ဂျွန်နသန်၊ နိရဉ္စရာ၊ စက်တင်ဘာ ၁၀/ ၂၀၂၄

နိုင်ဂျီးရီးယားတွင် လောင်စာဆီတင်ယာဉ်တစ်စီးပေါက်ကွဲမှုဖြစ်ပွားခဲ့ရာ အနည်းဆုံးလူ (၄၈)ဦး သေဆုံးခဲ့ရကြောင်း Bdnews24 သတင်းဖော်ပြချက်အရသိ၇သည်။

နိုင်ဂျီးရီးယားနိုင်ငံ၊မြောက် အလယ်ပိုင်းဒေသ တွင် လောင်စာဆီတင်ယာဉ်တစ်စီးနှင့် ခရီးသည်များ၊ ကျွဲနွားများတင်ဆောင်လာသည့် ကုန်တင်ယာဉ်တစ်စီးတို့ တိုက်မိခဲ့ရာလောင်စာဆီတင်ယာဉ်မှာ မီးလောင် ပေါက်ကွဲ မှုဖြစ်ပွားခဲ့ပြီး အနည်းဆုံး လူ (၄၈)ဦးသေဆုံးခဲ့၇ကြောင်း သဘာ၀ဘေးအန္တရာယ် စီမံခန့်ခွဲရေးအေဂျင်စီက ပြောကြားခဲ့သည်။

နိုင်ဂျီးရီးယားနိုင်ငံ၊မြောက်အလယ်ပိုင်းရှိနိုင်ဂျာပြည်နယ် အရေးပေါ်စီမံခန့်ခွဲရေး အေဂျင်စီမှ ပြောရေးဆိုခွင့်ရှိသူ Hussaini Ibrahim က"လောင်စာဆီသယ်ဆောင်လာတဲ့ ထရပ်ကား ဟာ ခရီးသွားတွေနဲ့ ကျွဲနွားတွေတင်ဆောင်လာတဲ့ ထရပ်ကားတို့ တိုက်မိခဲ့ရာမှာအနည်းဆုံး သေဆုံးသူ( ၄၈)ဦးရှိခဲ့ပါတယ်" ဟုပြောဆိုသည်။

စက်တင်ဘာ(၈)ရက်ကဖြစ်ပွားခဲ့ရသည့်အဆိုပါယာဥ်တိုက်မှုဖြစ်စဥ်အတွင်းပါဝင်ပတ်သက်သည့်အခြားယာဉ်အများအပြားကိုလည်းဖမ်းဆီးထားကြောင်း၊ အခင်းဖြစ်ပွားရာနေရာကိုတာဝန်ရှိသူများကရှင်းလင်းနေဆဲဖြစ်ကြောင်း၄င်းကဆက်လက် ပြော ဆိုသည်။

နိုင်ဂျီးရီးယားတွင်၊ နိုင်ငံပိုင်ကုမ္ပဏီ NNPC လီမိတက် သည်လွန်ခဲ့သည့်အပတ်က ဓာတ်ဆီဈေးနှုန်း ကို အနည်းဆုံး (၃၉) ရာခိုင်နှုန်းထိတိုးမြှင့်ခဲ့ပြီး ၄င်းသည် တစ်နှစ်ကျော်ကာလအတွင်း ဒုတိယအကြိမ် ထပ်မံ၍ မြင့်တက်ခဲ့သလို ဆီပြတ်လပ်မှုများကလည်းယခုအချိန်ထိဆက်လက်ဖြစ်ပွားလျက်ရှိသည်။

နိုင်ငံ၏အဓိကမြို့ကြီးများနှင့်မြို့နယ်များတွင် ဆီရရန်အတွက် မော်တော် ယာဉ်များစွာသည် နာရီပေါင်းများစွာကြာအောင်တန်းစီနေရ ကြောင်းသိ၇သည်။ Source/Bdnews24