အင်ဒိုနီးရှားတွင် ရေကြီးမှုကြောင့် သေဆုံးသူ ၅၂ ဦး ထိတိုးလာ လူ ၁၇ ဦးပျောက်ဆုံးနေပြီး၊ လူပေါင်း ၃၀၀၀ ကျော်ကို ဘေးလွတ်ရာသို့ ရွှေ့ပြောင်းပေးထားရ
ဂျွန်နသန်၊ နိရဉ္စရာ၊ မေ ၁၅/၂၀၂၄ (နိုင်ငံတကာ)
အင်ဒိုနီးရှားနိုင်ငံအနောက်ဆူမတြားပြည်နယ်တွင် ရေကြီးမှုကြောင့် သေဆုံးသူ ဦးရေသည်(၅၂)ဦး အထိ မြင့်တက်လာပြီးလူအများအပြားကို ဘေးလွတ်ရာသို့ ရွှေ့ပြောင်းပေးခဲ့၇ကြောင်း အာဏာပိုင်များက မေလ ၁၄ ရက်ကပြောကြားခဲ့သည်။
မိုးသည်းထန်စွာရွာသွန်းမှုကြောင့်ရုတ်တရက်ရေကြီးခြင်း၊ မြေပြိုခြင်းနှင့် ချော်ရည် အေးများ စီးဆင်းခြင်းတို့ကြောင့်သေဆုံးသူ ဦးရေသည် (၅၂)ဦးအထိ မြင့်တက်လာပြီး၁၇ ဦးလည်း ပျောက်ဆုံးနေကြောင်း၊ လူပေါင်း ၃၀၀၀ကျော်ကို ဘေးလွတ်ရာသို့ရွှေ့ပြောင်းပေးခဲ့၇ကြောင်း အာဏာပိုင်များကပြောကြားသည်။
မေလ(၁၂)ရက် ညနေပိုင်းက မိုးသည်းထန်စွာရွာသွန်းမှုကြောင့် ရုတ်တရက်ရေကြီးခြင်း၊ မြေပြိုခြင်းတို့ဖြစ်ပွားခဲ့ပြီး အနောက်ဆူမတြားပြည်နယ်ရှိ ၊ခရိုင်သုံးခုတွင်ရွှံ့နွံများ၊ မီးတောင်ပြာများ၊ ကျောက်တုံး အပိုင်းအစများနှင့်ချော်ရည်အေးများ စီးဆင်းမှုကြောင့် မေလ (၁၃)ရက် ထိ သေဆုံးသူ၄၃ ဦးထိရှိခဲ့ပြီး မေလ (၁၄)ရက်တွင် သေဆုံးသူဦးရေသည် (၅၂)ဦးထိမြင့်တက်လာခဲ့သည်။
သေဆုံးသူ၅၂ ဦးအနက် ၄၅ ဦးကို ဖော်ထုတ်နိုင်ခဲ့ကြောင်း ပျောက်ဆုံးနေဆဲလူ ၁၇ ဦးကို ဒေသဆိုင်ရာ ကယ်ဆယ်ရေးသမားများ၊ရဲတပ်ဖွဲ့နှင့် စစ်တပ်တို့က ဆက်လက်ရှာဖွေ သွားမည် ဖြစ်ကြောင်းအနောက်ဆူမားတြား သဘာ၀ဘေးအန္တရာယ် အေဂျင်စီမှပြောရေးဆိုခွင့်ရှိသူ အီဟန်ဝါဟပ် ပြောဆိုသည်။
ရေကြီးမှုကြောင့်ခရိုင်၃ ခုရှိ အိမ်ခြေပေါင်း ၂၄၉ လုံး၊စပါးစိုက်ခင်းများ အပါအဝင် မြေယာ ၂၂၅ ဟက်တာ (၅၅၆ ဧက) နှင့် အဓိကလမ်းများ ပျက်စီးခဲ့၇ကြောင်းမေလ၁၃ ရက်ကစပြီး ရေများ ပြန်လည်ကျဆင်းသွားပြီဖြစ်ကြောင်း အီဟန်ဝါဟပ်က ဆက်လက် ပြောကြားသည်။
"ပျောက်ဆုံးနေသူတွေကိုလည်းဆက်လက် ရှာဖွေနေပါတယ်။ ဒါ့အ ပြင်၊ ရေကြီးမှုကြောင့်အဓိက လမ်းမကြီး တွေပေါ်မှာတင်ကျန်နေတဲ့ရွှံ့နွံတွေ၊ သစ်ပင် သစ်လုံးတွေ၊ ကျောက်တုံး ကျောက်ခဲကြီးတွေကို လည်းရှင်းလင်းဖယ်ရှားပြီးသန့်ရှင်းရေးလုပ်ငန်းတွေကိုလည်းဆက်လုပ်သွားမှာပါ” ဟု အီဟန် က ဆက်လက်ပြော ကြားသည်။ မေလ (၁၄)ရက်နေ့အထိ လူပေါင်း(၃၃၉၆)ဦးကို အနီးနားဝန်းကျင်ရှိ အဆောက်အဦးများသို့နေရာ ရွှေ့ပြောင်းပေးထား၇ကြောင်းအမျိုးသား သဘာ၀ဘေးအန္တရာယ်နှင့် စီမံခန့်ခွဲမှုအေဂျင်စီBNPB မှအကြီးအကဲဖြစ်သူ ဆူဟာယန်တို ကပြောဆို သည်။
BNPB သည် ရွက်ဖျင်တဲများ၊စောင်များ၊ အစားအသောက်များ၊ တစ်ကိုယ်ရေသန့်ရှင်းရေးသုံး ပစ္စည်းများ၊သယ်ဆောင်ရလွယ်ကူသောရွေ့လျား အိမ်သာများနှင့်ရေသန့် စက်များကိုလည်း ဖြန့်ဝေ ပေးထားကြောင်း သို့သော်လည်းလမ်းအများစုမှာ ရွှံ့နွံများ ဖုံးလွှမ်းနေသောကြောင့် ထောက်ပံ့ ပစ္စည်းများဖြန့်ဝေမှု ကိုအဟန့်အတားဖြစ်နေ ကြောင်း ၄င်းက ဆက်လက်ပြောကြားသည်။Source/ BD News 24
ပုံစာ--"မေလ၁၂ ရက်က အင်ဒိုနီးရှားနိုင်ငံ၊ အနောက်ဆူမာတြားပြည်နယ်တွင် မိုးသည်းထန်စွာရွာသွန်းမှုကြောင့်ရုတ်တရက် ရေကြီးမှုနှင့် မြေပြိုမှုများကြောင့် ပျက်စီးနေသည့်ကားတစ်စီးကို တွေ့မြင်၇စဥ်" AntaraFoto/Iggo El Fitra/ရိုက်တာ မှတဆင့်)
လှူရန်