ဂျွန်နသန်၊နိရဉ္စရာ၊ ဩဂုတ် ၃/၂၀၂၄

ဘင်္ဂလားဒေ့ရှ်နိုင်ငံတွင် ဇူလိုင်လအတွင်းကဖြစ်ပွားခဲ့သည့် ဆန္ဒပြမှုများအတွင်းအနည်းဆုံးကလေးငယ် (၃၂) ဦးသေဆုံးခဲ့ပြီး၊အများအပြားလည်းဒဏ်ရာများရရှိကာ၊ ထိန်းသိမ်းခံခဲ့၇ကြောင်း UNICEF မှသတင်းထုတ်ပြန်သည်။

" ဒါဟာ အင်မတန်မှဆိုးရွားလှတဲ့ ဆုံးရှုံးမှုတစ်ရပ်ဖြစ်ပါတယ်။ UNICEF က အကြမ်းဖက်မှု လုပ်ရပ်အားလုံးကို ရှုတ်ချပါတယ်။ သားသမီးများ ဆုံးရှုံးခဲ့ရတဲ့ မိသားစုများထံ ဝမ်းနည်းကြေကွဲရပါ ကြောင်းယူနီဆက်ဖ်ကိုယ်စား၊ပြောကြားလိုပါတယ်”ဟုUNICEFမှတောင်အာရှ ဒေသဆိုင်ရာ ဒါရိုက်တာ SanjayWijesekera ကပြောဆိုခဲ့သည်။

သြဂုတ်လ(၂)ရက်က ခေတ္တမန္ဒူတွင်ထုတ်ပြန်ခဲ့သော ကြေညာချက်တွင် ထိုသို့ ထည့်သွင်းဖော်ပြထားသည်။

၄င်းသည်ဘင်္ဂလားဒေ့ရှ်နိုင်ငံတွင် တစ်ပတ်ကြာနေထိုင်ခဲ့ပြီး ခေတ္တမန္ဒူသို့ ပြန်လည်ရောက်ရှိစဥ် မကြာသေးမီကဘင်္ဂလားဒေ့ရှ်တွင်ဖြစ်ပွားခဲ့သည့် အကြမ်းဖက်မှုနှင့်ပဋိပက္ခများသည်ကလေးငယ်များ အပေါ် အကျိုးသက်ရောက်မှုနှင့် ပတ်သက်၍ အလွန်စိုးရိမ်မိကြောင်းအထက်ပါအတိုင်းပြောဆိုခဲ့ခြင်းဖြစ်သည်။

၄င်းသည်အစိုးရ၊ UNICEF မိတ်ဖက်အဖွဲ့အစည်းများ၊ လူငယ်များနှင့် လက်တွဲဆောင်ရွက်နေသော အဖွဲ့အစည်းများနှင့် တွေ့ဆုံခဲ့ရာတွင် ကုလသမဂ္ဂကလေးသူငယ် အခွင့်အရေးများဆိုင်ရာ သဘောတူစာချုပ်သည်ကလေးသူငယ်များ၏ လွတ်လပ်စွာသင်းပင်းဖွဲ့စည်းခွင့်နှင့်လွတ်လပ်စွာ ငြိမ်းချမ်းစွာစုဝေးခွင့်တို့ကိုအသိအမှတ်ပြုထားကြောင်း ၄င်းက အလေးပေးပြောကြားခဲ့သည်။

"ကလေးတွေကိုအချိန်တိုင်း အကာအကွယ်ပေးရမယ်။ ဒါလူတိုင်းမှာ တာဝန်ရှိတယ်” ဟု ၄င်းကဆက်လက် ပြောဆိုခဲ့သည်။

ဘင်္ဂလားဒေ့ရှ်နိုင်ငံသည်လွန်ခဲ့သည့်၃၄ နှစ်က ၊ ကလေးသူငယ်အခွင့်အရေးများဆိုင်ရာကုလသမဂ္ဂကွန်ဗင်းရှင်းတွင် ပါဝင်လက်မှတ်ရေးထိုးခဲ့သည့် နိုင်ငံတစ်နိုင်ငံဖြစ်သည်။

"ကလေးများနှင့်လူငယ်များသည် ဘင်္ဂလားဒေ့ရှ်၏ အနာဂတ်ဖြစ်သည်"ဟု ၎င်းက ထပ်လောင်းပြောကြားခဲ့သည်။ Source/The Daily Star and Photo by Open democracy