ဂျွန်နသန်၊ နိရဉ္စရာ၊ ဩဂုတ် ၁၉/၂၀၂၄

ဘင်္ဂလားဒေ့ရှ်နိုင်ငံအတွင်းခိုလှုံနေကြသည့်ရိုဟင်ဂျာများကိုဆက်လက်ပံ့ပိုး ကူညီပေးသွားမည် ဖြစ်ကြောင်း ဘင်္ဂလားဒေ့ရှ် ကြားဖြတ်အစိုး၇အဖွဲ့ခေါင်းဆောင်ယူနွတ်စ်က၄င်း၏ပထမဆုံး မူဝါဒမိန့်ခွန်းတွင် ကတိပြု ပြောကြားလိုက်သည်ဟု အယ်လ်ဂျာဇီးယားကဖော်ပြချက်အရသိ၇သည်။

ဘင်္ဂလားဒေ့ရှ်၏ကြားဖြတ်အစိုးရအဖွဲ့ ခေါင်းဆောင် မိုဟာမက် ယူနွတ်စ်သည် ၎င်း၏ ပထမဆုံးပြောကြားခဲ့သည့် အစိုးရ၏မူဝါဒဆိုင်ရာ မိန့်ခွန်းတွင် ထိုသို့ကူညီသွားရန် ကတိပြုခဲ့ခြင်းဖြစ်သည်။

၎င်း၏ကြားဖြတ် အစိုးရသည်ဘင်္ဂလားဒေ့ရှ်နိုင်ငံတွင် ခိုလှုံနေကြသည့် ဒုက္ခသည် တစ်သန်းခန့်ကို ဆက်လက် ပံ့ပိုးကူညီပေးသွားမည်ဖြစ်ကြောင်းမိုဟာမက်ယူနွတ်စ်က သြဂုတ်(၁၈)ရက်တွင် သံတမန်များ၊ ကုလသမဂ္ဂ အဖွဲ့အစည်းများမှကိုယ်စားလှယ်များရှေ့မှောက်တွင် အထက်ပါ အတိုင်းကတိပြုပြောဆိုခဲ့ခြင်းဖြစ်သည်။

"ရိုဟင်ဂျာတွေအတွက်လူသားချင်းစာနာထောက်ထားမှုဆိုင်ရာ လုပ်ငန်းများဆောင်ရွက်ဖို့၊ နိုင်ငံတကာအသိုင်းအဝိုင်းရဲ့စဉ်ဆက်မပြတ် ကြိုးပမ်းအားထုတ်မှုတွေလိုအပ်ပါတယ်။ဒါ့အပြင် သူတို့(ရိုဟင်ဂျာ)ရဲ့ မွေးရပ်မြေ၊ မြန်မာနိုင်ငံဆီဘေးကင်းလုံခြုံပြီးဂုဏ်သိက္ခာရှိစွာနဲ့ (လူ့)အခွင့်အရေး အပြည့်အ၀နဲ့နေရပ်ပြန်နိုင်ရေးတို့ လည်းလိုအပ်ပါတယ်” ဟု ၎င်းက ဆိုသည်။

ဘင်္ဂလားဒေ့ရှ်နိုင်ငံ တွင် ရိုဟင်ဂျာ တစ်သန်းခန့် နေထိုင်လျက်ရှိပြီး ၎င်းတို့ထဲမှ အများစုသည်၂၀၁၇ ခုနှစ်နောက်ပိုင်း၊မြန်မာစစ်တပ်၏ အကြမ်းဖက်နှိမ်နင်းခဲ့မှုများကြောင့် မြန်မာနိုင်ငံမှဘင်္ဂလားဒေ့ရှ်နိုင်ငံအတွင်း ထွက်ပြေး တိမ်းရှောင်လာကြသူများဖြစ်သည်။

ရခိုင်ပြည်နယ်တွင်မြန်မာစစ်တပ်နှင့်  ရက္ခိုင့်တပ်တော်(AA) တို့ကြားပဋိပက္ခများပြင်းထန်နေချိန်တွင် စစ်ပွဲကြောင့်ရရှိခဲ့သည့် ဒဏ်ရာများဖြင့် မြန်မာနိုင်ငံမှဘင်္ဂလားဒေ့ရှ် နိုင်ငံသို့ နောက်ထပ် ရိုဟင်ဂျာများယခုလအစောပိုင်းကထပ်မံရောက်ရှိလာကြောင်းMSF ဟုခေါ်သည့် နယ်စည်းမခြားဆရာဝန်များအဖွဲ့ ကပြောဆိုခဲ့သည်။

ဒဏ်ရာ၇သူများ၏ ၄၀ ရာခိုင်နှုန်းကျော်သည် အမျိုးသမီးများနှင့် ကလေးငယ်များဖြစ်ကြောင်း MSF ၏ ထုတ်ပြန်ချက်တွင် ထည့်သွင်းဖော်ပြထားသည်ကိုတွေ့၇သည်။

Al Jazeera သတင်းဌာနမှ “Bangladesh’Yunus promises support to Rohingya in first policy speech” ကို မူရင်းသတင်းပါ အချက်အလက်အတိုင်းဘာသာပြန်ထားခြင်းဖြစ်ပါသည်။ Photo by YouTube.