အင်္ဂါ၊ မေလ ၂၈ရက်၊ ၂၀၂၄

ရာစုနှစ်လေးပုံတစ်ပုံအတွင်း အပြင်းထန်ဆုံးငလျင် ထိုင်ဝမ်တွင် လှုပ်ခတ်၊ ဂျပန် နှင့် ဖိလစ်ပိုင်တွင် အရေးပေါ် ဆူနာမီသတိပေးချက် ထုတ်ပြန်


  • ရေးသူ: Web Master
  • | ရက်စွဲ: ၀၃ ဧပြီ ၂၀၂၄
  • | ကြည့်ရှုသူ: 298

နိရဉ္စရာ၊  ဧပြီ ၃/၂၀၂၄ (နိုင်ငံတကာ)

ထိုင်ဝမ်ကျွန်း အရှေ့ပိုင်းတွင် ရာစုနှစ် လေးပုံတစ်ပုံအတွင်း အပြင်းထန်ဆုံး ငလျင်အဖြစ် ယနေ့ နံနက်စောစောပိုင်းက အင်အား ၇ ဒသမ ၅ မဂ္ဂနီကျုရှိ ငလျင်တစ်ခု လှုပ်ခတ်သွားကြောင်း သိရသည်။

“ ငလျင်က ကုန်းမြေနဲ့နီးပြီး တိမ်တယ်။ ထိုင်ဝမ်တစ်ကျွန်းလုံး ငလျင်ဒဏ် ခံစားရတယ်။ ဒီငလျင်ဟာ ၂၅ နှစ်အတွင်း ထိုင်ဝမ်မှာ လှုပ်ခဲ့သမျှ အပြင်းထန်ဆုံးပဲ” ဟု ထိုင်ပေ မြေငလျင်ဗဟိုဌာနမှ ညွှန်ကြားရေးမှူး ဝူချမ်းဖူက သတင်းထောက်များကို ပြောကြားခဲ့သည်။

ထိုင်ဝမ်တွင် ၁၉၉၉ ခုနှစ်က အင်အား ၇ ဒသမ ၆ မဂ္ဂနီကျုရှိ အင်အားပြင်းငလျင် လှုပ်ခပ်ခဲ့ဖူးပြီး လူပေါင်း ၂၄၀၀ သေဆုံးခဲ့သည်။

မြေငလျင်သည် ဒေသစံတော်ချိန် မနက် ၈ နာရီတွင် လှုပ်သွားခြင်းဖြစ်ပြီး ဂျပန် နှင့် ဖိလစ်ပိုင်နိုင်ငံတို့က အရေးပေါ် ဆူနာမီသတိပေးချက်များ ချက်ချင်း ထုတ်ပြန်ခဲ့ကြသည်။


အမြင့် ၁၀ ပေခန့်ရှိ ဆူနာမီလှိုင်းများ ထိုင်ဝမ်နှင့်အနီး ဂျပန်ကျွန်း မီယာကိုဂျီးမားသို့ ဝင်ရောက်လာနိုင်ကြောင်း ဂျပန်မိုးလေဝသဌာနက သတိပေးထားသည်။

ဖိလစ်ပိုင်နိုင်ငံ မြေငလျင်ဌာနကလည်း ပြည်နယ် ၂၃ ခုရှိ အနိမ့်ပိုင်းကမ်းရိုးတန်းတစ်လျှောက် နေထိုင်သူများ အမြန်ရွှေ့ပြောင်းကြရန် သတိပေးထားသည်။

ငလျင်သည် ထိုင်ဝမ် ဟွာလီယန်စီးတီး တောင်ဘက် ၁၈ ကီလိုမီတာအကွာ မြေအောက် ၃၄.၈ ကီလိုမီတာအနက်ကို ဗဟိုပြုလှုပ်သွားသည်ဟု အမေရိကန် ဘူမိလေ့လာရေးဌာနက ပြောသည်။

ငလျင်ကြောင့် ထိုင်ဝမ်ဆိပ်ကမ်းမြို့တစ်ခုလုံး လျှပ်စစ်ဓါတ်အား ပြတ်တောက်သွားပြီး ဆူနာမီသတိပေးချက်များ ထုတ်ပြန်ထားသည်ဟု သိရသည်။ ref:Reuters/CNA


ဆက်စပ် သတင်းများ