ဂျွန်နသန်၊ နိရဉ္စရာ၊ ဩဂုတ် ၂၈/ ၂၀၂၄(နိုင်ငံတကာ)

ဆူဒန်နိုင်ငံအရှေ့မြောက်ပိုင်းတွင်၊ မိုးသည်းထန်စွာရွာသွန်းမှုကြောင့် ဆည်ပြိုကျမှုဖြစ်ပွားခဲ့ရာလူ (၆၀) ကျော် သေဆုံးခဲ့ပြီး၊ရာနှင့်ချီ ပျောက်ဆုံးနေကြောင်းဒေသခံမီဒီယာကဖော်ပြချက်အရသိ၇သည်ဟုအယ်လ်ဂျာဇီးယားသတင်းက ဖော်ပြသည်။

ဆူဒန်နိုင်ငံအရှေ့မြောက်ပိုင်းတွင်၊ မိုးသည်းထန်စွာရွာသွန်းမှုကြောင့် သြဂုတ်(၂၄)ရက်ကညပိုင်းက၊ ပယ်လယ်နီပြည်နယ်၏မြို့တော် ပို့တ်ဆူဒန်ရှိ အာဘတ်ဆည်ပြိုကျမှုဖြစ်ပွားခဲ့ရာ လူနေအိမ်များ ပြိုကျခဲ့ပြီး၊လူသေဆုံးမှုများရှိခဲ့ကြောင်းဖက်ဒရယ်ကျန်းမာရေးဝန်ကြီးဌာနမှသြဂုတ်(၂၅)ရက်တွင်ထုတ်ပြန်ခဲ့သည့် ကနဦးထုတ်ပြန်ချက်တွင် ဖော်ပြထားသည်။

ဆည်ကျိုးပေါက်မှုကြောင့်ရေကြီးရေလျှံမှုများဖြစ်ပွားခဲ့ပြီး သေဆုံးသူဦးရေသည် အနည်းဆုံး လူ (၆၀)အထိတိုးလာကြောင်း ဒေသဆိုင်ရာ တာဝန်ရှိသူများကို ကိုးကား၍ al-Taghyeer နှင့် Medameekအပါအဝင် ဒေသတွင်းရှိသတင်းမီဒီယာများက သတင်း ဖော်ပြခဲ့သည်။

ကုလသမဂ္ဂ၏ပြောဆိုချက်အရ ရွာပေါင်း (၂၀) ပျက်စီးခဲ့၇ပြီး အိမ်ခြေ (၅၀,၀၀၀) ထိခိုက် ပျက်စီး သွားရကြောင်း ၊လူအများအပြားလည်း ပျောက်ဆုံးလျက်ရှိကြောင်း သိ၇သည်။

ရေလွှမ်းမိုးမှုကြောင့်မော်တော်ယာဥ်များအတွင်း လူများ စွာပိတ်မိနေကြောင်း ဒေသခံတစ်ဦးဖြစ်သူ AliIssa က အယ်လ်ဂျာဇီးယားသို့ သတင်းပေးခဲ့သည်။“မိသားစုတွေ၊သက်ကြီးရွယ်အိုတွေနဲ့ ကလေးတွေကို တင်ဆောင်လာတဲ့ ကုန်တင်ကား ခုနစ်စီးရှိတယ် ၊ရေလွှမ်းမိုးမှုကြောင့် သူတို့က ားထဲမှာပိတ်မိနေကြတယ်” ဟု ၎င်းက ပြောဆိုသည်။

အယ်လ်ဂျာဇီးယားမှ Hiba Morgan ကအာဘတ်ဆည်သည် ဆူဒန်၏အုပ်ချုပ်ရေးမြို့တော်ဖြစ်လာသည့်ပင်လယ်နီမြို့၊ ပို့တ်ဆူဒန် မြို့တို့ အတွက် အဓိက ရေပေးဝေနေသည့် ဆည် ဖြစ်ကြောင်း၊ဆည်ပြိုကျမှုကြောင့် ပို့တ်ဆူဒန်နှင့် အနီးတစ်ဝိုက်တွင် သောက်သုံးရေ ဆိုးရွားစွာပြတ်တောက်မှုနှင့် ကြုံတွေ့၇နိုင်သည်ဟု ပြောကြားခဲ့သည်။

