ရုရှားက ယူကရိန်း ကို ဒုံးကျည် ၁၄ စင်း၊ ဒရုန်း ၁၇ စင်း တို့ဖြင့် ပစ်ခတ်တိုက်ခိုက်၊ ဒုံးကျည် ၇ စင်းနှင့် ဒရုန်းအားလုံးကို ပစ်ချနိုင်ခဲ့ ကြောင်း ယူကရိန်းစစ်တပ်ကပြောဆို

ဂျွန်နသန်၊ နိရဉ္စရာ၊ ဇွန် ၁၅/၂၀၂၄

ရုရှားက ယူကရိန်း အနောက်ဖက်ဒေသကို ဒုံးကျည် ၁၄ စင်း၊ ဒရုန်း ၁၇ စင်း တို့ဖြင့် ပစ်ခတ် တိုက်ခိုက်ခဲ့ရာတွင် ဒုံးကျည် ၇ စင်းနှင့် ဒရုန်းအားလုံးကို ပစ်ချနိုင်ခဲ့ ကြောင်း ယူကရိန်းစစ်တပ်က ဇွန်၁၄ ရက်က ပြောကြားသည်။

ရုရှားစစ်တပ်သည်ယူကရိန်း နိုင်ငံအနောက်ဘက်ဒေသကို ညဖက်အတွင်း တိုက်ခိုက်ခဲ့ရာ လေကြောင်းရန် ကာကွယ်ရေးတပ်ဖွဲ့သည် Kh-101/Kh-555 ခရုဇ်ဒုံးကျည် ၁၀ စင်းအနက် ခုနစ်စင်းကို ပစ်ချခဲ့ကြောင်း ယူကရိန်းစစ်တပ်က ပြောကြားခဲ့သည်ဟုရိုက်တာသတင်းက ဖော် ပြသည်။

ရုရှားစစ်တပ် သည် ယူကရိန်းအနောက်ဖက်ဒေသရှိ အရေးကြီးသည့်အခြေခံအဆောက်အအုံများနှင့် စစ်ဘက်ဆိုင်ရာပစ္စည်းများကို အဓိက ပစ်မှတ်ထားပြီး တိုက်ခိုက်ခဲ့ခြင်းဖြစ်ကြောင်းယူကရိန်း လေတပ်မှပြောရေးဆိုခွင့်ရှိသူ Illia Yevlash က ပြောကြားခဲ့သည်။

ထို့အတူ ရုရှားသည် Zaporizhzhia ဒေသကို ပစ်မှတ်ထားပြီး Iskander-M ပဲ့ထိန်းဒုံးကျည်သုံးစင်းနှင့် Kinzhal ဝေဟင်ပစ် ပဲ့ထိန်းဒုံးကျည်တစ်စင်းဖြင့် ပစ်လွှတ်တိုက်ခဲ့ကြောင်း ယူကရိန်း လေတပ်မှပြောရေးဆိုခွင့်ရှိသူ Illia Yevlash ပြော ဆိုသည်။

Zaporizhzhia ၏အုပ်ချုပ်ရေးမှူးက အဆိုပါ တိုက်ခိုက်မှုကြောင့် အခြေခံအဆောက်အအုံများ မီးလောင်မှုဖြစ်ပွားခဲ့သော်လည်း ထိခိုက်သေဆုံးမှုမရှိကြောင်း ပြောဆိုသည်။

ယခု နွေဦးရာသီတွင် ရုရှားက လေကြောင်းမှ တိုက်ခိုက်မှုများကြောင့် ယူကရိန်း၏ အရေးပါသော အခြေခံအဆောက်အအုံ အများအပြားထိခိုက် ပျက်စီးခဲ့ရသည်။ Source/Reuters and Photo by ABC