တင်သင်္ဘောပြန်ပေးဆွဲမှု သုံးခုအနက် ဘင်္ဂလားဒေ့ရှ်ကုန်သင်္ဘော MV Abdullah မှာ ဆိုမာလီပင်လယ်ဓါးပြများ လက်အောက်တွင်ရှိနေဆဲဖြစ်သည်ဟု သိ၇သည်။

အရှေ့အာဖရိကပင်လယ်ပြင်တွင်သွားလာနေသော ကုန်တင်သင်္ဘောများကို အကာအကွယ် ပေးနေသည့်ဥရောပသမဂ္ဂရေတပ်ဖွဲ့(EUNAVFOR) က ဘင်္ဂလားဒေ့ရှ်အလံတင်ကုန်သင်္ဘောကိုစတင်ပြန်ပေးဆွဲခံ၇သည့် မတ်လ ၁၂ ရက်နေ့မှစတင်၍ အနီးကပ်စောင့်ကြည့်နေသည်ဟု ဆိုသည်။

ဥရောပရေတပ်ဖွဲ့၏X တွင်ဖော်ပြထားသောသတင်းများအ၇ ၂၀၂၃၊ နိုဝင်ဘာ၂၄ရက်မှစ၍ အေဒင်ပင်လယ်ကွေ့နှင့်ဆိုမာလီပင်လယ်ပြင်တွင် ပြန်ပေးဆွဲခံခဲ့၇သော ကုန်သင်္ဘော၂၄ စီးရှိပြီဟုသိ၇သည်။

ဘင်္ဂလားဒေ့ရှ်ကုန်သင်္ဘော MV Abdullah သည် သင်္ဘောဝန်ထမ်း ၂၃ ဦးနှင့်အတူ မိုဇမ်ဘစ်မှ ယူအေအီးသို့ အသွား အိန္ဒိယသမုဒ္ဒရာတွင် ဆိုမာလီပင်လယ်ဓါးပြများ၏ ပြန်ပေးဆွဲခြင်းခံလိုက်၇ခြင်းဖြစ်သည်။

ပင်လယ်ဓါးပြများနှင့်ဆက်သွယ်ရန်အကြိမ်ကြိမ် ကြိုစားခဲ့သော်လည်း အောင်မြင်မှုမ၇ခဲ့ဘဲပြီးခဲ့သည့် မတ်လ ၂၀ ရက်နေ့တွင် ပင်လယ်ဓါးပြများက သင်္ဘောပိုင်ရှင်ထံစတင်ဆက်သွယ်လာခဲ့သည်။

ရိုက်တာသတင်း၏ဖော်ပြချက်အရ ဆိုမာလီ Puntland ရဲတပ်ဖွဲ့နှင့် နိုင်ငံတကာရေတပ်ဖွဲ့တို့ပူးပေါင်းပြီး ကုန်သင်္ဘောနှင့် ဓါးစားခံသင်္ဘောသားများလွတ်မြောက်ရေးအတွက် စစ်ရေးအရ ဝင်ရောက် ကယ်တင်ရန် ပြင်ဆင်လျှက်ရှိသည်ဟုသိရသည်။ သို့သော် သင်္ဘောကုမ္ပဏီ KabirGroup ၏ပြောရေးဆိုခွင့်ရှိသူ မီဇာနူလ် အစ္စလာမ်က စစ်ရေးအရ ဝင်ရောက်ကယ်တင်မှုကို သင်္ဘောပိုင်ရှင်က မလိုလားကြောင်း၊ထိုသို့ စစ်ရေးအရ ဝင်ရောက်လျှင် သင်္ဘောသားများ၏ အသက်အန္တရာယ်စိုးရိမ်၇ကြောင်းပြောဆိုခဲ့သည်။ Ref:bdnews24