ကြာသပတေး၊ ဇွန်လ ၂၀ရက်၊ ၂၀၂၄

လေထုမငြိမ်သက်မှုနဲ့ ကြုံတွေ့ကာ ခရီးသည်တစ်ဦးသေဆုံးပြီး ၃၀ ခန့် ဒဏ်ရာရခဲ့သော စင်္ကာပူခရီးသည်တင်လေယာဉ်တစ်စီး ဘန်ကောက်လေဆိပ်သို့ အရေးပေါ်ဆင်းသက်ခဲ့ရ


  • ရေးသူ: Web Master
  • | ရက်စွဲ: ၂၁ မေ ၂၀၂၄
  • | ကြည့်ရှုသူ: 596

နိရဉ္စရာ ၊ မေ ၂၁/၂၀၂၄

ဒီနေ့ မေ ၂၁ရက်၊ ညနေ ၃:၄၅ မိနစ်အချိန်က လန်ဒန်ကနေ စင်္ကာပူကို ပျံသန်းလာတဲ့ ခရီးသည်တင်လေယာဉ်ကြီး တစ်စီးဟာ ရုတ်တရက် လေထုမငြိမ်မသက်ဖြစ်မှုနဲ့ ကြုံတွေ့ရပြီးနောက် လေယာဉ်ပေါ်ပါ ခရီးသည်တစ်ဦး သေဆုံးကာ ၃၀ ဦးခန့် ဒဏ်ရာရရှိသွားလို့ အနီးဆုံး ဘန်ကောက်၊ သုဝဏ္ဏဘူမိလေဆိပ်ကို အရေးပေါ် ဆင်းသက်လိုက်ရတယ်လို့ သိရတယ်။ 

ဘိုးအင်း 777-300ER လေယာဉ်ပေါ်မှာ ခရီးသည် ၂၁၁ဦး လိုက်ပါလာပြီး လန်ဒန် ဟိသ်သရိုးလေဆိပ်ကနေ စင်္ကာပူကို ပျံသန်းလာစဉ်မှာ ရုတ်တရက် လေထုမငြိမ်မသက်ဖြစ်မှုနဲ့ ကြုံတွေ့ရပြီး လေယာဉ်ကိုယ်ထည်အတွင်း ကျွမ်းထိုးမှောက်ခုန် ဖြစ်ကာ ထိခိုက်ဒဏ်ရာရကြခြင်းဖြစ်တယ်။ 

ပျံသန်းနေတဲ့ လေယာဉ်များ လေထုမငြိမ်မသက်မှု ( Turbulence) နဲ့ ကြုံတွေ့ရလေ့ရှိပေမယ့် လူ သေဆုံးတဲ့အထိ ဖြစ်ပေါ်မှု အရင်က မရှိသလောက်ဖြစ်တယ်။ ref:CNA 

ဆက်စပ် သတင်းများ