(လူပေါင်း၄၇၀ ကျော်ကိုရဲတပ်ဖွဲ့က ဖမ်းဆီးထိန်းသိမ်းထား)

နိရဉ္စရာ၊ ဇူလှိုင် ၃/၂၀၂၄

တူရကီနိုင်ငံအလယ်ပိုင်းရှိ၊ ဆီရီးယား ဈေးဆိုင်များနှင့် ကားများကို ဆီးရီးယားဆန့်ကျင်ရေး လှုပ်ရှားသည့် လူအုပ်စုကတိုက်ခိုက်ခဲ့ကြပြီးနောက် လူပေါင်း၄၇၀ ကျော်ကိုရဲတပ်ဖွဲ့က ဖမ်းဆီး ထိန်းသိမ်းထားကြောင်းသိ၇သည်။

Kayseri မြို့အလယ်ပိုင်း တွင်အသက် ခုနစ်နှစ်အရွယ် ဆီးရီးယားမိန်းကလေးတစ်ဦးကိုလိင်ပိုင်းဆိုင်ရာ စော်ကားမှုဖြင့် ဆီးရီးယားအမျိုးသားတစ်ဦးကို တူရကီအာဏာပိုင်များကဖမ်းဆီးခဲ့ပြီးနောက် အဆိုပါ အဓိကရုဏ်းများ ဆင်တိုက်ဖြစ်ပွားခဲ့၇ခြင်းသည်။

တူရကီနိုင်ငံ၊အလယ်ပိုင်းရှိ မဲလ်လစ်ဂါဇီ ဒေသတွင် ဆီးရီးယားဒုက္ခသည်များ အပေါ် အကြမ်းဖက် တိုက်ခိုက်မှုများဖြစ်ပွားခဲ့ပြီး အခြားနေရာများ ထိပါကူးစက်ရောက်ရှိသွားပြီးနောက်၊ အားလုံး တည်တည်ငြိမ်ငြိမ် ရှိကြပါရန် တူရကီအစိုး၇က တောင်းဆိုလိုက်သည်။

မှုခင်းဆိုင်ရာအွန်လိုင်း သတင်းများကြောင့် ဒေါသထွက်နေကြသည့်တူ၇ကီဒေသခံများသည်ဇွန် လ၃၀ ရက် က Kayseri တွင်ရှိသည့် ဆီးရီးယားလူမျိုးများပိုင် ဆိုင်သည့် ကားများကိုဖျက်ဆီးခြင်း၊ ဈေး ဆိုင်များကို မီးတင်ရှို့ခြင်းများပြုလုပ်ခဲ့ ကြပြီး၊ ဆီးရီးယားနိုင်ငံသားများကိုတူ၇ကီနိုင်ငံ အတွင်းကနေ နှင်ထုတ်ဖို့ တောင်းဆိုခဲ့ကြသည်။

“ပျက်စီးသွားတဲ့အိမ်တွေ၊ လုပ်ငန်းတွေနဲ့ ကားတွေဟာဆီးရီးယားနိုင်ငံသားတွေပိုင်ဆိုင်ကြတာပါ” ဟု တူရကီပြည်ထဲရေးဝန်ကြီး Ali Yerlikaya ကပြောဆိုသည်။ အကြမ်းဖက်မှုများသည်ဆီးရီးယားနိုင်ငံ တောင်ပိုင်း Hatay ပြည်နယ်ထိကူးစက် ပျံ့နှံ့သွားခဲ့ပြီး ဆန္ဒပြသူများသည် ဆီးရီးယားကုန်စုံဆိုင်များကို မီးရှို့ခဲ့ကြသည်။

ဆီးရီးယားလူမျိုးများအပေါ် ရန်စပြီးအကြမ်းဖက်သည့်လုပ်ရပ်များကိုပြုလုပ်ခဲ့ကြသည့် လူပေါင်း (၄၇၄)ဦးကို ဇူလိုင်လ(၂)ရက်ကဖမ်းဆီးထိန်းသိမ်းထားကြောင်းတူရကီပြည်ထဲရေးဝန်ကြီး Ali Yerlikaya ကX လူမှုကွန်ရက်တွင်ရေးသားခဲ့ သည်။

အဆိုပါအကြမ်းဖက်မှုကို ရှုတ်ချခဲ့ပြီး အတိုက်အခံ ပါတီများသည် ဆူပူမှုဖြစ်အောင်တွန်းအားပေးခဲ့ကြသည်ဟု က တူ၇ကီသမ္မတ Recep Tayyip Erdogan ကပြစ်တင်ပြောဆို လိုက် သည်။

“အိမ်တွေကို မီးရှို့တာ၊ ဖျက်ဆီးတာ၊လမ်းတွေကို မီးရှို့တာတေ့ကို လက်မခံနိုင်ပါဘူး”ဟုဇူလိုင်လ(၁)ရက်က ဖြစ်ပွားခဲ့သည့် အကြမ်းဖက်မှုဖြစ်စဥ်နှင့်ပတ်သက်ပြီး ၎င်းက ပြောကြားခဲ့သည်။

"လူ့အဖွဲ့အစည်းအတွင်းမှာကြောက်ရွံ့မှုနဲ့မုန်းတီးမှုတွေ၊ ဒုက္ခသည်တွေ ကို မုန်းတီးအောင်လှုံ့ဆော်မှုတွေ ပြုလုပ်နေကြ မယ်ဆိုရင်တာ့ ဒါဟာ ဘယ်တော့မှ အောင်မြင်နိုင်မှာမဟုတ်ပါဘူး”၎င်းက ထပ်လောင်းပြောကြားခဲ့သည်။

၂၀၁၁ခုနှစ်တွင်ဖြစ်ပွားခဲ့သည့် ဆီးရီးယားပြည်တွင်းစစ်ကြောင့် ဆီးရီးယားနိုင်ငံသားများကိုတူရကီကဒုက္ခသည်များအဖြစ် ကြိုဆိုလက်ခံခဲ့သည်။ တူရကီတွင်ဆီးရီးယားနိုင်ငံသား (၃ ဒသမ၅)သန်းကျော် နေထိုင်လျက်ရှိရာ ဒေသတွင်းနိုင်ငံများတွင်အရေအတွက် အများဆုံးဖြစ်သည်။

ဆီးရီးယားနိုင်ငံသားအများစုသည်“ယာယီကာကွယ်ရေး”အခြေအနေအောက်တွင် နေထိုင်ကြပြီး နောက်ပိုင်းတွင် ဆီးရီးယားနိုင်ငံသားအများအပြားသည် တူ၇ကီနိုင်ငံသားများဖြစ်လာကြသည်။

သို့သော်ငွေကြေးဖောင်းပွမှု မြင့်တက်လာခြင်း၊ စီးပွားရေးပိုမိုကြပ်တည်းလာခြင်းတို့ကြောင့် တူရကီ နိုင်ငံတွင် အထူးသဖြင့် ဆီးရီးယား ဒုက္ခသည်ဆန့်ကျင်ရေး စိတ်ဓာတ်များ ပိုမို မြင့်တက်လာခဲ့သည်ဟု သိ၇သည်။Source/Aljazeera