ဂျွန်နသန်၊ နိရဉ္စရာ၊ ဩဂုတ် ၂၈ (နိုင်ငံတကာ)

ဥရောပတွင် တတိယကမ္ဘာစစ်ဖြစ်လာလိမ့်မည်ဟု ရုရှား နိုင်ငံခြားရေး ဝန်ကြီးက အမေရိကန်ကိုသတိပေးပြောဆိုလိုက်ကြောင်းရိုက်တာသတင်းဖော်ပြချက်အရသိ၇သည်။

ယူကရိန်းကရုရှား၏ Kursk ဒေသကို တိုက်ခိုက်ခဲ့မှုတွင် အမေရိကန်နှင့်အနောက်နိုင်ငံများ(ဥရောပ) ပါဝင်ပတ်သက်ခဲ့မှုများရှိနေသည့်အပေါ်ရုရှားနိုင်ငံခြားရေးဝန်ကြီးက က အထက်ပါအတိုင်း သတိပေး ပြောဆိုလိုက်ခြင်းဖြစ်သည်။

အနောက်နိုင်ငံများသည်၄င်းတို့၏ဒုံးကျည်များဖြင့် ယူကရိန်းကို ရုရှားနိုင်ငံအတွင်းပိုင်းထိ ထိုးဖောက်ပြီး ထိုးစစ်ဆင်ဖို့ စဉ်းစားနေခြင်းသည် "မီး နဲ့ ဆော့ကစားနေခြင်း" ဖြစ်ကြောင်း ၄င်း က ပြောကြားလိုက်ပြီး ဥရောပတွင်တတိယကမ္ဘာစစ်ဖြစ်လာရန်အတွက် ကန့်သတ်ထားမှုများ မရှိကြောင်း ၄င်းကအမေရိကန်ကို သြဂုတ်(၂ရ)ရက် (အင်္ဂါနေ့)က သတိပေးလိုက်ကြောင်းသိ၇သည်။

ယူကရိန်းသည်ရုရှားနိုင်ငံ အနောက်ဘက် Kursk ဒေသကို သြဂုတ် (၆) ရက်ကစတင်တိုက်ခိုက်ခဲ့ပြီး ဒုတိယကမ္ဘာစစ်နောက်ပိုင်းနိုင်ငံခြားတိုင်းပြည်တစ်ခုကရုရှားနိုင်ငံကို အကြီးမားဆုံးသော တိုက်ခိုက်မှု ဖြစ်ခဲ့သည်။

အဆိုပါတိုက်ခိုက်မှုနှင့် ပတ်သက်ပြီး ရုရှားဘက်က ထိုက်တန်တဲ့ တုံ့ပြန်မှုတွေပြုလုပ်မည်ဟုရုရှား သမ္မတဗလာဒီမာပူတင်ကပြောကြားထားခဲ့သည်။

၂၀၂၂ခုနှစ်တွင်ရုရှားသည် ယူကရိန်းကို ကျူးကျော်မှုစတင်ကတည်းက ကမ္ဘာ့အကြီးဆုံး နျူကလီးယား အင်အားကြီးနိုင်ငံများနှင့်ပတ်သက်သည့် ပိုမိုကျယ်ပြန့်သော စစ်ပွဲအန္တရာယ်ကို အမေရိကန် ဦးဆောင်သောနေတိုးမဟာမိတ်အဖွဲ့နှင့် ပဋိပက္ခမဖြစ်စေလိုကြောင်း ပူတင်သည် ထုတ်ဖော်ပြောကြားခဲ့သေး သည်။

သမ္မတပူတင်၏ နိုင်ငံခြားရေး ဝန်ကြီးအဖြစ် နှစ်ပေါင်း (၂၀)ကျော်ကြာ တာဝန်ထမ်းဆောင်ခဲ့သောSergei Lavrov က အနောက်နိုင်ငံ များသည် ယူကရိန်းစစ်ပွဲကို အရှိန်မြှင့်ရန်ကြိုးပမ်းနေကြောင်း ပြောဆိုခဲ့သည်။

