နိရဉ္စရာ၊ ဧပြီ ၃/၂၀၂၄(နိုင်ငံတကာ)
ဧပြီ ၂ အင်္ဂါနေ့က တူရကီနိုင်ငံ အစ္စတန်ဘူလ်ရှိ၁၆ ထပ် အဆောက်အအုံတစ်ခု မီးလောင်မှုတွင် အနည်းဆုံး လူ ၂၉ ဦး သေဆုံးခဲ့ကြောင်းတူရကီ စီးပွားရေးမြို့တော် အုပ်ချုပ်ရေးမှူးက ပြောကြားခဲ့သည်။
အစောပိုင်းတွင်သေဆုံးသူ ၁၅ ဦးနှင့် ရှစ်ဦးဒဏ်ရာရခဲ့ကြောင်း သတင်းများထွက်ပေါ်ခဲ့ပြီးနောက် သေဆုံးသူအရေအတွက်တိုးလာခြင်းဖြစ်သည်။
အစ္စတန်ဘူလ်ရှိBesiktas ခရိုင် Gayrettepe တွင်မီးလောင်မှုအတွင်း အသက်ဆုံးရှုံးခဲ့ရသူ အရေအတွက်မှာ ၂၉ ဦးအထိ တိုးလာခဲ့ကြောင်းအုပ်ချုပ်ရေးမှူး Davut Gul ၏ ရုံးကထုတ်ပြန်ချက်တွင် ဖော်ပြသည်။
“မီးလောင်မှုမှာ ထိခိုက်ဒဏ်ရာရသူတစ်ဦးကို ဆေးရုံမှာ ကုသမှု ခံယူနေ၇ဆဲပါ” ဟု ၎င်းကဆိုသည်။
မီးလောင်မှုမှာဂရင်းနစ်စံတော်ချိန် နံနက် ၀၉: ၄၇ နာရီတွင် စတင်လောင်ကျွမ်းခဲ့ပြီးနာရီပိုင်းအကြာတွင် မီးသတ်သမားများက ထိန်းချုပ်နိုင်ခဲ့ကြောင်း အဆိုပါရုံးမှပြောကြားခဲ့သည်။
ရုပ်မြင်သံကြားမှ ထုတ်လွင့်ပြသရာတွင် မီးတောက်များ၏ ပုံရိပ်များနှင့် အထက် ပြတင်းပေါက်များမှမီးခိုးများ ထူထပ်စွာ ထွက်ပေါ်လာမှုကို ပြသထားသည်။
ဒဏ်ရာရသူပိုများလာသဖြင့် သေဆုံးဒဏ်ရာရသူ ပိုများလာကြောင်း၊ နေ့လယ်တလျှောက်လုံး သေဆုံးသူနှင့်ထိခိုက်ဒဏ်ရာရသူ အရေအတွက် တိုးလာကြောင်း အုပ်ချုပ်ရေးမှူးရုံးမှ ထုတ်ပြန်သည့်ကြေညာချက်များ အရ သိ၇သည်။
နိုက်ကလပ်တစ်ခုဆောက်ထားသည့် မြေအောက်ပထမထပ်နှင့် ဒုတိယထပ်မှာ ဆောက်လုပ်ရေး လုပ်ငန်းခွင်တွင် မီးလောင်မှု ဖြစ်ပွားခဲ့သည်ဟု အုပ်ချုပ်ရေးမှူးက Gul ကသတင်းထောက်များကို ပြောဆိုသည်။
" မီးလောင်မှုနှင့်ပတ်သက်၍ စုံစမ်းစစ်ဆေးမှုကို စတင်ဖွင့်လှစ်လုပ်ဆောင်လိုက်ပါပြီ" ဟုပြည်ထဲရေးဝန်ကြီး Ali Yerlikaya က X တွင် ရေးသားခဲ့သည်။
မီးလောင်မှုနှင့်ပတ်သက်၍လူငါးဦးကို အခင်းဖြစ်ပွားရာနေရာ၌ ဖမ်းဆီးထားကြောင်း NTV သတင်းတွင်ဖော်ပြထားသည်။
Ref:29 killed in Istanbul fire/Bdnews24 and Photo: LBC
လှူရန်