ဆီးရီးယားရှိ အမေရိကန်စစ်စခန်းကို ဒုံးကျည်များဖြင့်ပစ်ခတ်တိုက်ခိုက်

ဂျွန်နသန်၊ နိရဉ္စရာ၊ ဧပြီ၂၂/၂၀၂၄ (နိုင်ငံတကာ)

 ဆီးရီးယားနိုင်ငံ အရှေ့မြောက်ပိုင်းရှိ အမေရိကန်စစ်စခန်းတစ်ခုဆီသို့ အီရတ်နိုင်ငံ ဇမ်မာမြို့မှ ဒုံးကျည်ငါးစင်းထက်မနည်း ပစ်လွှတ်တိုက်ခိုက်ခဲ့သည်။

အီရတ်ရှိ အီရန်ကျောထောက်နောက်ခံပြုအဖွဲ့က ယနေ့တွင် ထိုကဲ့သိုတိုက်ခိုက်မှုပြုလုပ်ခဲ့ကြောင်း လုံခြုံရေးသတင်းရင်းမြစ်များက ရိုက်တာသတင်းဌာနသို့ ပြောကြားခဲ့သည်။

ယခုတိုက်ခိုက်မှုသည် အီရတ်ရှိ အီရန်ကျောထောက်နောက်ခံပြုအဖွဲ့များက အမေရိကန်တပ်များကို ပစ်မှတ်ထားတိုက်ခိုက်ခြင်းကို ဖေဖော်ဝါရီလနောက်ပိုင်းက ရပ်တန့်ခဲ့သည်။

ယခုတိုက်ခိုက်မှုသည် ယင်းနောက်ပိုင်း ပထမဆုံးအကြိမ် အမေရိကန်တပ်ဖွဲ့များကို တိုက်ခိုက်မှု ဖြစ်သည်ဟု ရိုက်တာသတင်းကို ကိုးကားပြီး The Sky News ကဖော်ပြသည်။

အီရတ်ဝန်ကြီးချုပ် Mohammed Shia al Sudani သည် အိမ်ဖြူတော်တွင် သမ္မတ ဂျိုးဘိုင်ဒင်နှင့် တွေ့ဆုံပြီးနောက် နိုင်ငံသို့ ပြန်ရောက်ပြီး တစ်ရက်အကြာတွင် ထွက်ပေါ်လာခြင်းဖြစ်သည်။ Source/The Sky News