"အခု နောက်တစ်ကြိမ် ထပ် ပြော ပါဦးမယ်။ သူတို့ဟာ မီးနဲ့ဆော့ ကစားနေကြတာပါ။ သူတို့ဟာ ဘာနဲ့ တူလဲဆိုတော့မီးခြစ်တွေ နဲ့ကစားနေတဲ့ ကလေးသူငယ် တွေလိုပါဘဲ၊ ဒါဟာ အရွယ်ရောက်ပြီး ဖြစ်ကြတဲ့ဦးလေးတွေ၊ အဒေါ်တွေ(နျူလက်နက်များပိုင်ဆိုင်ကြောင်း အပ်နှင်းခံထားရသူများသို့မဟုတ် အခြားအနောက်နိုင်ငံများ) အတွက်အလွန်အန္တရာယ်များတဲ့ အရာတစ်ခုပါဘဲ "ဟု Lavrov က မော်စကိုတွင်သတင်းထောက်များအား ပြောကြားခဲ့သည်။

“အမေရိကန်တွေကတတိယကမ္ဘာစစ်နဲ့ ပတ်သက်ပြီး ဆက်စပ်ပြောဆိုလာရင် ဒါဟာဥရောပကို သီးသန့် အကျိုးသက်ရောက်မှုရှိစေမယ့်( ဥရောပတွင် တတိယကမ္ဘာစစ်ဖြစ်လာလိမ့်မည်ဟု ဆိုလိုခြင်း ဖြစ်သည်)အရာပါ” ဟုLavrov ကသတိပေး ပြောကြားခဲ့သည်။

ယူကရိန်းသည်Kursk ဒေသကိုတိုက်ခိုက်မှုတွင် ဗြိတိန်တင့်ကားများနှင့် အမေရိကန် ဒုံးပျံစနစ်များ အပါအဝင်အနောက်တိုင်းလက်နက်များကို အသုံးပြုခဲ့သည်ဟု ရုရှားက ပြောကြားခဲ့သည်။

Kursk တွင်ရှိသည့်တံတားများကိုချိုးဖျက် ရာတွင် US HIMARS ဒုံးကျည်များအသုံးပြုခဲ့ကြောင်း Kyiv က အတည်ပြုပြောကြားသည်။

အမေရိကန်တို့ကယူကရိန်းသည် ရုရှား၏ Kursk ဒေသ သို့ အံ့အားသင့်ဖွယ်ကျုးကျော်ခြင်းမပြုမီ ယူကရိန်း၏ အစီအစဉ်များနှင့် ပတ်သက်၍ အကြောင်းကြားခြင်းမရှိခဲ့ ကြောင်း၊ စစ်ဆင်ရေးတွင် မည်သည့်အရာမှ ပါဝင်ပတ်သက်ခဲ့ခြင်း မရှိခဲ့ကြောင်း တုံ့ပြန် ပြောကြားခဲ့သည်။

ယူကရိန်းကရုရှား၏ Kursk ဒေသကို တိုက်ခိုက်မှုနှင့် ပတ်သက်ပြီး ၄င်းတို့နှင့်သက်ဆိုင်ဆိုင်ခြင်း မရှိကြောင်းအနောက်နိုင်ငံများက အခိုင်အမာ ပြောဆိုမှုများကို ရုရှားအနေဖြင့်ယုံကြည်မှုမရှိကြောင်း ပူတင်၏ နိုင်ငံခြားထောက်လှမ်းရေး အကြီးအကဲဖြစ်သူ ဆာဂျီနာရီရှကင်က သြဂုတ်(၂ရ)ရက်က ပြောကြားခဲ့သည်။

ရုရှားလက်ထောက် နိုင်ငံခြားရေးဝန်ကြီး ဖြစ်သူSergei Ryabkov က လည်း အဆိုပါတိုက်ခိုက်မှုများ၏နောက်ကွယ်တွင် အမေရိကန် ပါဝင်ပတ်သက် နေမှုသည်သိသာထင်ရှားကြောင်း ပြောကြားခဲ့သည်။

ယူကရိန်းသည်ရုရှား၏ Kursk ဒေသကို တိုက်ခိုက်မှုပြီးသည့် ရက်ပိုင်းအတွင်းမှာပင်အမေရိကန်နှင့် ဗြိတိန်တို့သည် ယူကရိန်းနိုင်ငံကို ဂြိုလ်တုဓာတ်ပုံနှင့် Kurskဒေသဆိုင်ရာအကြောင်းအရာများနှင့်အခြားသတင်းအချက်အလက်များကို ပေးအပ်ခဲ့ကြောင်း New York Times ၏အစီရင်ခံချက်တွင် ဖော်ပြခဲ့သည်။ Source/ Reuters  and Photo/We news English