မိုးသည်းထန်စွာရွာသွန်းပြီးနောက်စနေနေ့ညတွင် ဆည်ကျိုးပေါက်ခဲ့ကြောင်း ဒေသတွင်း မီဒီယာများက ဖော်ပြသော်လည်း မိုဘိုင်းကွန်ရက်ပြတ်တောက်နေ မှုကြောင့်အယ်လ်ဂျာဇီးယား အနေဖြင့် အသေးစိတ်အချက်အလက်များကိုစုဆောင်း၇ခက်နေသည်ဟုဆိုသည်။

ပို့တ်ဆူဒန်၏ မြောက်ဘက် ကီလိုမီတာ ၄၀(၂၅ မိုင်) အကွာရှိ အာဘတ်ဆည် သည် ဆူဒန်နိုင်ငံတွင်ရေလွှမ်းမိုးမှုများမဖြစ်ပွားအောင် ထိန်းညှိပေးနေသည့် ဆည်စနစ်၏တစ်စိတ်တစ်ပိုင်းတစ်ခုဖြစ်ပြီး နိုင်းမြစ်၏ အထက်ပိုင်းမြစ်လက်တက်နှစ်ခုဆုံသည့်နေရာတွင်တည်ရှိသည်။

ဆူဒန်နိုင်ငံတွင်ဇွန်လကုန်မှစ၍မိုးသည်းထန်စွာရွာသွန်းမှုကြောင့် နိုင်ငံတစ်ဝှမ်းရေကြီးရေလျှံမှုများဖြစ်ပွားခဲ့ရာသေဆုံးရသူဦးရေသည် (၁၃၂)ဦးအထိ မြင့်တက်လာကြောင်း ကျန်းမာရေးဝန်ကြီးဌာနက သြဂုတ်(၂၆)ရက်တွင် ပြောကြားခဲ့သည်။

ဆူဒန်နိုင်ငံတွင် မိုးသည်းထန်စွာရွာသွန်းမှုနှင့်ရေကြီးရေလျှံမှုများနှင့် ရင်ဆိုင်နေ၇ကြောင်း၊ ပြည်နယ် (၁၆) ခုတွင်ခန့်မှန်းခြေ လူပေါင်း ၃၁၇,၀၀၀(မိသားစုပေါင်း ၅၆,၄၅၀စု ) ကို ထိခိုက်ခဲ့သည်ဟု ကုလသမဂ္ဂ လူသားချင်းစာနာထောက်ထားမှုဆိုင်ရာညှိနှိုင်းရေးရုံး (OCHA) ကဆိုသည်။

အထိခိုက်ဆုံးပြည်နယ်များတွင်မြောက်ဒါဖာ၊ နိုင်းမြစ်နှင့် အနောက်ဒါဖာတို့ ပါဝင်ကြောင်း၊ မိုးသည်းထန်စွာ ရွာသွန်းမှုနှင့်ရေကြီးရေလျှံမှုများသည် စစ်ပွဲကြောင့်ဖြစ်ပေါ်လာသော လူသားချင်း စာနာထောက်ထားမှုဆိုင်ရာ အကြပ်အတည်းကိုပိုမို တိုးပွား လာ စေပြီး၊စားနပ်ရိက္ခာ  အကျပ်အတည်းနှင့် အတူ ဆူဒန်သည် ရေပေးဝေမှုကိုညစ်ညမ်းစေသည့် ရေလွှမ်းမိုးမှုများကြောင့် ကာလဝမ်းရောဂါ ဖြစ်ပွားမှုကိုလည်းရင်ဆိုင်နေ၇သည်ဟု UNOCHA ကဆိုသည်။Source/Algazeera