ဂျွန်နသန်၊နိရဉ္စရာ၊ ဇူလိုင် ၃၁/၂၀၂၄

အိန္ဒိယတွင်မြေပြိုမှုများဖြစ်ပွားခဲ့ရာ သေဆုံးသူဦးရေ သည် အနည်းဆုံး(၁၅၈) ဦးအထိ ရှိလာခဲ့ပြီး၊လူ (၂၀၀) ကျော်ဒဏ်ရာရရှိခဲ့ကြောင်း India Today သတင်းဖော်ပြချက်အရသိ၇သည်။

အိန္ဒိယနိုင်ငံ ၊Keralaပြည်နယ်၊Wayanad ခရိုင်တွင် မိုးကြီးမှုကြောင့်မြေပြိုမှုများဖြစ်ပွားခဲ့ရာ အနည်းဆုံးလူ (၁၅၈)ဦး သေဆုံးခဲ့၇ပြီး ၊လူ(၂၀၀) ကျော် ဒဏ်ရာရရှိခဲ့ကြောင်း ၊ လူ(၁၈၀) ကျော် သည်လည်းအပျက်အစီးများအောက်တွင် ပိတ်မိနေကြောင်းအစိုးရက ထုတ်ပြန်သည့် အချက်အလက်များအရသိ၇သည်။

ဇူလိုင်လ(၃၀)ရက်က မိုးသည်းထန်စွာရွာသွန်းခဲ့မှုကြောင့် လေးနာရီအတွင်းWayanad ဒေသတွင် မြေပြိုမှု သုံးခုဖြစ်ပွားခဲ့ပြီး လူအများအပြားသည် ချာလီယာမြစ်အတွင်း မျောပါသွားခဲ့သည်ဟု ဆိုသည်။

Keralaပြည်နယ်၊ Wayanadဒေသအတွင်းမိုးအဆက်မပြတ်ရွာသွန်းမှုကြောင့် လမ်းများ ဆိုးရွားစွာပျက်ဆီးနေပြီးအချို့နေရာများတွင်လမ်းများ ပိတ်ဆို့နေသည့်အတွက် ကယ်ဆယ်ရေး လုပ်ငန်းများကိုနှောက်နှေး ကြန့်ကြာစေကြောင်း၊ မြေပြိုမှု (၃) ခု မဖြစ်ပွားမီအချိန်အထိ ၂၄ နာရီအတွင်းKerala ပြည်နယ်တွင်မိုးရေချိန်သည် ၃၇၂ မီလီမီတာ စံချိန်တင်ရောက်ရှိခဲ့သည်။

မိုးသည်းထန်စွာရွာသွန်းမှုကြောင့်ခရိုင်အတွင်းရှိ Chooralmala နှင့် Mundakkai ကျေးရွာတို့ကို ဆက်သွယ်ထားသည့် အဓိကတံတားတစ်စင်း ရေစီးဖြင့် မျောပါသွားခဲ့သည်။

အိန္ဒိယစစ်တပ်သည်Wayanadခရိုင်တွင် ရှာဖွေကယ်ဆယ်ရေးအတွက် ဝန်ထမ်း ၃၀၀ ခန့်ကိုတပ်ဖြန့်ထားပြီးလူပေါင်း ၁၀၀၀ ကျော်ကို စစ်တပ် မှ ကယ်ဆယ်နိုင်ခဲ့သည်။

Wayanad ခရိုင်တွင် ကယ်ဆယ်ရေးစခန်း ၄၅ ခု ကို ဖွင့်လှစ်ထားပြီးလူပေါင်း ၃,၀၆၉ ဦး ကို အဆိုပါစခန်းများတွင်လက်ခံ ထားရှိကြောင်းသိ၇သည်။

အိန္ဒိယ်ကြီးချုပ်မိုဒီ သည် ဇူလိုင်၃၁ရက် နံနက်ပိုင်းတွင် Kerala ပြည်နယ်ဝန်ကြီးချုပ်Pinarayi Vijayan နှင့် စကား ပြောဆိုခဲ့ကြပြီး အကူအညီများပေးအပ်ရန်ကိုလည်း အာမခံခဲ့သည်ဟုဆိုသည်။

သေဆုံးသူများ၏မိသားစုဝင်များကို ထောက်ပံ့ငွေ ရူပီး၂ သိန်း၊ ထိခိုက်ဒဏ်ရာရသူများကိုရူပီး (၅၀,၀၀၀) ကို ပေးအပ်မည်ဖြစ် ကြောင်းဝန်ကြီးချုပ်ရုံးက ကြေညာချက်ထုတ်ပြန်ခဲ့သည်။Source/ India Today